- Кёбден умут этиб, аздан къуру къалма.
- Аман къатын алгъан, арыр, иги къатын алгъан джарыр.
- Чарсда алчыны эл кёреди.
- Ариуну – ауруу кёб.
- Тюзню ётмеги тюзде къалса да, тас болмаз.
- Чакъырылмагъан къонакъ къачан кетерин сормаз.
- Таугъа чыгъаллыкъ эсенг, тюзде къалма.
- Сёз къанатсыз учар.
- Кирсизни – саны таза, халалны – къаны таза.
- Къоркъакъны кёзю экили кёрюр.
- Элиб деген, элге болушур.
- Айран ичген – къутулду, джугъусун джалагъан – тутулду.
- Ач келгенни – тойдур, кеч келгенни – къондур.
- Башда акъыл болмаса, эки аякъгъа кюч джетер.
- Юй кюйдю да, кюйюз чыкъды, ортасындан тюйюш чыкъды.
- Джашлыкъ этмеген, башлыкъ этмез.
- Байлыкъ келсе, акъыл кетер.
- Аллахха ийнаннган кишини, Аллах онгдурур ишин.
- Къолу уллу – асыу, аягъы уллу – джарсыу.
- Ёлген аслан – сау чычхан.
- Адамны аманы адамны бети бла ойнар.
- Джукъу тёшек сайламайды.
- Илму – джашауну джолу.
- Чабакъгъа акъыл, табагъа тюшсе келеди.
- Намысы болмагъанны, сыйы болмаз.
- Джылкъыдан – ат чыгъар, тукъумдан – джаш чыгъар.
- Тели турса – той бузар.
- Сабыр джетер муратха, сабырсыз къалыр уятха.
- Башсыз урчукъ тюзюне айланмаз.
- Биреуге аманлыкъ этиб, кесинге игилик табмазса.
- Къарын къуру болса, джюрек уру болур.
- Иги – алгъыш этер, аман – къаргъыш этер.
- Рысхы – насыбха къор.
- Аманнга игилик этсенг, юйюнге сау бармазса.
- Мураты болгъанны джюрек тебюую башхады.
- Эрине къаргъыш этген къатын, эрнин къабар.
- Окъуу – билимни ачхычы, окъуу – дунияны бачхычы.
- Тойгъан антын унутур.
- Джарлыны эшигин махтагъан джабар.
- Къайгъы тюбю – тенгиз.
- Къонакъны къачан кетерин сорма, къачан келлигин сор.
- Джумушакъ терекни къурт ашар.
- Къайтырыкъ эшигинги, къаты уруб чыкъма.
- Уллу айтханны этмеген – уллаймаз.
- Айтханы чапыракъдан ётмеген.
- Акъыллы – эл иеси, тели – эл баласы.
- Накъырда – кертини келечиси.
- Акъыл къартда, джашда тюйюлдю – башдады.
- Намыс сатылыб алынмайды.
- Атынг аманнга чыкъгъандан эсе, джанынг тамагъынгдан чыкъсын.
КЪАРАЧАЙ-МАЛКЪАР БАСМАДАН
Ответы
31.08.2010 06:38:18
Tinibek, шохум, салам!
Аламат хапарны салгъанса былайгъа. Бек сау бол. Муну джыры барды, кетген ёмюрде Дудаланы Махмуд къартладан джазыб алгъан. http://www.elbrusoid.org/phorum/index.php?action=v thread&forum=22&topic=8965 Къарачай газетде хапарланы нек алыргъа болмайды дей эдинг? Малкъар газетдегин алгъан программа бла болмаймыды? |
|
|
|
21.09.2010 00:00:03
http://www.karachay.smi09.ru/
"Къарачай" газет , ??75-76, сентябрны 18. 4-чю бетде "Эльбрусоидни" юсюнден хапар: "Огъурлу ишле бла атын айтдырады". |
|
|
|
21.09.2010 00:15:10
http://www.smikbr.ru/2010/zaman/09/14.pdf
"Заман" газетни 4-чю бетинде Къалмукъну ара шахары Элистада таулу назмучуланы сайлама назмуларындан къуралгъан китаб чыкъгъаны айтылады. Ары Кязимден башлаб, бюгюннгю шайырлагъа дери бары - тыйыншлы орун алгъандыла. |
|
|
|
21.09.2010 00:17:24
http://www.smikbr.ru/2010/zaman/09/14.pdf
"Заман" газетни 3-чю бетинде "Тас болгъанла кимледиле?" аты бла магъаналы ушакъ басмаланады. |
|
|
|
21.09.2010 21:08:54
http://www.karachay.smi09.ru/
"Къарачай" газет , ??75-76, сентябрны 18. 4-чю бетде "Эльбрусоидни" юсюнден хапар: "Огъурлу ишле бла атын айтдырады". Netscape Explorer www.karachay.smi09.ru ну ачарга унамады, virus барды дeп. Бу адрeстe кeртидeн дe virus зат бар мыды, огeсe explorer бошуна мы коркуп айтады? Внимание: Посещение этого сайта, вы можете повредить ваш компьютер. www.karachay.smi09.ru веб-сайт может нанести вред Вашему компьютеру без Вашего согласия, могут работать или хостинга вредоносных программ понимаются предметы из activepr.ru сайта. Содержать вредоносное программное обеспечение, только для посещения веб-сайта может привести к еще заразить компьютер. Для получения дополнительной информации по вопросам, касающимся этих вопросов activepr.ru безопасного просмотра диагностических страницы за посещение. Как защитить себя от вредоносного программного обеспечения онлайн Узнайте больше о. Посещение этого сайта может нанести вред моего компьютера, я знаю. Netscape Explorer www.karachay.smi09.ru nu açarga unamadı, virus bardı dep. Bu adreste kertiden de virüs zat bar mıdı, ogese explorer boşuna mı korkup aytadı? Uyarı: Bu siteyi ziyaret etmek, bilgisayarınıza zarar verebilir. www.karachay.smi09.ru adresindeki web sitesi, bilgisayarınıza zarar verebilecek veya rızanız olmadan çalışabilecek kötü amaçlı yazılım barındırdığı anlaşılan activepr.ru sitesinden öğeler içeriyor. Kötü amaçlı yazılım içeren bir web sitesini yalnızca ziyaret etmek bile bilgisayarınıza virüs bulaşmasına yol açabilir. Bu öğelere ilişkin sorunlar hakkında ayrıntılı bilgi için activepr.ru için Güvenli Tarama tanı sayfası sayfasını ziyaret edin. Zararlı online yazılımlardan nasıl korunacağınız hakkında daha fazla bilgi edinin. Bu siteyi ziyaret etmenin bilgisayarıma zarar verebileceğini biliyorum. |
|
|
|
24.09.2010 04:07:05
http://www.karachay.smi09.ru/
"Къарачай" газетни бу номеринде (?77, 2010 джыл, сентябрны 23) эс бёлюр харала бардыла. 2-чи бетде РФ-ны Кърал Думасыны депутаты Эрикгенланы Ахмат бла ушакъ. 3-чю бетде актер эмда джырчы Бостанланы Умар-Алийни юсюнден хапар. 4-чю бетде суратчы Абайханланы Муссаны юсюнден хапар. "Къарачай" газетни да окъуй туругъуз, аланла: иги материаллагъа джолугъургъа боллукъсуз. |
|
|
|
28.09.2010 18:56:33
http://www.karachay.smi09.ru/
Къарачай газетни (2010 джыл, сентябрны25, ?78) экинчи бетинде "Кимди терс?" деген макале басмаланады. Анда ана тил бла литературадан 25 джылны узагъына дерс китабла басмаланмагъаны айтылады. Быйыл сентябргъа юч миллион багъасы бир китаб чыгъаргъа керек эди. Чыкъмагъанды. Айтылгъан ачха берилмегенди. Ачханы дауларыкъла дауламайдыла. Окъуу-илму баканлыкъда ишлегенле къарачай тил тюб болуб кетсе да орунларындан къымылдарыкъ тюлдюле. Басмаланныкъ дерс китабла да кереклисича хазырланмагъандыла. 25 джылны дерс китабсыз тургъан школлада къарачай тилни сабийле къалай билликдиле? Окъуу-илму министерство да, тилибизге эс бёллюк къуллукъчула да къарачай тилни къурутуб кюрешедиле - алай демек - къарачай халкъны къурутуб кюрешедиле. Халкъ кесин эскериб, ёрге турмаса, тилин тас этерикди!!! |
|
|
|
30.09.2010 15:02:07
http://www.karachay.smi09.ru/
"Къарачай" газет, ?79, 2010 джыл сентябрны 30 Бу номерде бек иги материалла бардыла: 2-чи бетде: "Сюйсенг тарыкъ, сюйсенг къой" - газетни сыйы нек тюшгенини юсюнден; 3-чю бетде: "Биз къаллай бирбиз?" - адам саныбызны юсюнден, къайсы элде къаллай бир къарачайлы джашагъаны; "Тюзюча айтылсын" - джер атларыбызны юсюнден. Окъугъуз - сагъыш этдирир магъаналы затла айтыладыла. |
|
|
|
07.10.2010 22:38:54
http://www.allrussiatv.ru/kabardino-balkarija/
Бу адрес бла Къабарты-Малкъар кърал телерадиокомпанияны бериулерине къараргъа боллукъду. Муну юсюнден билдиреди "Заман" газет 1-2 бетлеринде "Ана тиллеринде бериулеге къарарыкъдыла" деген статьяда-макаледе. ( |
|
|
|
07.10.2010 22:52:07
http://www.kommersant.ru/doc.aspx?DocsID=1513200
"Если террористам платить, чтобы нас не взрывали, они станут сильнее" "Коммерсант" газетде (01.10.2010) Каноковну интервьюсу чыкъгъанды. Малкъар газет да аны кёчюрюб басмалайды. |
|
|
|
14.10.2010 05:17:58
http://www.smikbr.ru/2010/zaman/10/13.pdf
"Заман" газетни бу номеринде "Эки тилде окъутуу мардамы боллукъ болур?" деб материал басмаланады. Къабарты, малкъар школлада сабийле ючюнчю сыныфха дери бютеу дерслени ана тиллеринде окъула башланнганы айтылады. Орус тил аз-аз ючюнчю сыныфдан окъула тебренниги да чертиледи. Керти да алай болса, ана тилибиз тирилиб кетерге да болур. |
|
|
|
21.10.2010 00:16:14
http://www.smikbr.ru/2010/zaman/10/20.pdf
"Заман" газетде (октябрны 20, 2010 джыл, ючюнчю бет) "Ат бла джаны бирди" статья-макале басмаланады. Анда ат чабдырыучу къарачай джигитлени юсюнден хапар айтылады. |
|
|
|
21.10.2010 03:29:02
Tinibek
|
||||
|
|
|||
Читают тему (гостей: 1)