Навигация

Elbrusoid.org

Словарь

Джукъу тёшек сайламайды.
Эрине къаргъыш этген къатын, эрнин къабар.
Айтханы чапыракъдан ётмеген.
Байлыкъдан саулукъ ашхыды.
Хунаны тюбюн къазсанг, юсюнге ауар.
Ышармагъан – кюлмез, кюлмеген – къууанчны билмез.
Джаш болсун, къыз болсун, акъылы, саны тюз болсун.
Къызгъанчдан ычхыныр, мухардан ычхынмаз.
Юй ишлеген балта эшикде къалыр.
Аман киши кеси юйюнде – къонакъ.
Къыз чыгъаргъан – къызыл къымжа.
Ёксюзню къалачы уллу кёрюнюр.
Ким бла джюрюсенг, аны кёзю бла кёрюнюрсе.
Сабийликде юретмесенг, уллу болса – тюзелмез.
Берекет берсин деген джерде, берекет болур.
Кенгеш болса, уруш болмаз.
Окъдан джара эртде-кеч болса да бителир, сёз джара, ёмюрге къалыр.
Минг тенг да азды, бир джау да кёбдю.
Акъыл бла адеб эгизледиле.
Джахил болса анасы, не билликди баласы?
Аууздан келген, къолдан келсе, ким да патчах болур эди.
Адебни адебсизден юрен.
Телиге от эт десенг, юйюнге от салыр.
Бет бетге къараса, бет да джерге къарар.
Биреуню тёрюнден, кесинги эшик артынг игиди.
Адамны адамлыгъы къыйынлыкъда айгъакъланады.
Шайтан алдады, тюзлюк къаргъады.
Джетген къыз джерли эшекни танымаз.
Тюзлюк тас болмайды.
Ётюрюкню башын керти кесер.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Дуния мал дунияда къалады.
Джашынгы кесинг юретмесенг, джашау юретир.
Аман эсирсе, юйюн ояр.
Бир онгсуз адам адет чыгъарды, деб эштирик тюлсе.
Тешигини къатында, чычхан да батыр болур.
Джаханимни кёрмей, джандетге кёл салмазса.
Азыкъ аз болса, эртде орун сал.
Ач къарынны, токъ билмез
Къоркъакъны кёзю экили кёрюр.
Тилчи тилден къаныкъмаз.
Джарлыны тону джаз битер.
Кёлю джокъну – джолу джокъ.
Билеги кючлю, бирни джыгъар, билими кючлю, мингни джыгъар.
Кюн кёрмеген, кюн кёрсе, кюндюз чыракъ джандырыр.
Ёлюк кебинсиз къалмаз.
Тамырсыз терекге таянма – джыгъылырса.
Чёбню кёлтюрсенг, тюбюнден сёз чыгъар.
Биреу къой излей, биреу той излей.
Бозанг болмагъан джерге, къалагъынгы сукъма.