Ханы къызы буюгъа-буюгъа киштик болду.
Элге къуллукъ этмеген, элге ие болмаз.
Таукел тауну аудурур.
Насыблы элин сюер, насыбсыз кесин сюер.
Азыгъы аз, алгъа къабар, аты аман, алгъа чабар.
Къызны минг тилер, бир алыр.
Ётген ёмюр – акъгъан суу.
Магъанасыз сёз – тауушсуз сыбызгъы.
Тилчиден кери бол.
Билимсиз иш бармаз.
Чомарт бергенин айтмаз.
Джаш болсун, къыз болсун, акъылы, саны тюз болсун.
Кёзюнде тереги болгъан, чёбю болгъаннга кюле эди.
Садакъачыны джаны – къапчыгъында.
Соргъан айыб тюлдю, билмеген айыбды.
Ким бла джюрюсенг, аны кёзю бла кёрюнюрсе.
Сагъышы джокъ – джукъучу, акъылы джокъ – къаугъачы.
Ашхы адам – халкъ байлыгъы, ашхы джер – джашау байлыгъы.
Джылкъыдан – ат чыгъар, тукъумдан – джаш чыгъар.
Иги болса, тамадама – махтау, аман болса, меннге – айыб.
Намыс болмагъан джерде, насыб болмаз.
Джюз элде джюз ёгюзюм болгъандан эсе, джюз джууугъум болсун.
Сёлеш деб шай берген, тохта деб, сом берген.
Келгинчи, къонакъ уялыр, келгенден сора, къонакъбай уялыр.
Тил – миллетни джаны.
Эли джокъну – кёлю джокъ.
Къайтырыкъ эшигинги, къаты уруб чыкъма.
Сакъ юйюне сау барыр.
Тыш элде солтан болгъандан эсе, кесинги элде олтан болгъан игиди!
Кюлме джашха – келир башха.
Сагъыш – къартлыкъгъа сюйюмчю.
Дууулдаса – бал чибин, къонса – къара чибин.
Акъыллы башны – тили къысха.
Ётюрюкден тюбю джокъ, кёлтюрюрге джиби джокъ.
Къыз келсе, джумуш эте келеди, къатын келсе, ушакъ эте келеди.
Джарлы джети элни сёзюн этер.
Эри аманны, къатыны – аман.
Джиби бир къат джетмей эди да, эки къат тарта эди.
Чабакъсыз кёлге къармакъ салгъанлыкъгъа, чабакъ тутмазса.
Къарнынг къанлынга кийирир.
Ариуну – ауруу кёб.
Билген билмегенни юретген адетди.
Ашлыкъны арба юйге келтирир, чана базаргъа элтир.
Сёз – кюмюш, джыр – алтын.
Сабыр джетер муратха, сабырсыз къалыр уятха.
Абынмазлыкъ аякъ джокъ, джангылмазлыкъ джаякъ джокъ.
Къонакъны къачан кетерин сорма, къачан келлигин сор.
Къазанчы аман болса, къазаны къайнамаз.
Кёзню ачылгъаны – иги, ауузну джабылгъаны – иги.
Ана къолу ачытмаз.
