- Джаш къарыу бла кючлю, къарт акъыл бла кючлю.
- Джетген къыз джерли эшекни танымаз.
- Кёбню кёрген – кёб билир.
- Акъыллы айтыр эди, акъылсыз къоймайды.
- Башланнган иш битер, къымылдагъан тиш тюшер.
- Бозаны арты дауур болур.
- Иги – алгъыш этер, аман – къаргъыш этер.
- Къызны минг тилер, бир алыр.
- Ёлген аслан – сау чычхан.
- Эр сокъур болсун, къатын тилсиз болсун.
- Келлик заман – къартлыкъ келтирир, кетген заман – джашлыкъ ёлтюрюр.
- Бал чибинни ургъаны – ачы, балы – татлы.
- Нёгер болсанг, тенг бол, тенг болмасанг, кенг бол.
- Накъырданы арты керти болур.
- Тойгъан антын унутур.
- Эки къатын алгъан – эки ташны ортасына башын салгъан.
- Сабийни джумушха джибер да, ызындан бар.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Тик ёргени, тик энгишгеси да болады.
- Суугъа – таянма, джаугъа – ийнанма.
- Хаухну атма, ёнгкючню сатма.
- Босагъагъа джууукъ орун болса, ашыгъыб тёрге озма.
- Хоншуну тауугъу къаз кёрюнюр, келини къыз кёрюнюр.
- Ишленмеклик адамлыкъды.
- Джан саулукъ бермей, сан саулукъ бермезсе.
- Тил бла келеди джыр да.
- Адам сёзге тынгыла, акъыл сёзню ангыла.
- Хатерли къул болур.
- Ашына кёре табагъы, балына кёре къалагъы.
- Чомарт къонакъ юй иесин сыйлар.
- Эр абынмай, эл танымаз.
- Сабийликде юретмесенг, уллу болса – тюзелмез.
- Аз айтсам, кёб ангылагъыз.
- Агъач – джерни чырайы, кийим – эрни чырайы.
- Джылкъыдан – ат чыгъар, тукъумдан – джаш чыгъар.
- Ёксюзню тилеги къабыл болур.
- Джарлы эскисин джамаса, къууаныр.
- Дуния аламаты сен эсенг да, игиме деб айтма.
- Хата – гитчеден.
- Ач бёрюге мекям джокъ.
- Биреуню тёрюнден, кесинги эшик артынг игиди.
- Туз, гырджын аша, тюзлюк бла джаша.
- Адам къаллай бир ишленмесе, аллай бир кесин уллу кёреди.
- Бёрю да ач къалмасын, эчки да ашалмасын.
- Кютгени беш эчки, сызгъыргъаны уа, джерни джарады.
- Байма, деб да, къууанма, джарлыма, деб да, джылама.
- Эртде тургъан джылкъычыны эркек аты тай табар.
- Иги сёз – джаннга азыкъ, аман сёз башха – къазыкъ.
- Артына баргъанны, къатына барма.
- Чакъырылмагъан къонакъ тёрге атламаз.
Езден адет-этический кодекс Карачаево-Балкарского народа (отрывки из книги).
28.10.2006 06:15:54
interesno skolko procentov, molodegi, ne to, chto sobludaut, a elementarno znaut eti veshi???
|
|
|
|
28.10.2006 20:08:48
Ванхельсинг
desperado09@inbox.ru |
|
|
|
31.10.2006 16:26:02
Ниже даются краткие характеристики семи основных типов людей, как они определяются и называются в народе.
|
|
|
|
Читают тему (гостей: 1)