- Ауузу аманнга «иги», деме.
- Билим – акъылны чырагъы.
- Кёб къычыргъандан – къоркъма, тынч олтургъандан – къоркъ.
- Чакъырылмагъан къонакъ – орунсуз.
- Ханы къызы буюгъа-буюгъа киштик болду.
- Айраннга суу къош, телиге джол бош.
- Ата – баланы уясы.
- Дженгил джетерикме деб, узун джолну къоюб, къысхасын барма.
- Элге къуллукъ этмеген, элге ие болмаз.
- Ёксюзню тилеги къабыл болур.
- Ашын ашагъанынгы, башын да сыйла.
- Этим кетсе да, сюегим къалыр.
- Акъдан къара болмаз.
- Кёпюр салгъан кеси ётер, уру къазгъан кеси кетер.
- Тёгюлген тюгел джыйылмайды.
- Ашхы тенг джолгъа салыр, аман тенг джолдан тайдырыр.
- Джюрек кёзден алгъа кёрюр.
- Эл бла кёргенинг эрелей.
- Ётюрюк хапар аякъ тюбю бла джюрюйдю.
- Ётюрюкню къуйругъу – бир тутум.
- Аманны къуугъан, аманлыкъ табар.
- Кесине оноу эте билмеген, халкъына да эте билмез.
- Иесиз малны бёрю ашар.
- Тилчиден кери бол.
- Чомарт къонакъ юй иесин сыйлар.
- Байны оноуу, джарлыгъа джарамаз.
- Шайтан алдады, тюзлюк къаргъады.
- Акъыл неден да кючлюдю.
- Тойгъанлыкъ къойгъа джарашады.
- Ана кёлю – балада, бала кёлю – талада.
- От кюйдюрген, сау болса да, тот кюйдюрген, сау болмаз.
- Акъылсызны джууукъгъа алма, акъыллыны кенгнге салма.
- Керилген да, ургъан кибикди.
- Келинни – келгинчи, бёркню кийгинчи кёр.
- Къыйынлы джети элни къайгъысын этер.
- Биреу къой излей, биреу той излей.
- Джети тилни билген джети кишиди.
- Сёлеш деб шай берген, тохта деб, сом берген.
- Окъугъан озар, окъумагъан тозар.
- Акъыллы башны – тили къысха.
- Сибиртки да сыйлы болду, кюрек да кюнлю болду.
- Кечеси – аяз, кюню – къыш, джарлы къаргъагъа бир аш тюш!
- Ёгюзню мюйюзюнден тутадыла, адамны сёзюнден тутадыла.
- Къарнынг тойгъунчу аша да, белинг талгъынчы ишле.
- Аман адам этегингден тутса, кес да къач.
- Къуру гыбыт бек дыгъырдар.
- Итли къонакъ джарашмаз.
- Къарт бла баш аша, джаш бла аякъ аша.
- Терек ауса, отунчу – кёб.
- Къатын къылыкъсыз, эр тынчлыкъсыз.
Профиль
|
|
|
|||