- Ишленмеген джаш – джюгенсиз ат, ишленмеген къыз – тузсуз хант.
- Тюз сёз баргъан сууну тыяр.
- Къарнынг ауруса, ауузунгу тый
- Ачлыкъ отха секиртир.
- Тилчиден кери бол.
- Аурууну келиую тынч, кетиую – къыйын.
- Ойнай билмеген, оюн бузар.
- Сангырау къулакъ эл бузар.
- Татлы тилде – сёз ариу, чемер къолда – иш ариу.
- Чакъырылмагъан къонакъ тёрге атламаз.
- Аз сёлеш, кёб ишле.
- Нарт сёз – тилни бети.
- Кёл – къызбай, къол – батыр.
- Ашхы адам – халкъ байлыгъы, ашхы джер – джашау байлыгъы.
- Эркиши – от, тиширыу – суу.
- «Ёгюз, джаргъа джууукъ барма, меннге джюк боллукъса», - дегенди эшек.
- Эл ауузу – элек, анга ийнаннган – халек.
- Шекер бла туз – бир болмаз, ушамагъан – юй болмаз.
- Ариу сёз – джаннга азыкъ, аман сёз – башха къазыкъ.
- Ашлыкъ – бюртюкден, джюн – тюкден.
- Акъыл бла адеб эгизледиле.
- Тёзген – тёш ашар!
- Къатын къылыкъсыз, эр тынчлыкъсыз.
- Эркишини аманы тиширыуну джылатыр.
- Ач уят къоймаз.
- Кийимни бичсенг, кенг бич, тар этген къыйын тюлдю.
- Бети бедерден, намыс сакълама.
- Ишлегенден, къарагъан уста.
- Айранын берсенг, челегин да къызгъанма.
- Хаухну атма, ёнгкючню сатма.
- Къууут – джелге, берне – бошха.
- Сабийни джумушха джибер да, ызындан бар.
- Тойну къарнашы – харс, джырны къарнашы – эжиу.
- Сёз садакъдан кючлюдю.
- Аджашханны ызындагъы кёреди, джангылгъанны джанындагъы биледи.
- Сагъышы джокъ – джукъучу, акъылы джокъ – къаугъачы.
- Этим кетсе да, сюегим къалыр.
- Дууулдаса – бал чибин, къонса – къара чибин.
- Рысхы – сют юсюнде кёмюк кибикди.
- Ашаса, ашамаса да, бёрюню ауузу – къан.
- Ашына кёре табагъы, балына кёре къалагъы.
- Ашда уялгъан – мухар, ишде уялгъан – хомух.
- Бек ашыкъгъан меннге джетсин, дегенди аракъы.
- Ауругъаннга – кийик саулукъ, джетген къызгъа – чилле джаулукъ.
- Тешигини къатында, чычхан да батыр болур.
- Ариуну – ауруу кёб.
- Чакъырылгъанны аты, чакъырылмагъанны багъасы болур.
- Келлик заман – къартлыкъ келтирир, кетген заман – джашлыкъ ёлтюрюр.
- Биреуге аманлыкъны тилеме да, кесинге ашхылыкъны тиле.
- Къарын къуру болса, джюрек уру болур.
ЁЛМЕЗЛАНЫ МУРАДИН САБИЙЛЕГЕ., назмула. элберле. жомакъла
14.12.2021 18:36:29
С А У Ж Ы Л
АКЪТОН Январь Къаратал кёмюкча акъды, Жер терен батып къаргъа. Къап къара уа юй ожакъды, Сора бусакъда къаргъа. Курт да акъ айыуча акъды. Бахчада антау да акъ. Энди эл орам сокъмакъды, Тал да оюулу къырпакъ. Кюн тийсе да, жылыусузду, Къарт аппа къочхар тонлу. Кёл да, суу жагъа да бузду, Акътонда сууукъ уллу. БУРУЛ Февраль Балдражюз мыйыкъ бурады, Жаз хорлатырыкъ сунуп. Бурулда боран урады, Жол баргъан ачыусунуп. Огъурсузду да, талайды Къутургъан селпича Табанын зауукъ жалайды Куркада жукълап хубол. Балдражюз жаныйды хаман, Курт басады арбазны. Бузлатырма деме, аман, Ийиси ура жазны. БАЛДЫР Март Балдырда жылыу киреди, Седирей жагъа бузу. Кёк да, жер да кёгереди, Сур къышны кетип усу. Кечеден иги къорайды, Аз-аз къошула кюннге. Кюн да ышарып къарайды, Жер да ачылып кенгнге. Мыкъыриш Жанкъозчукъ да – ызындан. – Эрикгенбиз, сур къыш, энди, Кетчи хайда сен мындан. ЛАККУР Апрель Кюн таугъа, тюзге къагъады, Жылыта тереклени. Бурунчукълары агъады Чорбатда сюммеклени. Къар эрийди, седирейди, Суу халычыкъла болуп. – Эйра Тал да, чирчикден толуп. Чыпчыкъчыкъ ариу жырлайды, Энди ёлмейди ачдан. Куркачыгъындан къарайды Хуболчукъ да агъачда. ГОТМАН Май Инжиликчикле Чирчикле да – эрикде. Къанатчыкъларын къагъалла Къарылгъашчыкъла кёкде. Кюн да энди хычыуунду, Готманда жууаш тийип, Жарыгъын да, жылыуун да Дуньягъа элпек ийип. Эйра, школ жыл терк ётгенди, Не узун эсе да ол. Эйра, жай солуу жетгенди! Эйра, жабылгъанды школ! БАШКЪУСХАН Июнь Сур къыш къысталып къарлы Таулагъа, къызыуду жай. Эрттенлик – чыпчыкъ жырлы, Къарт аппа малгъа къарай. Башкъусхан жашил къайнай, Гурт этеди гурт тауукъ. Сабийле кёлде ойнай, Эришедиле зауукъ. Уруза, кимит гокка, Бабунач, зурап Баппахан кийген бокка, Ой, учду аяз къагъып. БУЗЧАЧАР Июль Тау эл чалгъыгъа чыгъады. Ташыуулду аууру. Кёк жашнайды, кёк чагъады, Огъурсузду даууру. Тау бетде чалгъы чалады Жаш жыйын, сатыр туруп, Къарт жыйын гебен салады, Къызланы болушдуруп. Бузчачар ауур озады. Жыл бакъгъан кюнле – къыстау. Мытырны иши осалды: Сур къыш этерикди дау. КЪЫРКЪАР Август Къыркъарда кёгет жетеди, Кёгетни кюню къысха. Тáлай къайнатма Ыннака узун къышха. Кюн татыуундан толады Хар кёгет да, мол ёсе. Жай перекетли болады, Къол эринмей ишлесе. Бахчагъа сюйюп барабыз, Не кёгет сюйсенг да бар. Жетерин сакълап турабыз, Бек чомартды да къыркъар. КЪЫРКЪАУУЗ Сентябрь Сабанла алтын болуп, Чайкъаладыла желде. Къыркъаууз жетсе, солуп Турмайды киши элде. Болмай эриннген, талгъан, Эл ишни бирден алады. Сабийле тансыкъ болгъан Школ эшик да ачылады. Къадалып сабан оралла, Къууаналла тирликге. Турнала кетип баралла, Мудахлыкъ салып кёкге. СОГЪУМ Октябрь Чыпчыкъла жырламай, шошду Танг, эрттен, арбаз да. Кюн жылыу да энди бошду, Жарыгъы да азды. Согъумда – шулпу, сууукъ, Согъумда – туман, кирши. Энди акъмыйыкъ жууукъ, Ол да согъумну иши. Киштикчик, жукъусурай, Терезе кёзден къарайды. Арбазда мудахды тай, Жел жалкъачыгъын тарайды. АРГЪЫШ Ноябрь Кюз арты газгаз Тау агъач керти жомакъ. Акъ къайын ариу алтын Жыйрыгъын кийип, омакъ. Тал, элме, жёге, чынар, Къарагъач, кюйрюч да – нар Тюрсюнлю. Ариуду кюз, Неди, не къажар кюйюз? Тюкъюзгю, чопал-чопал Сыргъачыкъларын тагъып. Энди халжардады мал, Тау бетге къырау къагъып. АЛТАЙГЪЫР Декабрь Жел, ура, боран болады, Ёзенден суху жетип, Черекге ыфсыл Суу бетин мукъур этип. Тунтуяды, шошаяды Сора, ачыуу татып. Кюн да жарыгъын жаяды, Тауланы жылтыратып. Сабийле юйден къачалла, Чаначыкъларын созуп, Тик тёшден къызыу учалла, Аязны, желни озуп. 2021 |
|
|
|
16.12.2021 18:04:24
НЕМЕ
Неме деп бир тюрлю затчыкъ Жашайды да бизде, Сейир ишле боладыла, Ийнан, юйюбюзде. Киштикча, ол бир тауушсуз Жюрюйдю ташатын. Не кёрмейме, не билмейме Аны атын-затын. Столгъа жеталмайды; баям, Гитчеди, юч къарыш. Алай хилисинден юйде Болгъан – къара къатыш. Жабыу тюшюп, шинтик аууп, Кийим да – чачылып. Сынып харип илляучукъла, Буфет да ачылып. Жазады ол къабыргъада, Бурмачыкъла буруп, Кампетлени табады ол, Турсам да букъдуруп. Кёзден ташады да, юйде Не этмейди, ой, не? Адам къалай тутсун муну, Къыстарча юйюне. Къашыкъ бла ашамай ол, Къайнатмадан тояды, Кокаларын неге болса Анга ышып къояды. Китапланы, тефтерлени Чачхан, жыртхан да – ол. Къолу жетген затны оя, Чапхан, жортхан да – ол. Бузлатмадан бузчукъ алып, Кампет кибик эмеди. Тутуп эшик къолчакъладан Учхан да ол Немеди. Ол диванда, ундурукъда, Топчукъча секиреди. Шифоньерни ичин тёгюп, Ары кеси киреди. Бу юй, ой, къутургъан бугъа Кирген юйге ушайды. Былай барса, юйюбюзню Неме чачып бошайды. Излеп табалмайма аны, Биледи да бугъа. Тоба, тутсам а бузукъну Берликме Мамугъа! Ой, жашчыкъ, ол сиркиу ючюн, Сен нек мудах боласа? Бузукъ Немеди, ансы хау, Сен бек иги баласа! 06 01 21 |
|
|
|
17.12.2021 19:22:32
ТЕНГИМИ САУГЪАСЫ
Эйра-ра Жыл болгъанды энди. Кёп тюрлю саугъа алып Кёп тенгим келгенди. Кёрчю, эм иги саугъа Асланчыкъ этгенди. Энди барды кючюгюм, Не зауукъма энди. Тамбла атам бла Мен къошха барлыкъма, Мен айыуталам бла Къой кютюп турлукъма. Къарарыкъма мен анга, Ол уллу болгъунчу. Сора бир кёрсюн бёрю Къой элтип алгъынча! 1970 |
|
|
|
21.12.2021 19:20:15
КЮМЮШ ЖАУУН
Жаз жауун жауду, жауду, Букъа-башындан ауду. Ол суучукъну жибитди, Гылыучукъну жибитди. Сакъ жауун – жазны жыры. Анакадан жашырын Чартлап чыкъдым арбазгъа, Жауун чапхан арбазгъа. Ары-бери жюрюдюм, Ой, жибидим, жибидим. Энди уа, юйге кирип, Чачымы къурутайым. Жомакъда жашчыкъ кибик, Кюмюшчашчыкъ боланым, Ариу жашчыкъ болайым! 1971
Изменено: |
|
|
|
23.12.2021 21:08:03
ЧАПДЫМ, ЧАПДЫМ
Кёк чагъады, жел урады, Жаз жауун жауа турады. Ол суусап къысхан жерни Къандыра, къууандырады. Мен юйден къарап кёреме: Суу толкъунланып бара. Ётюрюк айтады деме, – Бир къарчы, бир къара. Сакъ жауун, жылкъы жетгенча, Терк жетди да, узайды. Хар булут да, акъ желтенча Желпегин Тышына чабып чыкъдым да, Мен жалан аякъ чапдым. Ой, чапдым, чапдым, чапдым да, Хар кёлде да кюн тапдым. 1971 |
|
|
|
28.12.2021 20:19:45
ЖАНГЫ ЧУРУКЪЧУКЪЛА
Жап-жангы чурукъчукъла, Яра жортурукъчукъла, Тёзмей зауалгъа Чапдыла ары-бери. Чурукъла ичлеринде уа Ол эки да какачыкъ. Какала юслеринде уа – Хыпияр Билякачыкъ. Жюйрюкчюкле, тиричикле, Сиркиучюкле, жигитчикле Анакалагъа жетип Къайтдыла, букъу этип. 2015 |
|
|
|
05.01.2022 21:11:58
ЖУКЪУЧУКЪНУ ЖЫРЧЫГЪЫ
Айыу жукълайды кенг куркасында, Чыпчыкъ – бийик уясында. Тишхан терен тешигинде, Бала – жылы бешигинде. Булутчукъда жукълайды жауунчукъ, Къамилчикде – ырдауунчукъ. Чёпде жукълайды чыкъ, Тёшегинде – гитче къызчыкъ, Тюшле кёре, къыйнамай жукъ… Жукъламайды жаланда услучукъ. 2013
Изменено: |
|
|
|
09.01.2022 09:43:19
Айыу Куркасында Тишхан (къарачайча чычхан дейдиле, по смыслу догадываюсь, что мышь) Къамилчикде Ырдауунчукъ Услучукъ ((
Я самая классная на форуме))))))))))))))
|
||||
|
|
|||
Читают тему (гостей: 1)