- Гыдай эчки суугъа къараб, мюйюзле кёрмесе, джашма алкъын, дегенди.
- Келинни – келгинчи, бёркню кийгинчи кёр.
- Бети къызарыучу адамны, джюреги харам болмаз.
- Ишлемеген – тишлемез.
- Джерни букъусу кёкге къонмаз.
- Ишни ахырын ойламай, аллын башлама.
- Хоншуну тауугъу къаз кёрюнюр, келини къыз кёрюнюр.
- Арбаз къынгырды да, ийнек сауалмайма.
- Байны къызы баймакъ болса да, юйде къалмаз!
- Къарнынг бла ёч алма.
- Керилген да, ургъан кибикди.
- Адамны сабийин сюйген джюреги, бычакъча, джитиди.
- Кёрмегеннге кебек – танг, битмегеннге сакъал – танг.
- Окъуусуз билим – джокъ, билимсиз кюнюнг – джокъ.
- Кёзю сокъурдан – къоркъма, кёлю сокъурдан – къоркъ.
- Джарлы эскисин джамаса, къууаныр.
- Биреуню къыйынлыгъы бла кесинге джол ишлеме.
- Эшекге миннген – биринчи айыб, андан джыгъылгъан – экинчи айыб.
- Аджаллыгъа окъсуз шкок атылыр.
- Кюн – узун, ёмюр – къысха.
- Айырылмаз джууугъунга, унутмаз сёзню айтма.
- Ётюрюкден тюбю джокъ, кёлтюрюрге джиби джокъ.
- Эски джаугъа ышанма.
- Къарт бла баш аша, джаш бла аякъ аша.
- Керти сёзге тёре джокъ.
- Ачлыкъда тары гырджын халыуадан татлы.
- Къарын къуру болса, джюрек уру болур.
- Бал – татлы, балдан да бала – татлы.
- Ашыкъгъанны этеги бутуна чырмалыр.
- Сагъышы джокъ – джукъучу, акъылы джокъ – къаугъачы.
- Чакъырылмагъан къонакъ тёрге атламаз.
- Тёрдеги кюлсе, эшикдеги ышарыр.
- Джигер – джаннга къыйынлыкъ.
- Къумурсхала джыйылсала, пилни да джыгъадыла.
- Харам къарнашдан, халал тенг ашхы.
- Ашлыкъ – бюртюкден, джюн – тюкден.
- Кёл – къызбай, къол – батыр.
- Эшекни не къадар тюйсенг да, ат болмаз.
- Экеу тутушса, биреу джыгъылыр.
- Насыблы элин сюер, насыбсыз кесин сюер.
- Иги джашны ышаны – аз сёлешиб, кёб тынгылар.
- Хар адамгъа кеси миннген тау кибик.
- Сабыр джетер муратха, сабырсыз къалыр уятха.
- Ауругъанны сау билмез, ач къарынны токъ билмез.
- Кёзюнде тереги болгъан, чёбю болгъаннга кюле эди.
- Ач отунчуну ачыуу – бурнунда.
- Ата джурт – алтын бешик.
- Арба аугъандан сора, джол кёргюзтюучю кёб болур.
- Айтылгъан буйрукъ, сёгюлмез
- Джарлыны эшигин махтагъан джабар.
КЪАРАЧАЙ-МАЛКЪАР БАСМАДАН
Ответы
31.08.2010 06:38:18
Tinibek, шохум, салам!
Аламат хапарны салгъанса былайгъа. Бек сау бол. Муну джыры барды, кетген ёмюрде Дудаланы Махмуд къартладан джазыб алгъан. http://www.elbrusoid.org/phorum/index.php?action=v thread&forum=22&topic=8965 Къарачай газетде хапарланы нек алыргъа болмайды дей эдинг? Малкъар газетдегин алгъан программа бла болмаймыды? |
|
|
|
21.09.2010 00:00:03
http://www.karachay.smi09.ru/
"Къарачай" газет , ??75-76, сентябрны 18. 4-чю бетде "Эльбрусоидни" юсюнден хапар: "Огъурлу ишле бла атын айтдырады". |
|
|
|
21.09.2010 00:15:10
http://www.smikbr.ru/2010/zaman/09/14.pdf
"Заман" газетни 4-чю бетинде Къалмукъну ара шахары Элистада таулу назмучуланы сайлама назмуларындан къуралгъан китаб чыкъгъаны айтылады. Ары Кязимден башлаб, бюгюннгю шайырлагъа дери бары - тыйыншлы орун алгъандыла. |
|
|
|
21.09.2010 00:17:24
http://www.smikbr.ru/2010/zaman/09/14.pdf
"Заман" газетни 3-чю бетинде "Тас болгъанла кимледиле?" аты бла магъаналы ушакъ басмаланады. |
|
|
|
21.09.2010 21:08:54
http://www.karachay.smi09.ru/
"Къарачай" газет , ??75-76, сентябрны 18. 4-чю бетде "Эльбрусоидни" юсюнден хапар: "Огъурлу ишле бла атын айтдырады". Netscape Explorer www.karachay.smi09.ru ну ачарга унамады, virus барды дeп. Бу адрeстe кeртидeн дe virus зат бар мыды, огeсe explorer бошуна мы коркуп айтады? Внимание: Посещение этого сайта, вы можете повредить ваш компьютер. www.karachay.smi09.ru веб-сайт может нанести вред Вашему компьютеру без Вашего согласия, могут работать или хостинга вредоносных программ понимаются предметы из activepr.ru сайта. Содержать вредоносное программное обеспечение, только для посещения веб-сайта может привести к еще заразить компьютер. Для получения дополнительной информации по вопросам, касающимся этих вопросов activepr.ru безопасного просмотра диагностических страницы за посещение. Как защитить себя от вредоносного программного обеспечения онлайн Узнайте больше о. Посещение этого сайта может нанести вред моего компьютера, я знаю. Netscape Explorer www.karachay.smi09.ru nu açarga unamadı, virus bardı dep. Bu adreste kertiden de virüs zat bar mıdı, ogese explorer boşuna mı korkup aytadı? Uyarı: Bu siteyi ziyaret etmek, bilgisayarınıza zarar verebilir. www.karachay.smi09.ru adresindeki web sitesi, bilgisayarınıza zarar verebilecek veya rızanız olmadan çalışabilecek kötü amaçlı yazılım barındırdığı anlaşılan activepr.ru sitesinden öğeler içeriyor. Kötü amaçlı yazılım içeren bir web sitesini yalnızca ziyaret etmek bile bilgisayarınıza virüs bulaşmasına yol açabilir. Bu öğelere ilişkin sorunlar hakkında ayrıntılı bilgi için activepr.ru için Güvenli Tarama tanı sayfası sayfasını ziyaret edin. Zararlı online yazılımlardan nasıl korunacağınız hakkında daha fazla bilgi edinin. Bu siteyi ziyaret etmenin bilgisayarıma zarar verebileceğini biliyorum. |
|
|
|
24.09.2010 04:07:05
http://www.karachay.smi09.ru/
"Къарачай" газетни бу номеринде (?77, 2010 джыл, сентябрны 23) эс бёлюр харала бардыла. 2-чи бетде РФ-ны Кърал Думасыны депутаты Эрикгенланы Ахмат бла ушакъ. 3-чю бетде актер эмда джырчы Бостанланы Умар-Алийни юсюнден хапар. 4-чю бетде суратчы Абайханланы Муссаны юсюнден хапар. "Къарачай" газетни да окъуй туругъуз, аланла: иги материаллагъа джолугъургъа боллукъсуз. |
|
|
|
28.09.2010 18:56:33
http://www.karachay.smi09.ru/
Къарачай газетни (2010 джыл, сентябрны25, ?78) экинчи бетинде "Кимди терс?" деген макале басмаланады. Анда ана тил бла литературадан 25 джылны узагъына дерс китабла басмаланмагъаны айтылады. Быйыл сентябргъа юч миллион багъасы бир китаб чыгъаргъа керек эди. Чыкъмагъанды. Айтылгъан ачха берилмегенди. Ачханы дауларыкъла дауламайдыла. Окъуу-илму баканлыкъда ишлегенле къарачай тил тюб болуб кетсе да орунларындан къымылдарыкъ тюлдюле. Басмаланныкъ дерс китабла да кереклисича хазырланмагъандыла. 25 джылны дерс китабсыз тургъан школлада къарачай тилни сабийле къалай билликдиле? Окъуу-илму министерство да, тилибизге эс бёллюк къуллукъчула да къарачай тилни къурутуб кюрешедиле - алай демек - къарачай халкъны къурутуб кюрешедиле. Халкъ кесин эскериб, ёрге турмаса, тилин тас этерикди!!! |
|
|
|
30.09.2010 15:02:07
http://www.karachay.smi09.ru/
"Къарачай" газет, ?79, 2010 джыл сентябрны 30 Бу номерде бек иги материалла бардыла: 2-чи бетде: "Сюйсенг тарыкъ, сюйсенг къой" - газетни сыйы нек тюшгенини юсюнден; 3-чю бетде: "Биз къаллай бирбиз?" - адам саныбызны юсюнден, къайсы элде къаллай бир къарачайлы джашагъаны; "Тюзюча айтылсын" - джер атларыбызны юсюнден. Окъугъуз - сагъыш этдирир магъаналы затла айтыладыла. |
|
|
|
07.10.2010 22:38:54
http://www.allrussiatv.ru/kabardino-balkarija/
Бу адрес бла Къабарты-Малкъар кърал телерадиокомпанияны бериулерине къараргъа боллукъду. Муну юсюнден билдиреди "Заман" газет 1-2 бетлеринде "Ана тиллеринде бериулеге къарарыкъдыла" деген статьяда-макаледе. ( |
|
|
|
07.10.2010 22:52:07
http://www.kommersant.ru/doc.aspx?DocsID=1513200
"Если террористам платить, чтобы нас не взрывали, они станут сильнее" "Коммерсант" газетде (01.10.2010) Каноковну интервьюсу чыкъгъанды. Малкъар газет да аны кёчюрюб басмалайды. |
|
|
|
14.10.2010 05:17:58
http://www.smikbr.ru/2010/zaman/10/13.pdf
"Заман" газетни бу номеринде "Эки тилде окъутуу мардамы боллукъ болур?" деб материал басмаланады. Къабарты, малкъар школлада сабийле ючюнчю сыныфха дери бютеу дерслени ана тиллеринде окъула башланнганы айтылады. Орус тил аз-аз ючюнчю сыныфдан окъула тебренниги да чертиледи. Керти да алай болса, ана тилибиз тирилиб кетерге да болур. |
|
|
|
21.10.2010 00:16:14
http://www.smikbr.ru/2010/zaman/10/20.pdf
"Заман" газетде (октябрны 20, 2010 джыл, ючюнчю бет) "Ат бла джаны бирди" статья-макале басмаланады. Анда ат чабдырыучу къарачай джигитлени юсюнден хапар айтылады. |
|
|
|
21.10.2010 03:29:02
Tinibek
|
||||
|
|
|||
Читают тему (гостей: 1)