- Аджашханны ызындагъы кёреди, джангылгъанны джанындагъы биледи.
- Айтылгъан сёз ызына къайтмаз.
- Олтуруб кёрюнмей эди да, ёрге туруб кёрюне эди.
- Ойнай билмеген, оюн бузар.
- Къарт болгъан джерде, берекет болур, сабий болгъан джерде, оюн болур.
- Тёрени джагъы джокъ.
- Айран ичген – къутулду, джугъусун джалагъан – тутулду.
- Джырчы джырчыгъа – къарнаш.
- Аман эсирсе, юйюн ояр.
- Тешик этген тынчды, аны джамагъан къыйынды.
- Элиб деген, элге болушур.
- Гугук кесини атын айтыб къычыргъанча, мен, мен деб нек тураса?
- Аман къатын сабий табса, бий болур…
- Ёксюзню къалачы уллу кёрюнюр.
- Аманнга да, игиге да оноусуз къатышма.
- Тыш элде солтан болгъандан эсе, кесинги элде олтан болгъан игиди!
- Ачны эсинде – аш.
- Хар зат кесини орнуна иги.
- Битмегеннге сакъал – танг.
- Къарнынг къанлынга кийирир.
- Нёгер болсанг, тенг бол, тенг болмасанг, кенг бол.
- Къумурсхала джыйылсала, пилни да джыгъадыла.
- Джылыгъа джылан илешир.
- Кёб джашагъан – кёб билир.
- Керек ташны ауурлугъу джокъ.
- Адамны артындан къара сабан сюрме.
- Арбаз сайлама да, хоншу сайла.
- Ёгюзню мюйюзюнден тутадыла, адамны сёзюнден тутадыла.
- Туз, гырджын аша, тюзлюк бла джаша.
- Ханы къызы буюгъа-буюгъа киштик болду.
- Джигер – джаннга къыйынлыкъ.
- Джогъун бар этген, барын бал этген.
- Тюзлюк тас болмайды.
- Ишлерге уял да, ашаргъа табма.
- Босагъагъа джууукъ орун болса, ашыгъыб тёрге озма.
- Джиби бир къат джетмей эди да, эки къат тарта эди.
- Джашда акъыл джокъ, къартда къарыу джокъ.
- Къызын тута билмеген, тул этер, джашын тута билмеген, къул этер.
- Орну джокъну – сыйы джокъ.
- Аман адамны тепсинге олтуртсанг, къызынгы тилер.
- Иги сеники эсе да, сюйген кесимикин этеме.
- Ачыкъ джюрекге джол – ачыкъ.
- Ариу сёз – джаннга азыкъ, аман сёз – башха къазыкъ.
- Хата – гитчеден.
- Къарыусузгъа кюлме, онгсузгъа тийме.
- Иги адам абынса да, джангылмаз.
- Чёбню кёлтюрсенг, тюбюнден сёз чыгъар.
- Ариу сёзде ауруу джокъ.
- Ач къалгъандан, кеч къалгъан къолай.
- Аууздан келген, къолдан келсе, ким да патчах болур эди.
МОТИВАЦИЯ НА ДЕНЬ
Ответы
10.10.2018 01:38:55
lighthouse, привет)). Расскажу в личке))
А вообще, думала о тебе последние два дня: ты не написала ничего про Хабиба, и меня это насторожило))... тынчлыкъ болур?))
Я самая классная на форуме))))))))))))))
|
|
|
|
10.12.2022 11:15:10
Я самая классная на форуме))))))))))))))
|
|||
|
|
10.12.2022 11:26:18
Я самая классная на форуме))))))))))))))
|
||||
|
|
|||
Читают тему (гостей: 1)