Эльбрусоид :: Эльбрусоид

Келинни – келгинчи, бёркню кийгинчи кёр.
Аш хазыр болса, иш харам болур.
Aдам боллукъ, сыфатындан белгили.
Атынг аманнга чыкъгъандан эсе, джанынг тамагъынгдан чыкъсын.
Къумурсхала джыйылсала, пилни да джыгъадыла.
Къонакъ хазыр болгъанлыкъгъа, къонакъбай хазыр тюлдю.
Чомартха хар кюн да байрамды.
Джукъу тёшек сайламайды.
Биреу къой излей, биреу той излей.
«Ма», - дегенни билмесенг, «бер», - дегенни билмезсе.
Биреуню къыйынлыгъы бла кесинге джол ишлеме.
Рысхысына кёре, джаш ёсер, къышлыгъына кёре, мал ёсер.
Ашарыкъда сайлагъаннга – чий гырджын.
Айранын берсенг, челегин да къызгъанма.
Арбаз сайлама да, хоншу сайла.
Этни да ашады, бетни да ашады.
Къызбайны юйюне дери сюрсенг, батыр болур.
Джангызны оту джарыкъ джанмаз!
Юйлю уругъа ит чабмаз.
Чабакъгъа акъыл, табагъа тюшсе келеди.
Аманнга игилик этсенг, юйюнге сау бармазса.
Хар ишни да аллы къыйынды.
Адам бла мюлк юлешмеген эсенг, ол адамны билиб бошагъанма, деб кесинги алдама.
Эринчекге кюн узун.
Эки ойлашыб, бир сёлешген.
Хата – гитчеден.
Баргъанынга кёре болур келгенинг.
Ханнга да келеди хариблик.
Биреуге кёлтюрген таягъынг, кесинги башынга урур.
Тюзлюк тас болмайды.
Джюрек кёзден алгъа кёрюр.
Дженгил джетерикме деб, узун джолну къоюб, къысхасын барма.
Къартны бурнун сюрт да, оноугъа тут.
Мал тутхан – май джалар.
Айтханы чапыракъдан ётмеген.
Байны къызы баймакъ болса да, юйде къалмаз!
Иги сеники эсе да, сюйген кесимикин этеме.
Ашхы атаны – джашы ашхы, ашхы ананы – къызы ашхы.
Мухар, кеси тойса да, кёзю тоймаз.
Тил бла келеди джыр да.
Билим къая тешер.
Огъурлуну сёзю – суу, огъурсузну сёзю – уу.
Ашыкъгъан cуу, тенгизге джетмез.
Биреуге аманлыкъны тилеме да, кесинге ашхылыкъны тиле.
Малны кют, джерни тюрт.
Экеу тутушса, биреу джыгъылыр.
Туз, гырджын аша, тюзлюк бла джаша.
Къаллай салам берсенг, аллай джууаб алырса.
Зар адам ашынгы ашар, кесинги сатар.
Ауругъан – джашаудан умутчу.