- Туз, гырджын аша, тюзлюк бла джаша.
- Тили узунну, намысы – къысха.
- Джюрекден джюрекге джол барды.
- Эр сокъур болсун, къатын тилсиз болсун.
- Джарлыны тону джаз битер.
- Адеб джокъда, намыс джокъ.
- Кечеси – аяз, кюню – къыш, джарлы къаргъагъа бир аш тюш!
- Аджалсыз ёлюм болмаз.
- Ашын ашагъанынгы, башын да сыйла.
- Ашына кёре табагъы, балына кёре къалагъы.
- Къызны минг тилер, бир алыр.
- Ашыкъгъанны этеги бутуна чырмалыр.
- Ишге юренсин къоллары, халкъ бла болсун джоллары.
- Биреуге аманлыкъны тилеме да, кесинге ашхылыкъны тиле.
- Къартны сыйын кёрмеген, къартлыгъында сыйлы болмаз.
- Ёлген ийнек сютлю болур.
- Ач, тоймам, дейди, тойгъан, ач болмам, дейди.
- Тилчиден кери бол.
- Бети – къучакълар, джюреги – бычакълар.
- Миллетни бойну – базыкъ, аны бла кюрешген – джазыкъ.
- Эртде тургъан джылкъычыны эркек аты тай табар.
- Аякъларынгы джууургъанынга кёре узат.
- Къумурсхала джыйылсала, пилни да джыгъадыла.
- Этни бети бла шорпасы.
- Бичгенде ашыкъма, тикгенде ашыкъ.
- Оюмсуз атлагъан, аджалсыз ёлюр.
- Таула не мийик болсала да, аууш табылыр.
- Термилгенинги табмазса, кюлгенинге тюберсе.
- Джауумдан сора, кюн кюйдюрюр, ётюрюкден сора, айыб кюйдюрюр.
- Душманны тышы – акъ, ичи – къара.
- Тёрени джагъы джокъ.
- Чакъырылмай келген къонакъ сыйланмай кетер.
- Ишин билген, аны сыйын чыгъарады.
- Ач къарынны, токъ билмез
- Тилде сюек болмаса да, сюек сындырыр.
- Кёлю джокъну – джолу джокъ.
- Малны кют, джерни тюрт.
- Адамны аты башхача, акъылы да башхады.
- Джиби бир къат джетмей эди да, эки къат тарта эди.
- Эки ойлашыб, бир сёлешген.
- Терслик кетер, тюзлюк джетер.
- Терек ауса, отунчу – кёб.
- Чабакъгъа акъыл, табагъа тюшсе келеди.
- Урунуу – насыбны анасы.
- Кёзю сокъурдан – къоркъма, кёлю сокъурдан – къоркъ.
- Билеги кючлю, бирни джыгъар, билими кючлю, мингни джыгъар.
- Эски джаугъа ышанма.
- Джашны джигитлиги сорулур, къызны джигерлиги сорулур.
- Ачыкъ джюрекге джол – ачыкъ.
- Джаш къарыу бла кючлю, къарт акъыл бла кючлю.
Военно-пересыльные пункы, Боевой путь земляка
Читают тему (гостей: 1)