Расширенный поиск
25 Мая 2024 года
Логин: Регистрация
Пароль: Забыли пароль?
Навигация
Словарь
  • Къолунгдан къуймакъ ашатсанг да, атаны борчундан къутулмазса.
  • Таукелге нюр джауар.
  • Тёзген – тёш ашар!
  • Атадан ёксюз – бир ёксюз, анадан ёксюз – эки ёксюз.
  • Ариу сёз – къылычдан джити.
  • Адамгъа аман кюн соруб келмейди.
  • Джаралыны джастыгъында сау ёлюр.
  • Татлы тилде – сёз ариу, чемер къолда – иш ариу.
  • Окъдан джара эртде-кеч болса да бителир, сёз джара, ёмюрге къалыр.
  • Ата джурт – алтын бешик.
  • Ариу – кёзге, акъыл – джюрекге.
  • Ишлемеген – тишлемез.
  • Ким бла джюрюсенг, аны кёзю бла кёрюнюрсе.
  • Тамырсыз терекге таянма – джыгъылырса.
  • Насыб бютеу халкъны юлюшюдю.
  • Джеринден айырылгъан – джети джылар, джуртундан айырылгъан – ёлгюнчю джылар.
  • Кесине оноу эте билмеген, халкъына да эте билмез.
  • Эм ашхы къайын ана мамукъ бла башынгы тешер.
  • Айтылгъан буйрукъ, сёгюлмез
  • Аджашхан тёгерек айланыр.
  • Нарт сёз – тилни бети.
  • Эркишини аманы тиширыуну джылатыр.
  • Тыш элде солтан болгъандан эсе, кесинги элде олтан болгъан игиди!
  • Кютгени беш эчки, сызгъыргъаны уа, джерни джарады.
  • Хоншуну тауугъу къаз кёрюнюр, келини къыз кёрюнюр.
  • Къарт бла баш аша, джаш бла аякъ аша.
  • Окъуу – билимни ачхычы, окъуу – дунияны бачхычы.
  • Аджал соруб келмез, келсе, къайтыб кетмез.
  • Гугурук къычырмаса да, тангны атары къалмаз.
  • Эркиши – от, тиширыу – суу.
  • Аманны эки битли тону болур, бирин сеннге кийдирир, бирин кеси киер.
  • Борчунг бар эсе, хурджунунга ойлаб узал.
  • Акъылсызны джууукъгъа алма, акъыллыны кенгнге салма.
  • Кимни – тили, тиши онглу, кимни – къолу, иши онглу.
  • Тенги кёбню джау алмаз, акъылы кёбню дау алмаз.
  • Ач къалгъандан, кеч къалгъан къолай.
  • Айныгъанлы алты кюн, тогъайгъанлы тогъуз кюн.
  • Алтыда кюлмеген, алтмышда кюлмез.
  • Ургъан суудан башынгы сакъла.
  • Тойгъандан сора, ашны сёкме.
  • Ёзденликни джайгъан – джокълукъ.
  • Ёлген ийнек сютлю болур.
  • Кийиминг бла танылма, адамлыкъ бла таныл.
  • Ата Джуртча джер болмаз, туугъан элча эл болмаз.
  • Джылкъыдан – ат чыгъар, тукъумдан – джаш чыгъар.
  • Аман къатын сабий табса, бий болур…
  • Тили узунну, намысы – къысха.
  • Тюкюрюк баш джармаз, налат кёз чыгъармаз!
  • Ауругъан – джашаудан умутчу.
  • Кёкдеги болмаса, джердегин кёрмейди.

Форум

Форум / Бёлюмле :: Тематические разделы / Ана тилде :: Ana tilde
Страницы: 1
Қарачай-ноғай кафедраға қонақға барабыз!, Ана тилден оқутхан устазланы хазырлағанлаға соруўуғуз бар эсе, сақлайбыз!
 
#1
Джаратама2
20.02.2013 16:35:47 Translit
Қарачай-малқар тилни школлада оқутхан устазла қайда аладыла оқуў-билим? Ала қайсы, қаллай программа бла оқуйдула университетде? Бусағатда қарачай-малқар тилни школлада оқутурға излегенлени саны қаллай бирди? :финкинг:Быллай, дағыда былаға ушаш көб соруў келеди бизни башыбызға. Ол соруўлаға җуўабла табар мурат бла, февралны 26-да ҚЧҚУ-ну қарачай-ноғай кафедрасына қонақға барлықбыз. :превед:Анда ишлеген устазла бла танышдырлықбыз сизни, бағалы форумчула. Алайды да, соруўу болған, тартынмағыз, былайда җазығыз.
Говорят, физически человек обновляется каждые семь лет. А духовно не обновляется ли человек еще чаще? Сколько человек умирает в одном человеке, прежде чем сам он умрет?
 
 
 
#2
Джаратама0
20.02.2013 20:11:40 Translit
Девушка Гор,

1.Анда окъутхан устазланы тукъумларын, атларын былайгъа салалмазмыса?
2.Алфавитни тюрлендириуге ала къалай къарайдыла (хар бирини энчи оюму: разы эселе не ючюн? тюл эселе да не ючюн?)
 
 
 
#3
Джаратама0
20.02.2013 20:19:09 Translit
Sabr, Сизден көбүрек соруў сақлаб тура эдим. Былаға уа җуўабланы алама, игитда :)
Говорят, физически человек обновляется каждые семь лет. А духовно не обновляется ли человек еще чаще? Сколько человек умирает в одном человеке, прежде чем сам он умрет?
 
 
 
#4
Джаратама0
20.02.2013 21:43:15 Translit
Ол устазла болургъа излегенле, устаз ишни тышында, не бла кюрешедиле ( энчи ишлени тутуб тилни юсюнде, хапарла жазыб )?
Сора къарачай-малкъар тилден сора не тилни окъуйдула?
Окъуй эселе, ингилиз тил окъулады, аны тышында араб тил, тюрк тил - къайсы? Эм мен билмеген,жазмагъан да болур!
Была барысы да манга бек керек, изленнген сорууладыла, тынгылы жууабла бир бил, Фатима!
Жууаб сакълайма!:гоккачыкъ:
"Къадарны этегинде...","Сени ючюн"...(с)
 
 
 
#5
Джаратама0
20.02.2013 23:02:49 Translit
Ма энтда бир соруу ("Кёл къоркъакъ да къол батыр" деген статьяданды бу соруу):

"Окъуучуну эсин энтда бир затха бёлдюрюрге излейме: бюгюнлюкде биз хайырланыб тургъан орфография (китаб формат бла тергегенде) бютеулей да 15 бет чыкъмайды. Ол 15 бетни 11 джылны узагъында школда, джаныбызны-къаныбызны да аямай, окъутуб-окъутуб, сингдириб-сингдириб кюрешебиз... Ахырында уа, орта сохта, школну бошай туруб, диктантын «4»-ге джазалмайды. Нек?"

Керти да, школда устазла 11 джылны узагъына "джан-къан аямай" кюрешиб, орта сохта уа диктантны "4"-ге джазалмай къала болурму?

Алай эсе, терслик недеди, кимдеди? Устазла устазлыкъмы эталмайдыла, сабийле башха тюрлюмю болгъандыла, огъесе, башха чурумму барды?

Иш не алфавитде, не орфографияда тюлдю. Джюрюб тургъан алфавит бла, орфография бла бизни класс (Къызыл-Къала, 1972) халатсыз джазарча болгъан эди.
Совет власт оюлгъунчу окъугъанла, диктантны айырмагъа джазарча бола эдик, энди нек болмайды алай?

Университет устазланы къарыусуз хазырлай болурму? Ала школда "къанларын-джанларын" аямай окъута болмазламы? Къарачай джазма тилни билгенле аздан-аз болуб нек барадыла? Бу халны тюрлендирир ючюн Университетни устазлары не этедиле?
 
 
 
#6
Джаратама0
21.02.2013 03:09:35 Translit
мени соруум устазладан эсе, бютеу университетге кёбюракъ джараша болурду.
Сёз ючюн, тегейле хар бир талай джылны ичинде фольклор киталаны басмаладыла. Бизде джангы фольлор джыйылгъа китаб чыгъарыкъмыды къачан болсада?
 
 
 
#7
Джаратама0
21.02.2013 08:09:34 Translit
Мени сорууум да бир кесек сейирек боллукъду, алай а тюзюча англаб, табха санаб къоярыкъ эсегиз да, ким биледи.
Къарачай литература дерследе бизни заманыбызда коммунист-социалист системаны махтау джанындан назмула эм хапарла джазылыб, аланы азбар эте, эм да окъуб билирге кюреше эдик. Аны тышында башха тюрлю чыгъармала бек да джокъ кибик эдиле, энди бусагъатдагъы китаблада да ол биягъы программа бла окъутамыдыла эке деб, бек сагъышлы болама анда-мында кеси аллыма. Башха тюрлю китабла чыгъарылгъанмыдыла, чыгъарылмагъан эселе чыгъарыр мадар эм материал бармыды джангы китаблагъа? Ансы ол эски система китабла кишиге да сейир кёрюнедиле деб чыртданда айталлыкъ тюлме, аланы окъуб, башларын аурутуб айланнган болмаса уллу хайырлары боллугъуна да ийнаналмайма мен. Тилибизни да адабиятыбызны да окъур излер эм да сюер ючюн эсе уа эски китабланы тюрлендирмей мадар болмаз. Арт заманлада школ китаблагъа къараб да айланмагъанма, ариу тюрлендирилиб тургъанлай, мен бошуна быллай бир джазыу джазыб айлана эсем да билмейме, бек да ийнаналмайма мынга ансы.
 
 
 
#8
Джаратама0
21.02.2013 08:24:50 Translit
Цитата
Sabr пишет:
Керти да, школда устазла 11 джылны узагъына "джан-къан аямай" кюрешиб, орта сохта уа диктантны "4"-ге джазалмай къала болурму?

Алай эсе, терслик недеди, кимдеди? Устазла устазлыкъмы эталмайдыла, сабийле башха тюрлюмю болгъандыла, огъесе, башха чурумму барды?....
бу сорууугъузгъа мен огъуна джууаб берейим, айыб этмесегиз, сиз билмеген затны да джазарыкъ болмазма, алай а...
Сизни (бизни да) заманыгъызда Сони-Эриксонла, Эпплла джокъ эдиле, быллай тюрлю-тюрлю мешнала, сора да компьютер оюнла къайгъылы тюл эдиле сабийи уллусу да, андан ары къайдам аны кибик интернетдеги хылымлылыкъны да не болмагъанын киши да билмей эди, былагъа ушаш джангы джашауну юсюнден кёб зат джазаргъа боллукъду былайда тохтайым да къалайым мен. Бу затланы барысын да иги джанлары барды ишексиз, алай а бизде кёбюсюне аман джанларына эс бёледиле адамланы кёбюсю, артыкъсыз да ёсюб келген джаш тёлю. Аны тышында китабла да сейир джангы зат болмаса, устазла да бек аламат да болмазла, къайдам. Барысы да бир-бирине къошулса боллукъмуду къайдан юренирикдиле джазаргъа, окъургъа да?
Къалайдыла эке бу сагъатда окъуулада (школлада) болумла - устаз дерс англатыргъа кюреше тургъанлай бир джанындан да сабийле телефонлары бла ойнай, не да ким болса да къонгурау къакъды да чыгъыб келейим деген чурумла бла ары-бла бери бара, экиде бир баш аурута кибик сагъышла мени эсиме келедиле анда-мында. Сора да кёб сабийни эрке ёсдюрген джангы мода болгъанды, ол да къошулса уа башынгы ат да къач...
 
 
 
#9
Джаратама0
21.02.2013 11:26:05 Translit
Abdullah, тюз айтасыз!
Аллын, устаз урушхан этди деб, мектебден сабий къайтса, ата-ана айланыб дагъыда анга уруша эдиле, бусагъатда къоркъмагъан хыныракъ да бир селешсин сабийге, тейри анасы жетиб, этерин кёрюрсе! Ол бири! Кесими юсюмде билеме, бусагъатда къарачай-малкъар тилден окъутхан устазла тилге уллу кёллюдюле,кёбюсю!!! Былай алыб къарасакъ, сабийни къайсы устаз окъутханына кёре, билими да болады тыйыншлы! Бир бир устазлагъа, сабий тынгылаб турмасын ансы, не да айтсын! Бизни элде бир устаз барды да, хар тау элде аллай бири болса, сохтала ана тиллерин сюер эдиле эм билир эдиле! Ол устаз, юйюм-кюнюм-заманым демей,болгъан кючюн-акъылын ишине салыб,аямай кюрешеди, китабда берилген бла къалмай, сабийлени ол къатышдырмагъан зат жокъду! Аны этгенин айтыб, бошарча тюйюлдю,сора алда тенглешдир, ол окъутхан классны бла башха устазныкъын!!!!!! БЕК УЛЛУ БАШХАСЫ БАРДЫ! Сабийни кесинден да кёб къалады, бусагъатда, ана тилни мен не этеме дейдиле, билмей а,аны не билир барды дей! Къангагъа чыкъсала уа, ана тил - ингилиз тилден къыйыныракъ тюшюб къалады! Сылтауу кёбдю бу сорууну!
Теманы бёлгеним ючюн,ыразы болугъуз!
"Къадарны этегинде...","Сени ючюн"...(с)
 
 
 
#10
Джаратама0
21.02.2013 12:56:57 Translit
Керти сагъышларын бир айтсынла,кафедраны бюгюн болуму джетерикмиди кереклисича билимлери бла да,санлары бла да бир устаз къураргъа?
 
 
 
#
Джаратама0
  Translit
 
 
 
#11
Джаратама0
21.02.2013 13:53:40 Translit
Бюгюнлюк болумгъа кёре кафедраны 15-20 джылдан болуму къалай боллукъду экен?

Кеслерини орнуна къоярыкъ бирер специалист табыллыкъмыды?
You don't have a soul. You are a Soul. You have a body. © (C.S. Lewis)

Когда у меня проблемы: или финансовые, или там личные, я вспоминаю, что я молодой здоровый карачаевец)))) и сразу становится так радостно)))) (с)
 
 
 
#12
Джаратама0
25.02.2013 13:24:38 Translit
Ёрге кёлтюреме теманы :) Сорууларыгъыз болуб, къалыб кетмегиз:)
Говорят, физически человек обновляется каждые семь лет. А духовно не обновляется ли человек еще чаще? Сколько человек умирает в одном человеке, прежде чем сам он умрет?
 
 
 
#13
Джаратама0
25.02.2013 13:29:50 Translit
Девушка Гор, мени сорууларымы унутма!:превед:
"Къадарны этегинде...","Сени ючюн"...(с)
 
 
 
#14
Джаратама0
28.02.2013 17:22:09 Translit
Тюнене, КъЧКъУ-ну къарачай-ногъай кафедрасына къонакъгъа бардыкъ:превед: анда ишлеген устазла бла ушакъ этдик:)
Танышыгъыз:превед:Кафедраны тамадасы - Алийланы Тамара :превед: Устазла :) Байчораланы Сосланбек:превед:Батчаланы Алимурат :превед: Акачыланы Софья :превед: Ёртенлени Эльза :превед:




Сорууларыгъызгъа джууабланы, кёб турмайын саллыкъбыз:)
Говорят, физически человек обновляется каждые семь лет. А духовно не обновляется ли человек еще чаще? Сколько человек умирает в одном человеке, прежде чем сам он умрет?
 
 
 
#15
Джаратама0
28.02.2013 18:07:51 Translit
:превед:сакълайбыз!
"Къадарны этегинде...","Сени ючюн"...(с)
 
 
 
#16
Джаратама0
01.03.2013 14:48:57 Translit
Кафедраны тамадасы, Тамара Казиевна, къарачай-ногъай кафедрада ишлеген устазла бла танышдырады:)

Загрузка плеера



Къарачай-ногъай кафедраны устазлары, бюгюнлюкде да билим алгъанлай тургъанларыны юсюнден айтадыла Батчаланы Алимурат бла Акачыланы Софья:)

Загрузка плеера


Къара чачлы:гоккачыкъ:
Ол устазла болургъа излегенле, устаз ишни тышында, не бла кюрешедиле ( энчи ишлени тутуб тилни юсюнде, хапарла жазыб )?
Сора къарачай-малкъар тилден сора не тилни окъуйдула?



Загрузка плеера


Sabr
"Окъуучуну эсин энтда бир затха бёлдюрюрге излейме: бюгюнлюкде биз хайырланыб тургъан орфография (китаб формат бла тергегенде) бютеулей да 15 бет чыкъмайды. Ол 15 бетни 11 джылны узагъында школда, джаныбызны-къаныбызны да аямай, окъутуб-окъутуб, сингдириб-сингдириб кюрешебиз... Ахырында уа, орта сохта, школну бошай туруб, диктантын «4»-ге джазалмайды. Нек?"

Керти да, школда устазла 11 джылны узагъына "джан-къан аямай" кюрешиб, орта сохта уа диктантны "4"-ге джазалмай къала болурму?

Алай эсе, терслик недеди, кимдеди? Устазла устазлыкъмы эталмайдыла, сабийле башха тюрлюмю болгъандыла, огъесе, башха чурумму барды?



Загрузка плеера


Филология институтну, ана тил бла литературадан устазла болургъа излеген студентлени, бюгюнгю кюнлерини юсюнден :)

Загрузка плеера


Гвидо Фокс
Сёз ючюн, тегейле хар бир талай джылны ичинде фольклор киталаны басмаладыла. Бизде джангы фольлор джыйылгъа китаб чыгъарыкъмыды къачан болсада?


Загрузка плеера


Ана тилге сюймекликни сабийге ким берирге керегини, бюгюнгю студентле къаллай китабла окъугъанларыны юсюнден университетни окъуу (читальный) залыны тамадасы, кафедраны тамада устазы Ёртенлени Эльза айтады:)

Загрузка плеера


Sabr
Алфавитни тюрлендириуге ала къалай къарайдыла (хар бирини энчи оюму: разы эселе не ючюн? тюл эселе да не ючюн?)


Загрузка плеера


Аbdullah
Къарачай литература дерследе бизни заманыбызда коммунист-социалист системаны махтау джанындан назмула эм хапарла джазылыб, аланы азбар эте, эм да окъуб билирге кюреше эдик. Аны тышында башха тюрлю чыгъармала бек да джокъ кибик эдиле, энди бусагъатдагъы китаблада да ол биягъы программа бла окъутамыдыла эке деб, бек сагъышлы болама анда-мында кеси аллыма. Башха тюрлю китабла чыгъарылгъанмыдыла, чыгъарылмагъан эселе чыгъарыр мадар эм материал бармыды джангы китаблагъа?


Загрузка плеера


Мерседес
Бюгюнлюк болумгъа кёре кафедраны 15-20 джылдан болуму къалай боллукъду экен? Кеслерини орнуна къоярыкъ бирер специалист табыллыкъмыды?


Загрузка плеера
Говорят, физически человек обновляется каждые семь лет. А духовно не обновляется ли человек еще чаще? Сколько человек умирает в одном человеке, прежде чем сам он умрет?
 
 
 
#17
Джаратама0
01.03.2013 20:20:58 Translit
Девушка Гор,

Бек сау бол, бу аламат видеоушакъны къурагъанынг ючюн. Устазланы ауузларындан эшитдик не бола тургъанын.

Энди быллай тюбешиулени джазыучуланы Союзуну къарачай секциясы бла къурасанг бек иги боллукъуду.
Андан сора китаб басма бла, къарачай газетни редакциясы бла...

Сорууланы берирге биз залим, джууаб алыргъа, къыйналыргъа - сиз. Аллах кюч берсин.
 
 
 
#18
Джаратама0
01.03.2013 20:43:35 Translit
ТАУЛАНЫ КЪЫЗЫ, жуаб алгъанса,кёрдюм,тынгылар амалым жокъду,тынгыласам энтда бир къаты сау бол дерме:гоккачыкъ:
"Къадарны этегинде...","Сени ючюн"...(с)
 
 
 
#19
Джаратама0
02.03.2013 00:06:39 Translit
Sabr, Сау болугъуз:) Эсиме салгъаныгъыз ючюн:) "Къарачай" газетге барыргъа деб турама. Заманлары болуб, эс бёлелселе бизге:) Къалгъан айтханларыгъызгъа да терен сагъыш этейим:)
Говорят, физически человек обновляется каждые семь лет. А духовно не обновляется ли человек еще чаще? Сколько человек умирает в одном человеке, прежде чем сам он умрет?
 
 
 
Страницы: 1
Читают тему (гостей: 1)

Форум  Мобильный | Стационарный