- Халкъны джырын джырласанг, халкъ санга эжиу этер.
- Таякъ этден ётер, тил сюекден ётер.
- Намысы джокъну – дуниясы джокъ.
- Садакъачыны джаны – къапчыгъында.
- Къанны къан бла джуума, аманны аман бла къуума.
- Уллу айтханны этмеген – уллаймаз.
- Къан бла кирген, джан бла чыгъар.
- Этек чакъмакълары баш джаргъан, сёлешген сёзлери таш джаргъан.
- Эртде тургъан джылкъычыны эркек аты тай табар.
- Ауругъаннга – кийик саулукъ, джетген къызгъа – чилле джаулукъ.
- Байлыкъдан саулукъ ашхыды.
- Юреннген ауруу къалмаз.
- Адам къаллай бир ишленмесе, аллай бир кесин уллу кёреди.
- Душманны тышы – акъ, ичи – къара.
- Къар – келтирди, суу – элтди.
- Элни кючю – эмеген.
- Ашаса, ашамаса да, бёрюню ауузу – къан.
- Ашыкъгъан cуу, тенгизге джетмез.
- Рысхысына кёре, джаш ёсер, къышлыгъына кёре, мал ёсер.
- Уллу сёзде уят джокъ.
- Ёзденликни джайгъан – джокълукъ.
- Гыдай эчки суугъа къараб, мюйюзле кёрмесе, джашма алкъын, дегенди.
- Татлы тилде – сёз ариу, чемер къолда – иш ариу.
- Терек ауса, отунчу – кёб.
- Байма, деб да, къууанма, джарлыма, деб да, джылама.
- Уясында не кёрсе, учханында аны этер.
- «Ма», - дегенни билмесенг, «бер», - дегенни билмезсе.
- Арпа, будай – ащды, алтын, кюмюш а – ташды.
- Сибиртки да сыйлы болду, кюрек да кюнлю болду.
- Сютню башын джалагъан къутулур, тюбюн ичген тутулур.
- Иши джокъну, сыйы джокъ.
- Аманнга алтын чыдамаз.
- Акъыл бла адеб эгизледиле.
- Таукел адам тау тешер.
- Ата Джуртун танымагъан, атасын да танымаз.
- Хунаны тюбюн къазсанг, юсюнге ауар.
- Мал ёлсе, сюек къалыр, адам ёлсе, иши къалыр.
- Азыкъ аз болса, эртде орун сал.
- Иги бла джюрюсенг, джетерсе муратынга, аман бла джюрюсенг, къалырса уятха.
- Айран тёгюлсе, джугъусу къалыр.
- Эр абынмай, эл танымаз.
- Акъыллы башны – тили къысха.
- Ариу сёз аурууунгу алыр.
- Эринчекни аурууу – кёб.
- Джаш болсун, къыз болсун, акъылы, саны тюз болсун.
- Джашынгы кесинг юретмесенг, джашау юретир.
- Алтыннга тот къонмаз.
- Джарлы джети элни сёзюн этер.
- Айранын берсенг, челегин да къызгъанма.
- Ач бёрюге мекям джокъ.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72