Расширенный поиск
6 Мая 2024 года
Логин: Регистрация
Пароль: Забыли пароль?
Навигация
Словарь
  • Адебни адебсизден юрен.
  • Къанны къан бла джуума, аманны аман бла къуума.
  • Таула не мийик болсала да, аууш табылыр.
  • Эри аманны, къатыны – аман.
  • Ашыкъгъан cуу, тенгизге джетмез.
  • Иги адам абынса да, джангылмаз.
  • Насыблыны баласы кюн кюнден да баш болур, насыбсызны баласы, кюн кюнден да джаш болур.
  • Арбаз къынгырды да, ийнек сауалмайма.
  • Къарнынг къанлынга кийирир.
  • Илму – джашауну джолу.
  • Джылкъыдан – ат чыгъар, тукъумдан – джаш чыгъар.
  • Ойнай билмеген, оюн бузар.
  • Къаллай салам берсенг, аллай джууаб алырса.
  • Тойчу джашха къарама, къойчу джашха къара.
  • Чомартны къолу берекет.
  • Бетинги сатма, малынгы сат.
  • Ышармагъан – кюлмез, кюлмеген – къууанчны билмез.
  • Аман хансны – урлугъу кёб.
  • Ауузу аманнга «иги», деме.
  • Билим ат болуб да чабар, къуш болуб да учар.
  • Джарлы джети элни сёзюн этер.
  • Сакъ юйюне сау барыр.
  • Ашына кёре табагъы, балына кёре къалагъы.
  • Алма терегинден кери кетмез.
  • Юй кюйдю да, кюйюз чыкъды, ортасындан тюйюш чыкъды.
  • Кийимни бичсенг, кенг бич, тар этген къыйын тюлдю.
  • Эркишини аманы тиширыуну джылатыр.
  • Ашатыргъа иш – ашхы, ишлетирге аш – ашхы.
  • Къумурсхала джыйылсала, пилни да джыгъадыла.
  • Эки ойлашыб, бир сёлешген.
  • Ёлген аслан – сау чычхан.
  • Ишлерге уял да, ашаргъа табма.
  • Къыйынлы джети элни къайгъысын этер.
  • Чарсда алчыны эл кёреди.
  • Джарлы эскисин джамаса, къууаныр.
  • Хоншуну тауугъу къаз кёрюнюр, келини къыз кёрюнюр.
  • Сангырау къулакъ эл бузар.
  • Тёрде – темир таякълы, къаяда – чыпчыкъ аякълы.
  • Тил джюрекге джол ишлейди.
  • Тюз сёз баргъан сууну тыяр.
  • Тёзген – тёш ашар!
  • Къызгъанчдан ычхыныр, мухардан ычхынмаз.
  • Кютгени беш эчки, сызгъыргъаны уа, джерни джарады.
  • Башланнган иш битер, къымылдагъан тиш тюшер.
  • Къыйынлы джети элге оноу этер.
  • Таукелге нюр джауар.
  • Атлыны ашхысы, ат тизгининден билинир
  • Иги – алгъыш этер, аман – къаргъыш этер.
  • Эки элинги тыйсанг, джети элде махталырса.
  • Баланы адам этген анады.

Форум

Форум / Бёлюмле :: Тематические разделы / Ана тилде :: Ana tilde
Страницы: 1
"Керти къарачайлыма мен!", Баш кюн октябрьны 13 Черкесск шахарда "Эльбрусоид" атлы офисде "Керти къарачайлыма мен!" деген тин, тил эришиу ётерикди. Хош келигиз, аланла!!!
 
#1
Джаратама2
11.10.2014 18:59:25 Translit
Эс бёлюгюз, джамагъат!

Октябрьны 13 Черкесск шахарда "Эльбрусоид" атлы офисде терт сагъатда "Керти къарачайлыма мен!" деген эришиу ётерикди. Он джаш адамдан 5 команда къуралгъанды, аланы ичинде 5 къыз бла 5 джаш. Ала кимле болгъанларын белгилейик. 1 команда "Мёлекле" - Байкъулланы Эльзар бла Семенланы Залина 2 команда "Омакъла" - Къоркъмазланы Эльбрус бла Боташланы Аминат 3 команда "Насыб" - Абайханланы Рамазан бла Эбзеланы Диана 4 команда "Дыгаласчыла" - Эркенланы Радмир бла Апполаны Асият 5 команда "Джулдузчукъла" - Балаланы Рамазан бла Блимгъотланы Лаура Къарары келген, бу джаш адамалагъа джан аурутургъа излегенле, хош келигиз, сакълайбыз барыгъызны да. Бу эришиуде джаш тёлюню ичинде ана тил бла ким къалай хайырланнганын, джолда ким къайсы джанында тюз сиреле билгенин, дагъыда аны кибик джашауда керекли затланы сезерикбиз. Былайда ётдюрген 2 сагъатны ичинде билмегенигизни билиб джашауда хайырланырча бир кесек билим алырсыз.
Саулай эришиуде быллай конкурсла боллукъдула:
- "Ким кёб къарачай сёз табса да"- берилген харифге 1 такъыйкъаны ичинде ким кёб къарачай сёз табыб джазса
- "Ким нени джазгъанды ?" - джазыучу бла аны чыгъармасын келиштирирге керекти
- "Нарт сёзле" - нарт сёзлени ал джанлары джазылыб аны тюбюнде юч тюрлю джууабдан тюзюн сайларгъа
- "Джолда джюрюген джорукъла" - джолда ким къайсы джанында барыргъа керек болгъанын билирге керекди
- "Эльберле" (Загадка)
- "Макъамны билсенг а" ("Угадай мелодию") 10 секунданы ичинде макъамны таныргъа керек боллукъду
- "Кимди бу?" - белгили къарачай адамларыбызны суратларындан таныб, аты бла къуллугъун билирге керекдиле
- "Хо! Огъай" - берилген соруулагъа тюз джууаб берирге керекдиле
- "Джырчыла" - "Катюша" деген орус джырны къарачай тилге , "Сен ариугъа" деген джырны да орус тилге кёчюрюб джырларыкъдыла
Келигиз къууанчлы, зауукълу, хайыры бла ётдюрейик заманыбызны! Келгенле, сокъуранмазсыз, Аллах айтса!!!
Сакълайбыз
 
 
 
#2
Джаратама1
11.10.2014 20:52:32 Translit
Амняша,мен да къатышырыкъ эдим анга уа(((кёзюмю къаратдынг))
Алай, мен анда тургъанлай, "сирелди" деген болса, мен жыгъыллыкъ эдим :)
"Къадарны этегинде...","Сени ючюн"...(с)
 
 
 
#3
Джаратама1
11.10.2014 21:02:31 Translit
Амняша, аламат конкурс :alamat: фотоотчет сакълайбыз :)
Говорят, физически человек обновляется каждые семь лет. А духовно не обновляется ли человек еще чаще? Сколько человек умирает в одном человеке, прежде чем сам он умрет?
 
 
 
#4
Джаратама0
11.10.2014 22:20:32 Translit
Баш кюн эришиу ётюб бошаса, гюрге кюн фотоочет боллукъду, Аллах айтса!!!
 
 
 
#5
Джаратама0
11.10.2014 22:33:21 Translit
Амняша, как все здорово придумали!))) Мне уже нравится))).
Мне фотоотчета будет мало)), жду с нетерпением видеоотчет))) , особенно запись последнего конкурса - перевод песен)).
Я самая классная на форуме))))))))))))))
 
 
 
#6
Джаратама0
11.10.2014 23:32:22 Translit
Сэстренка,къолумдан келгенни фотоотчет да видеоотчет да этерге кюреширикме
 
 
 
#7
Джаратама1
14.10.2014 23:04:10 Translit
Тюнене "Керти къарачайлыма мен!!!" деген эришиу ётдю Черкесск шахарда "Эльбрусоид" атлы офисде. Ойнагъанланы тертюсю келмей къалгъанында, джан аурутургъа келгенледен 3 джаш бла 1 къыз сайладыкъ. Ол себебден ойнагъанланы джангыдан белгилейим:
1. "Мёлекле" - Байкъулланы Эльзар бла Семенланы Залина
2. "Омакъла" - Къоркъмазланы Эльбрус бла Боташланы Аминат
3. "Насыб" - Татаркъулланы Рамин бла Эбзеланы Диана
4. "Дыгаласчыла" - Ёзденлени Рамазан бла Апполаны Асият
5. "Джулдузчукъла" - Гербеклени Расул бла Джанибеклени Фаризат
Ойнагъаналагъа багъа берген жюри Ижаланы Магометни къызы Фатима - Дружба элде орта школда ана тилден устаз. Эришиуде назмучу Батчаланы Башир да олтургъан эди. Ингирде кечигиб къарачайча беш сагъатда башладыкъ.


Эм аллында барыбыз да бир бирибиз бла танышдыкъ, шох боллукъ


Андан сора 1 конкурсну башладыкъ. Аны аты "Ким кёб къарачай сёз табса да" - берилген харифге 1 такъыйкъаны ичинде ким кёб къарачай сёз табыб джазса да. Барысы да дженгил огъуна джазыб тебредиле.
Юч хариф берилген эди: КЪ, ДЖ, А. Бек къаты сагъышха кириб, эслери кетиб сезле табыб джаза эдиле. Андан сора джазгъанларын окъудула.

2 конкурс "Ким нени джазгъанды"
Джазыучу бла аны чыгъармасын келиштирирге керекти. Быллай джазыучула бла чыгъармала барт эдиле:
Байрамукъланы Халимат, Акъбайланы Азрет, Аппаланы Хасан,Хубийланы Осман, "Гюрбеджи", "Дерт", "Къарачай десем..", "Къара кюбюр", "Айран", "Гюрге кюн", "Аманат", "Дерт".

3 конкурс "Нарт сёзле" - нарт сёзлени ал джанлары джазылыб аны тюбюнде юч тюрлю джууабдан тюзюн сайларгъа керек эдиле

4 конкурс"Джолда джюрюген джорукъла" - джолда ким къайсы джанында барыргъа керек болгъанын билирге керекди
9 тюрлю вариант бар эди:
1) Ана бла эки къызы ( 25 бла 21 джыл болгъан къызла)
2) Ана, къызы, джашы
3) Ата, ана, къызлары
4) 2 къарнаш бла 1 эгеч
5) Юч эркиши (30,35,55 джыл болгъанла)
6) Къайын ана, джашы, келини
7) Тенгле: 2 къыз, 2 джаш
8) Аття бла 2 туудугъу (20,25 дж.)
9) 2 къыз бладжаш
Бу конкурс джаш адамлагъа къыйыныракъ тийген эди.



Устаз хар бир команданы къатына барыб, багъа бериб, терс болгъанлагъа тюзюне ангылатыб баргъханды. Ол себебден, билмегенле да эслерине алгъандыла джолда адамны къайсы джанында тюз барыргъа керек болгъанын.

 
 
 
#8
Джаратама0
15.10.2014 00:18:49 Translit
Аны ызындан "Эльберле" деген конкурсха кечген эдик. Анда быллай эльберле бар эдиле:

Эльберле

1. Сени, мени билимли этер,
Алай эсе муратына джетер (устаз)

2. Хоншудула экеулен,
Шохлукълары кетмеген,
Буйрукъ келсе ёргеден,
Джокъду ала этмеген (къолла)

3. Кюндюз семириб олтурур,
Кече башынгы солутур (джастыкъ)

4. Къарт къараса къыйналыр,
Джаш къараса – къууаныр (кюзгю)

5. Биргемеди гёзенчик,
Не джыйсам да тёзгенчик (хурджун)

6. Чепкени джыйырыкъла болуб,
Тамагъы тауушдан толуб (къобуз)

7. Созулмайын алынмагъан,
Андан татлы табылмагъан (бал)

8. Узун темир тишлери,
Тишле блады ишлери (сенек)

9. Чартлайды: отдан, токдан, ташдан…
Не хайыр анны билмеген башдан (джилтин)

10. Эки затым бары да,
Бир-бирлерине ана да, бала да боладыла (тауукъ бла гаккы)


11. Мыллык-чыллык ашайды,
300-джылны джашайды (къаргъа)

12. Чачы джерден къарайды,
Къоян аны марайды (быхы)

13. Сен тиймесенг, ол тиймез,
Бир тутханын чырт иймез (къабхан)

14. Тиширыуну бойнунда,
Апендини къолунда (мынчакъла)

15. Эшикге чыкъса-къагъылыр,
Юйге кирсе-тагъылыр (кюйюз)

16. Тюб тюз тёгерек таякъ,
Юй бийче тутар аяб (джазгъыч)

17. Аягъымы тышында,
Чуругъуму ичинде,
Кюндюз айланыб келиб,
Солуйдула ингирде (чындайла)

18. Уллу тюзде-минг тешик,
Мингисине –бир эшик (элек)

19. Джангызгъа барса полда,
Семире барыр къолда (урчукъ)

20. Тюббе тюздю саны,
Бек джитиди табаны,
Башындан шляпасын алмайды,
Анга къакъмай, ишге бармайды (чюй)

6 конкурс "Макъамны билсенг а" ("Угадай мелодию") ойнагъанла 10 секунданы ичинде макъамны таныргъа керек болула
бу конкурсда 40 макъам бар эди. Кёбюсюн бек дженгил, бир юч-беш секундха таный эдиле.

7 конкурс "Кимди бу?" - белгили къарачай адамларыбызны суратларындан таныб, аты бла къуллугъун билирге керекдиле
Доскада табличкалада номерни сайлаб, аны тюбюнде суратдан ким болгъанын таныргъа керекдиле. 25 карт бар эди

Айландыргъандан сора бу адамланы суратларын таныргъа керек эдиле:

8 конкурс "Хо! Огъай" - берилген соруулагъа "ХО!" деген джууаб келише эсе алларында къызыл карточканы ёрге кёлтюрюрге керек эдиле.
Анда быллай соруула бар эдиле:
1. Бизни республикабызда керти да 4 шахар бармыды?
2. Къобан суу керти да аллын Хурзук бла Учкуландан аламыды?
3. Къарачай алфавитде 36 хариф бармыды?
4. Эльбрусну мийиклиги керти да 5 642 км?
5. Гитче малда керти да 35 юлюш бармыды?
6. Ёзденланы Альберт суратчымыды?
7. Байрамукъланы Халимат джазуычуму эди?
8. А Батчаланы Мусса джырчымы эди?
9. А Батчаланы Лидия актрисамыды?
10. Джегетей группада 5 адам джырлаймыды?
11. Ыйыкъда 7 кюн бармыды?
12. А гюрге кюн ол вторникмиди?
13. А барас кюн деб субботагъамы айтабыз?
14. Ата къазауат 1945 джылмы башланнганды?
15. Къарачай миллет Азиядан 1957 джылмы къайтхандыла ?
16. Шабат кюн – средамыды?
17. Джюзюм деб клубникагъамы айтабыз?
18. Эльбрусоидге быйыл 11 джыл толдуму?
19. "Огъурлу адам"- деб къыйын халиси болгъан адамгъамы айтабыз?

20. Тарихчи – историкмиди?

Ахыр конкурсубузгъа джетдик. Аны аты "Джырчы"
"Катюша" деген орус джырны къарачай тилге ,
Биринчи "Сен ариугъа" деген джырны орус тилге кёчюрюб джырладыла. Хар командагъа бирер куплет джетди.
Сёзлери быдай болдула:
СЕН АРИУГЪА - Тебе красивой

1. Сени къара чачынг табанынга джете,
Кёзлеринг кёзюр ойнайла.
Узун кирпиклеринг кёзлеринги
джаба, джарыкълыгъынгы джашыралла.

Твои волосы прекрасны
Глаза пламенем горят.
Их ресницы закрывая,
Всю любовь твою таят. (кёчюрген Байкъулланы Эльзар «Мёлекле»)


2. Сенден ариу болмаз, ой джерни юсюнде,
Ариулугъунг ай бла эрише.
Сюймеклик къапханнга тюшгенме, ариуум,
Къыйналмам чыгъаргъа кюреше.

Красивей тебя нету в этой жизни
Красота твоя не сравнима с луной.
Я попался в ловушку любви
И противиться не могу. (кёчюрген Эбзеланы Диана «Насыб» )


3. Терк-терк кёралмасам мен, санга тансыкъдан
Джюрегим отда кюеди.
Башым къой десе да, унамай джюрегим,
Сени джюрегим бла сюеди
Боль в душе, в огне сгорает
Сердце, Когда нет тебя рядом со мной
Мысли заняты лишь тобой, моя родная,
Ибо я в тебя давно влюблен
(«Джулдузчукъла», кёчюрген Балаланы Рамазан)


4. Бир къарасанг а сен мени кёзюме,
Нечик бек ушайса сен айгъа.
Бармаз джериме да барама мен, ариуу,
Тепсей билмей, сен баргъан тойгъа.

Посмотри в мои глаза,
Как же ты похожа на луну
За тобой иду моя красивая
Не умея зажигать я танцую для тебя («Омакъла»)


5. Сен а абезекни ариу тепсейсе ,
Ариу чабакъ кёлде джюзгенча.
Мен сен ариучукъну чексиз бек сюеме
Дахир Зухураны сюйгенча.

Ты так красиво танцуешь
Словно лебедь плывет по глади морской
Тебя красивую одну я так сильно без меры люблю
Что никому об этом не сказать…
(«Дыгаласчыла)



Аны ызындан, "Катюша" деген орус джырны, къарачай тилге кёчюрдюле.


1. 1. Расцветали яблони и груши,
П Поплыли туманы над рекой.
Выходила на берег Катюша,
На высокий берег на крутой.

Алмала бла кертмеле чагъалла,
Булутла баралла суу башында
Чыгъады Патюша суу ызына
Уллу мийик суу башына ("Омакъла")


2. Выходила, песню заводила
Про степного сизого орла,
Про того, которого любила,
Про того, чьи письма берегла.

Чыкъгъан эд джырла джырлагъан эд
Тала къушну юсюнден
Ол сюйген адамындан джырла эд
ДЖазыуларын асырай эд (кёчюрген Эбзеланы Диана «Насыб» )

3. Ой, ты, песня, песенка девичья,
Ты лети за ясным солнцем вслед
И бойцу на дальнем пограничье
От Катюши передай привет.

Къызн ы джыры, сймеклик бир джырчырчыкъ
Джарыкъ кюнню ызындан сен бар
Узакъ джерде аскерчи бир джашха
Зульфияны саламын бир бер («Джулдузчукъла», кёчюрген Балаланы Рамазан)

4. Пусть он вспомнит девушку простую,
Пусть услышит, как она поет,
Пусть он землю бережет родную,
А любовь Катюша сбережет.

Унутмаз ол джаш сюйген къызыны
Сюйгенин джырлагъанын эшитсин
Сакъласын Эресейни джауладан
Сюймекликни Патя сакъласын (кёчюрген Байкъулланы Эльзар «Мёлекле»)

5. Расцветали яблони и груши,
Поплыли туманы над рекой.
Выходила на берег Катюша,
На высокий берег на крутой.

Чагъа тургъандыла алмала бла кертмеле
Джюзюб баргъандыла суу башында тубанла
Чыкъгъанды суу бойнуна ариу Фатима
Ариу суу бойнуна, мийик суу бойнуна ("Дыгаласчыла")

Келиб кеси кёрмеген адамгъа сёзле бла ангылатырча тюл эди бу конкурсну сейирлигин, ойнагъанланы къалай джырлагъанларын. Ал кюнледе бу конкурсну видеосу хазыр болгъанлай былайгъа чыгъарырма.
 
 
 
#9
Джаратама0
15.10.2014 00:37:04 Translit
Энди ким къайсы орун алгъанын белгилейим.

1 орун "Дыгаласыла" деген команда алды 94 балл алыб (Ёзденлени Рамазан бла Апполаны Асият)
2 орун - "Мёлекле" алдыла, 92 балл алыб (Байкъулланы Эльзар бла Семенлени Залина)
3 орун "Джулдузчукълагъа" джетди, 91 балл алгъанлары себебли (Гербеклени Расул бла Джанибеклени Фаризат)

Джан аурутханланы ичинде (болельщикле) Хубийланы Талифа хорлады.

Барына да Махтау Къагъыт (Грамота) бла саугъала берилдиле.

1 орунну бу эки джаш адам алдыла: Ёзденлени Рамазан бла Апполаны Асият

Бу картда уа биринчи орунну алгъанлагъа къошулуб тюшген Гербеклени Расул бла Боташланы Аминат




Бу суратда уа ойнагъанланы орталарында тюшген, бу эришиуню бардыргъан Абайханланы Аминат - менчик (Амняша)


Ахырында стол джанына олтуруб барыбызда хычинла, торла, кампетле дагъыда тюрлю-тюрлю татлы затла бла ауузланыб чачылдыкъ.
 
 
 
#10
Джаратама0
16.10.2014 21:48:53 Translit
МАШААЛЛАХ! КОМАНДАЛАНЫ СБОРНЫЙИ БОЛС ,"КРУТАЙЛА" АТАРЧА ЭДИ ЧОТ!)) ОСОБЛИВО УА АМИНКАГЪА !)))
АМИНАТ САУ БОЛ , БЕК РАЗЫ ЭТГЕНСЕ САБИЙЛЕНИ ,ОСОБЛИВО УА ОЛ КЁККЁЗ БАЛАЧЫКЪ КЪУАНЫБ БОШАЯЛМАЙДЫ)))))ДЖЫРЧЫ БОЛГЪАНЫН ЭСГЕРГЕНДИДА))

ЭНДИ ДЖОЛ МЕНИ ДА БИР КЪОШАРСА ОЮНЛАНЫ БИРИНЕ ! :oops:
с УВАЖЕНИЕм !
 
 
 
#
Джаратама0
  Translit
 
 
 
#11
Джаратама0
17.10.2014 15:03:24 Translit
Къолумдан келгенни этген эдим, къайдам, ALANULAN,сау бол! Аллах айтса энтда бир конкурсчукъ этерге муратым барды, ол сагъатда сени да къошарма! Бек къууандым кеккез балачыкъны къууандыргъан эсем да ол да игиди :)
 
 
 
Страницы: 1
Читают тему (гостей: 1)

Форум  Мобильный | Стационарный