- Джылкъыдан – ат чыгъар, тукъумдан – джаш чыгъар.
- Мен да «сен», дейме, сен да «кесим», дейсе.
- Азыкълы ат арымаз, къатыны аман джарымаз.
- Билим ат болуб да чабар, къуш болуб да учар.
- Байдан умут эте, джарлыдан ёгюз багъасы къорады.
- Джарлыны эшигин махтагъан джабар.
- Тулпарлыкъ, билекден тюл – джюрекден.
- Кёбден умут этиб, аздан къуру къалма.
- Къызгъанчдан ычхыныр, мухардан ычхынмаз.
- Чалманны аллы къалай башланса, арты да алай барады.
- Ашхы атаны – джашы ашхы, ашхы ананы – къызы ашхы.
- Эли джокъну – кёлю джокъ.
- Джарлы эскисин джамаса, къууаныр.
- Биреуге аманлыкъны тилеме да, кесинге ашхылыкъны тиле.
- Тойгъан антын унутур.
- Суугъа – чабакъ, къаягъа – ыргъакъ.
- Келлик заман – къартлыкъ келтирир, кетген заман – джашлыкъ ёлтюрюр.
- Харам къарнашдан, халал тенг ашхы.
- Бойнуму джети джерден кессенг да, мен ол ишни этеллик тюлме.
- Джол бла сёзню къыйыры джокъ.
- Эм ашхы къайын ана мамукъ бла башынгы тешер.
- Аджашханны ызындагъы кёреди, джангылгъанны джанындагъы биледи.
- Джарлы джети элни сёзюн этер.
- Къан бла кирген, джан бла чыгъар.
- Мухарны эси – ашарыкъда.
- Ашыкъгъан cуу, тенгизге джетмез.
- Насыб бютеу халкъны юлюшюдю.
- Тилчи бир сагъатха айлыкъ хата этер.
- Хоншуну тауугъу къаз кёрюнюр, келини къыз кёрюнюр.
- Джырчы ёлсе, джыры къалыр.
- Эртде тургъан джылкъычыны эркек аты тай табар.
- Ауузу бла къуш тута айланады.
- Уясында не кёрсе, учханында аны этер.
- Ариу сёз джыланны орнундан чыгъарыр.
- Ушамагъан – джукъмаз.
- Башсыз урчукъ тюзюне айланмаз.
- Ариу – кёзге, акъыл – джюрекге.
- Биреу ашаб къутулур, биреу джалаб тутулур.
- Ёзденликни джайгъан – джокълукъ.
- Таш ата билмеген, башына урур.
- Келгинчи, къонакъ уялыр, келгенден сора, къонакъбай уялыр.
- Ойнай билмеген, оюн бузар.
- Эки къатын алгъан – эки ташны ортасына башын салгъан.
- Ичимден чыкъды хата, къайры барайым сата?
- Таш бла ургъанны, аш бла ур.
- «Ма», - дегенни билмесенг, «бер», - дегенни билмезсе.
- Къыйынлы джети элни къайгъысын этер.
- Джашынгы кесинг юретмесенг, джашау юретир.
- Болджал ишни бёрю ашар.
- Чакъырылмагъан къонакъ – орунсуз.
Концерт к 80-летию со дню рождения выдающегося этнохореографа Мухтара Чукаевича Кудаева., Юбилейный вечер состоится 16 сентября 2018 г. в Музыкальном театре г. Нальчика
27.04.2012 17:54:31
Афашоков Эльдар
Загрузка плеера
если хочешь обвинить человека, прежде найди ему семьдесят оправданий ©
|
|
|
|
Читают тему (гостей: 1)