- Иги сеники эсе да, сюйген кесимикин этеме.
- Чабакъсыз кёлге къармакъ салгъанлыкъгъа, чабакъ тутмазса.
- Джумушакъ терекни къурт ашар.
- Нарт сёз – тилни бети.
- Ата Джуртча джер болмаз, туугъан элча эл болмаз.
- Ёзденликни кёбю ётюрюк.
- Билим насыб берир, билим джолну керир.
- Ач бёрюге мекям джокъ.
- Ашда уялгъан – мухар, ишде уялгъан – хомух.
- Ёнгкюч къууана барыр, джылай келир.
- Джарлы тюеге минсе да, ит къабар.
- Джашынгы кесинг юретмесенг, джашау юретир.
- Ата Джуртун танымагъан, атасын да танымаз.
- Хата – гитчеден.
- Тойгъанлыкъ къойгъа джарашады.
- Аякъларынгы джууургъанынга кёре узат.
- Тил бла келеди джыр да.
- Гугурук къычырмаса да, тангны атары къалмаз.
- Кюн – узун, ёмюр – къысха.
- Ачыкъ джюрекге джол – ачыкъ.
- Сакъалы текени да бар, мыйыгъы киштикни да бар.
- Абынмазлыкъ аякъ джокъ, джангылмазлыкъ джаякъ джокъ.
- Юйюнг бла джау болгъандан эсе, элинг бла джау бол.
- Ишлегенде эринме, ишде чолакъ кёрюнме.
- Бал – татлы, балдан да бала – татлы.
- Ётюрюк хапар аякъ тюбю бла джюрюйдю.
- Хар сёзню орну барды.
- Чомартны къолун джокълукъ байлар.
- Акъыллы эркиши атын махтар, акъылсыз эркиши къатынын махтар.
- Татлы тилде – сёз ариу, чемер къолда – иш ариу.
- Джарлыны тону джаз битер.
- Кёб къычыргъандан – къоркъма, тынч олтургъандан – къоркъ.
- Уллу сёзде уят джокъ.
- Таукел къуру къалмаз.
- Кютгени беш эчки, сызгъыргъаны уа, джерни джарады.
- Ойнаб айтсанг да, эслеб айт.
- Ётюрюкню башын керти кесер.
- Биреуню эскиси биреуге джангы болмайды.
- Баланы адам этген анады.
- Башсыз урчукъ тюзюне айланмаз.
- Этни да ашады, бетни да ашады.
- Тёрени джагъы джокъ.
- Ариу джол аджал келтирмез.
- Кёз – сюйген джерде, къол – ауругъан джерде.
- Мадар болса, къадар болур.
- Артына баргъанны, къатына барма.
- Къартны сыйын кёрмеген, къартлыгъында сыйлы болмаз.
- Тюзню ётмеги тюзде къалса да, тас болмаз.
- Къралынгы – душмандан, башынгы от бла суудан сакъла.
- Иги болса, тамадама – махтау, аман болса, меннге – айыб.
Езден адет-этический кодекс Карачаево-Балкарского народа (отрывки из книги).
28.10.2006 06:15:54
interesno skolko procentov, molodegi, ne to, chto sobludaut, a elementarno znaut eti veshi???
|
|
|
|
28.10.2006 20:08:48
Ванхельсинг
desperado09@inbox.ru |
|
|
|
31.10.2006 16:26:02
Ниже даются краткие характеристики семи основных типов людей, как они определяются и называются в народе.
|
|
|
|
Читают тему (гостей: 1)