- Ач отунчуну ачыуу – бурнунда.
- Эринчекни аурууу – кёб.
- Джиби бир къат джетмей эди да, эки къат тарта эди.
- Чомарт джарлы болмаз.
- Ашарыкъда сайлагъаннга – чий гырджын.
- Айтылгъан сёз ызына къайтмаз.
- Тюзню ётмеги тюзде къалса да, тас болмаз.
- Гугурук къычырмаса да, тангны атары къалмаз.
- Босагъагъа джууукъ орун болса, ашыгъыб тёрге озма.
- Мухардан ач ычхынмаз.
- Чакъырылмагъан джерге барма, чакъырылгъан джерден къалма.
- Тёрени джагъы джокъ.
- Туз, гырджын аша, тюзлюк бла джаша.
- Эринчекге кюн узун.
- Джангыз терек къынгыр ёсер.
- Аджашхан тёгерек айланыр.
- Ёпкелегенни ашы татлы болады.
- Уллу айтханны этмеген – уллаймаз.
- Ач уят къоймаз.
- Эрине къаргъыш этген къатын, эрнин къабар.
- Мухарны эси – ашарыкъда.
- Чарсда алчыны эл кёреди.
- Дууулдаса – бал чибин, къонса – къара чибин.
- Къая джолда джортма, ачыкъ сёзден къоркъма.
- Намысы болмагъанны, сыйы болмаз.
- Эри аманны, къатыны – аман.
- Айранны сюйген, ийнек тутар.
- Босагъа таш юйге кирмей эди, тыбыр таш эшикге чыкъмай эди.
- Ауругъан – джашаудан умутчу.
- Тойгъа барсанг, тоюб бар, эски тонунгу къоюб бар.
- Къонакъ аман болса, къонакъбай джунчур
- Билим ат болуб да чабар, къуш болуб да учар.
- Чабакъсыз кёлге къармакъ салгъанлыкъгъа, чабакъ тутмазса.
- Эрни эр этерик да, къара джер этерик да, тиширыуду.
- Дуния мал дунияда къалады.
- Айтхан – тынч, этген – къыйын.
- Чёбню кёлтюрсенг, тюбюнден сёз чыгъар.
- Ёнгкюч къууана барыр, джылай келир.
- Асхат ашлыкъ сата, юйдегиси ачдан къата.
- Ач къарынны, токъ билмез
- Борчунг бар эсе, хурджунунга ойлаб узал.
- Кёзден кетген, кёлден да кетеди.
- Этим кетсе да, сюегим къалыр.
- Тау башында, тау болмаз, джангыз терек, бау болмаз.
- Иги адам абынса да, джангылмаз.
- Башсыз урчукъ тюзюне айланмаз.
- Адамны адамлыгъы къыйынлыкъда айгъакъланады.
- Аллахха ийнаннган кишини, Аллах онгдурур ишин.
- Эм уллу байлыкъ – джан саулукъ.
- Терслик кетер, тюзлюк джетер.