Ашарыкъда сайлагъаннга – чий гырджын.
Ётюрюкден тюбю джокъ, кёлтюрюрге джиби джокъ.
Иги джашны ышаны – аз сёлешиб, кёб тынгылар.
Къыйынлы джети элни къайгъысын этер.
Чомартха Тейри да борчлуду.
Акъылсызны джууукъгъа алма, акъыллыны кенгнге салма.
Ойнаб айтсанг да, эслеб айт.
Къууут – джелге, берне – бошха.
Таукелге нюр джауар.
Ариу сёз – джаннга азыкъ, аман сёз – башха къазыкъ.
Къарнынг ауруса, ауузунгу тый
Чёбню кёлтюрсенг, тюбюнден сёз чыгъар.
Аман къатын алгъан, арыр, иги къатын алгъан джарыр.
Ауругъаннга – кийик саулукъ, джетген къызгъа – чилле джаулукъ.
Бир абыннган – минг сюрюнюр.
Эллинг бла джау болсанг да, юйюнг бла джау болма.
Башынга джетмегенни сорма.
Джангыз терек къынгыр ёсер.
Ёлмесенг да, къарт дамы болмазса?
Адеби болмагъан къыз – тузсуз хант.
Аманнга игилик этсенг, юйюнге сау бармазса.
Билеги кючлю, бирни джыгъар, билими кючлю, мингни джыгъар.
Атадан ёксюз – бир ёксюз, анадан ёксюз – эки ёксюз.
Билими азны – ауузунда кирит.
Окъ къызбайны джокълайды.
Кюлме джашха – келир башха.
Джол бла сёзню къыйыры джокъ.
Джумушакъ терекни къурт ашар.
Биреуге аманлыкъ этиб, кесинге игилик табмазса.
Минг тенг да азды, бир джау да кёбдю.
Къызны минг тилер, бир алыр.
Бир онгсуз адам адет чыгъарды, деб эштирик тюлсе.
Арпа, будай – ащды, алтын, кюмюш а – ташды.
Адам сёзге тынгыла, акъыл сёзню ангыла.
Айтхан сёзюне табылгъан.
Эки ойлашыб, бир сёлешген.
Ёнгкюч къууана барыр, джылай келир.
Джырчы ёлсе, джыры къалыр.
Босагъа таш юйге кирмей эди, тыбыр таш эшикге чыкъмай эди.
Къазанны башы ачыкъ болса, итге уят керекди.
Игиге айтсанг – билир, аманнга айтсанг – кюлюр.
Бал – татлы, балдан да бала – татлы.
Абынмазлыкъ аякъ джокъ, джангылмазлыкъ джаякъ джокъ.
Эли джокъну – кёлю джокъ.
Гырджын – тепсини тамадасы.
Аз сёлеш, кёб ишле.
Кеси юйюмде мен да ханма.
Ач – эснер, ат – кишнер.
Алтыннга тот къонмаз.
Кесинге джетмегенни, кёб сёлешме.
