Войти на сайт
28 Марта  2024 года

 

  • Эки къатын алгъан – эки ташны ортасына башын салгъан.
  • Эл тойса, тоймагъан, эл къойса, къоймагъан.
  • Адамны бетине къарама, адетине къара.
  • Эртде тургъан бла эртде юйленнген сокъуранмаз.
  • Башсыз урчукъ тюзюне айланмаз.
  • Кютгени беш эчки, сызгъыргъаны уа, джерни джарады.
  • Зар адам ашынгы ашар, кесинги сатар.
  • Джарлы джети элни сёзюн этер.
  • Адеби болмагъан къыз – тузсуз хант.
  • Мураты болгъанны джюрек тебюую башхады.
  • Кесине оноу эте билмеген, халкъына да эте билмез.
  • Эшекни не къадар тюйсенг да, ат болмаз.
  • Алим болгъандан эсе, адам болгъан къыйынды.
  • Айранны сюйген, ийнек тутар.
  • Тойгъан джерден туугъан джер игиди.
  • Элиб деген, элге болушур.
  • Мухар, кеси тойса да, кёзю тоймаз.
  • Аман адам этегингден тутса, кес да къач.
  • Ойнаб айтсанг да, эслеб айт.
  • Ач уят къоймаз.
  • Оюмсуз атлагъан, аджалсыз ёлюр.
  • Башда акъыл болмаса, эки аякъгъа кюч джетер.
  • Арыгъан къош чамчы болур.
  • Чомарт къолда мал къалмаз.
  • Ишин билген, аны сыйын чыгъарады.
  • Аман хансны – урлугъу кёб.
  • Гугук кесини атын айтыб къычыргъанча, мен, мен деб нек тураса?
  • Сёз къанатсыз учар.
  • Сёлеш деб шай берген, тохта деб, сом берген.
  • Джумушакъ терекни къурт ашар.
  • Булут кёкге джарашыу, уят бетге джарашыу.
  • Ариу – кёзге, акъыл – джюрекге.
  • Магъанасыз сёз – тауушсуз сыбызгъы.
  • Къыз келсе, джумуш эте келеди, къатын келсе, ушакъ эте келеди.
  • Айран ичген – къутулду, джугъусун джалагъан – тутулду.
  • Ана – юйню кюн джарыгъы.
  • Мал кёб болса, джууукъ кёб болур.
  • Ашхы – джыяр, аман – джояр.
  • Ач бёрюге мекям джокъ.
  • Малны кют, джерни тюрт.
  • Тулпарлыкъ, билекден тюл – джюрекден.
  • Алгъанда – джууукъ, бергенде – джау.
  • Кимни – тили, тиши онглу, кимни – къолу, иши онглу.
  • Ётюрюкню башын керти кесер.
  • Ашда – бёрю, ишде – ёлю.
  • Дуния аламаты сен эсенг да, игиме деб айтма.
  • Хата – гитчеден.
  • Уясында не кёрсе, учханында аны этер.
  • Туз, гырджын аша, тюзлюк бла джаша.
  • Аджал соруб келмез, келсе, къайтыб кетмез.
О нас » КЪАРАЧАЙ
Написать нам