Бастасын ашагъан, хантусун да ичер.
Тынгылагъан тынгы бузар.
Байны оноуу, джарлыгъа джарамаз.
Булут кёкге джарашыу, уят бетге джарашыу.
Уллу сёлешме да, уллу къаб.
Тура эдим джата, къайдан чыкъды хата?
Къыйынлы джети элни къайгъысын этер.
Кийимни бир кюнню аясанг, минг кюннге джарар.
Ашлыкъ – бюртюкден, джюн – тюкден.
Тулпарлыкъ, билекден тюл – джюрекден.
Къобан да къуру да къобханлай турмайды, адам да къуру да патчахлай турмайды.
Тас болгъан бычакъны сабы – алтын.
Гугурук къычырмаса да, тангны атары къалмаз.
Джарашыу сюйген – джалынчакъ.
Сибиртки да сыйлы болду, кюрек да кюнлю болду.
Окъугъан – асыу, окъумагъан – джарсыу.
Къазанны башы ачыкъ болса, итге уят керекди.
Билим ат болуб да чабар, къуш болуб да учар.
Рысхы – насыбха къор.
Байлыкъдан саулукъ ашхыды.
Бир онгсуз адам адет чыгъарды, деб эштирик тюлсе.
Иесиз малны бёрю ашар.
Башынга джетмегенни сорма.
Этни да ашады, бетни да ашады.
Айтхан – тынч, этген – къыйын.
Адам къыйынлыгъын кёлтюрюр, зауукълугъун кёлтюрмез.
Намыс болмагъан джерде, насыб болмаз.
Асхат ашлыкъ сата, юйдегиси ачдан къата.
Мухарны эси – ашарыкъда.
Ёмюрлюк шохлукъну джел элтмез.
Къайгъы тюбю – тенгиз.
Джаз бир кюнню джатсанг, къыш талай кюнню абынырса.
Ач – эснер, ат – кишнер.
Юре билмеген ит, къонакъ келтирир.
Сабыр джетер муратха, сабырсыз къалыр уятха.
Адам сёзге тынгыла, акъыл сёзню ангыла.
Арбаз сайлама да, хоншу сайла.
Ачыу алгъа келсе, акъыл артха къалады.
Адебсиз адам – джюгенсиз ат.
Чабакъ башындан чирийди.
Тамчы таш тешер.
Тилде сюек болмаса да, сюек сындырыр.
Кёбден умут этиб, аздан къуру къалма.
Суу ичген шауданынга тюкюрме.
Нёгер болсанг, тенг бол, тенг болмасанг, кенг бол.
Джол бла сёзню къыйыры джокъ.
Сууда джау джокъ, кёб сёзде магъана джокъ.
Сёз – кюмюш, джыр – алтын.
Джаным-тиним – окъуу, билим.
Къарыусузгъа кюлме, онгсузгъа тийме.
