- Окъугъан озар, окъумагъан тозар.
- Баш болса, бёрк табылыр.
- Айранын берсенг, челегин да къызгъанма.
- Болджал ишни бёрю ашар.
- Ашыкъгъан cуу, тенгизге джетмез.
- Телини эшигин, махтау джабар.
- Джыланны къуйругъундан басарынг келсе, аны башы болгъанын унутма.
- Джети тилни билген джети кишиди.
- Билимден уллу байлыкъ джокъду.
- Ашлыкъ – бюртюкден, джюн – тюкден.
- Сангырау къулакъ эл бузар.
- Эркиши – от, тиширыу – суу.
- Джарлы джети элни сёзюн этер.
- Джылкъыдан – ат чыгъар, тукъумдан – джаш чыгъар.
- Насыблы элин сюер, насыбсыз кесин сюер.
- Ачлыкъ отха секиртир.
- Айтылгъан буйрукъ, сёгюлмез
- Баргъанынга кёре болур келгенинг.
- Аз сёлеш, кёб ишле.
- Башланнган иш битер, къымылдагъан тиш тюшер.
- Иги болса, тамадама – махтау, аман болса, меннге – айыб.
- Юй кюйдю да, кюйюз чыкъды, ортасындан тюйюш чыкъды.
- Ач бёрюге мекям джокъ.
- Душманны тышы – акъ, ичи – къара.
- Терек ауса, отунчу – кёб.
- Аман къатын сабий табса, бий болур…
- Хата – гитчеден.
- Малны кют, джерни тюрт.
- Экеу тутушса, биреу джыгъылыр.
- Къартны бурнун сюрт да, оноугъа тут.
- Аш хазыр болса, иш харам болур.
- Эл бла кёргенинг эрелей.
- Ким бла джюрюсенг, аны кёзю бла кёрюнюрсе.
- Къайгъыны сюйген, къайгъы табар.
- Айныгъанлы алты кюн, тогъайгъанлы тогъуз кюн.
- Таш ата билмеген, башына урур.
- Аманнга игилик этсенг, юйюнге сау бармазса.
- Джумушакъ терекни къурт ашар.
- Тюкюрюк баш джармаз, налат кёз чыгъармаз!
- Тёрени джагъы джокъ.
- Тойну къарнашы – харс, джырны къарнашы – эжиу.
- Тойгъан антын унутур.
- Тамбла алтындан бюгюн багъыр ашхы.
- Ашлыкъны арба юйге келтирир, чана базаргъа элтир.
- Сютню башын джалагъан къутулур, тюбюн ичген тутулур.
- Эрине къаргъыш этген къатын, эрнин къабар.
- Уллу сёзде уят джокъ.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Иги бла джюрюсенг, джетерсе муратынга, аман бла джюрюсенг, къалырса уятха.
- Аджаллыгъа окъсуз шкок атылыр.
ГЕНРИХ ГЕЙНЕ. Ёлмезланы Мурадин кёчюргенди., "Кийик шималда бир нарат сюеледи..."
02.01.2022 18:41:30
* * *
О эт, къаргъанма да, уппа! Тишириуну сёзю къуппа- Къуруду, бош. Экеуленни Бирге къошхан уппа – мени! Андады жаз, андады кюн, Сёзле уа бош, аяз, тютюн. Къаргъан, къаргъан, кюн тиягъы, Мен ийнанырма биягъы.
Изменено: |
|
|
|
05.01.2022 21:08:41
|
|
|
|
16.01.2022 18:29:22
* * *
Сен, бала, гюлчюкча ариуса, Жарыкъса, тазаса, ингил. Санга сюйюне олтурама, Жаным биягъыча женгил. Бурма чачынгы къууанып да Сылар эдим, ариучукъ, мен, Жашлай, тазалай да сакъла деп Тилей, тийиншлисе да сен.
Изменено: |
|
|
|
17.01.2022 20:44:20
* * *
Эки кёзю – эки накъут, Эки сыйлы накъутду. Ол кём-кёк кёк дуньяланы Алгъан насыпды, къутду. Жюрекчиги уа – далгюзюр Оту алай жарыкъды. Анга ие болгъан къууанч, Насып да табарыкъды. Эки эрни – эки да лал Шашар кибик ингилди. Очукъладан уппа юзген Минг насыпдан игиди. Ол байлыкъны иечиги Онжетижыллыкъды. Мен агъачда тюбеп къалсам, Къызчыкъ къуру къаллыкъды. |
|
|
|
18.01.2022 18:32:51
* * *
Сени барды инжинг, налмасынг да, Бош умутду ол кёбюбюзге. Аладан сора – кёк кёзлеринг да… Не керекди, о жаным, ёзге? Ол эки иллезин Акъылдан шашдырлыкъ да кёзге Мен ийнар аскерле жибергенме… Жан тенгим! Не керекди ёзге? Ол эки кёзюнгю жилтиними, Къыркъаууз от салгъанча кюзге, Кюйдюргенди мени, ёлтюргенди? - Не керекди, о жаным, ёзге? |
|
|
|
22.01.2022 00:24:33
* * *
Жюрекни терен сыры Зынгырдайды къылча. Бир тёгюлчю жаз жыры, Дуньягъа жайылчы! Жаучу гюллеге кёкден. Сен къууанчса, жырса. Байрымгюлчюкге менден Сен салам айтырса. |
|
|
|
22.01.2022 18:04:25
|
||||
|
|
|||
Читают тему (гостей: 1)