- Къонагъы джокъну – шоху джокъ.
- «Ёгюз, джаргъа джууукъ барма, меннге джюк боллукъса», - дегенди эшек.
- Биреуню эскиси биреуге джангы болмайды.
- Къартны бурнун сюрт да, оноугъа тут.
- Бозанг болмагъан джерге, къалагъынгы сукъма.
- Тас болгъан бычакъны сабы – алтын.
- Джарлы тюеге минсе да, ит къабар.
- Экиндини кеч къылсанг, чабыб джетер ашхам.
- Ёгюзню мюйюзюнден тутадыла, адамны сёзюнден тутадыла.
- Къарт бла баш аша, джаш бла аякъ аша.
- Чакъырылмагъан джерге барма, чакъырылгъан джерден къалма.
- Джюрек кёзден алгъа кёрюр.
- Ауурну тюбю бла, дженгилни башы бла джюрюген.
- Окъуу – билимни ачхычы, окъуу – дунияны бачхычы.
- Акъыллы – эл иеси, тели – эл баласы.
- Тели турса – той бузар.
- Акъыл аздырмаз, билим тоздурмаз.
- Биреуге кёлтюрген таягъынг, кесинги башынга урур.
- Ашхы тенг джолгъа салыр, аман тенг джолдан тайдырыр.
- Алгъанда – джууукъ, бергенде – джау.
- Соргъан айыб тюлдю, билмеген айыбды.
- Сёз къанатсыз учар.
- Аманнга игилик этсенг, юйюнге сау бармазса.
- Билмейме деген – бир сёз
- Ишге юренсин къоллары, халкъ бла болсун джоллары.
- Ариу джол аджал келтирмез.
- Тойгъандан сора, ашны сёкме.
- Айтылгъан буйрукъ, сёгюлмез
- Кёрмегеннге кебек – танг, битмегеннге сакъал – танг.
- Адам сёзюнден белгили.
- Чарсда алчыны эл кёреди.
- Чомарт джарлы болмаз.
- Къартха ушагъан джаш – акъыллы, джашха ушагъан къарт – тели.
- Адамгъа аман кюн соруб келмейди.
- Чоюнну башы ачыкъ болса, итге уят керекди.
- Эл ауузу – элек, анга ийнаннган – халек.
- Тил джюрекге джол ишлейди.
- Тёзген – тёш ашар!
- Сакъламагъан затынга джолукъсанг, не бек къууанаса, не бек ачыйса.
- Биреуню тёрюнден, кесинги эшик артынг игиди.
- Ким бла джюрюсенг, аны кёзю бла кёрюнюрсе.
- Биреу къой излей, биреу той излей.
- Шайтан алдады, тюзлюк къаргъады.
- Элде адам къалмаса, ит тахтагъа минер.
- Билмегенинги, билгеннге сор.
- Халкъны джырын джырласанг, халкъ санга эжиу этер.
- Арбаз къынгырды да, ийнек сауалмайма.
- Эртде тургъан бла эртде юйленнген сокъуранмаз.
- Ач къарынны, токъ билмез
- Терслик кетер, тюзлюк джетер.
|
Uzeir
|
