- Хантына кёре тузу, юйюне кёре къызы.
- Джашлыкъ этмеген, башлыкъ этмез.
- Юй кюйдю да, кюйюз чыкъды, ортасындан тюйюш чыкъды.
- Ётюрюкден тюбю джокъ, кёлтюрюрге джиби джокъ.
- Къобан да къуру да къобханлай турмайды, адам да къуру да патчахлай турмайды.
- Эркишиге тары кебек танг кёрюнюр.
- Джолунга кёре – джюрюшюнг, джагъанга кёре – юлюшюнг.
- Аджаллыгъа окъсуз шкок атылыр.
- Къонакъ кёб келюучю юйню, къазаны отдан тюшмез.
- Ишлегенден, къарагъан уста.
- Къулакъдан эсе, кёзге ышан.
- Телиге акъыл салгъандан эсе, ёлгеннге джан салырса.
- Сабий болмагъан джерде, мёлек болмаз.
- Айтылгъан сёз ызына къайтмаз.
- Джюрек кёзден алгъа кёрюр.
- Сёз – кюмюш, джыр – алтын.
- Ачлыкъ отха секиртир.
- Халкъны джырын джырласанг, халкъ санга эжиу этер.
- Башда акъыл болмаса, эки аякъгъа кюч джетер.
- Ат да турмайды бир териде.
- Бал чибинни ургъаны – ачы, балы – татлы.
- Сютден ауузу кюйген, суугъа юфгюре эди.
- Этни да ашады, бетни да ашады.
- Ауругъанны сау билмез, ач къарынны токъ билмез.
- Ач къарынны, токъ билмез
- Таугъа чыгъаллыкъ эсенг, тюзде къалма.
- Джол бла сёзню къыйыры джокъ.
- Байны оноуу, джарлыгъа джарамаз.
- Къралынгы – душмандан, башынгы от бла суудан сакъла.
- Тилде сюек болмаса да, сюек сындырыр.
- Аш берме да, къаш бер.
- Тас болгъан бычакъны сабы – алтын.
- Аджашханны ызындагъы кёреди, джангылгъанны джанындагъы биледи.
- Кёлсюзден сёзсюз тууар.
- Ётюрюк хапар аякъ тюбю бла джюрюйдю.
- Кёб ант этген, кёб ётюрюк айтыр.
- Ойнай билмеген, уруб къачар.
- Иши джокъну, сыйы джокъ.
- Къалгъан ишге къар джауар.
- Кийимни бир кюнню аясанг, минг кюннге джарар.
- Бичгенде ашыкъма, тикгенде ашыкъ.
- Таукелге нюр джауар.
- Дуния аламаты сен эсенг да, игиме деб айтма.
- Акъыл къартда, джашда тюйюлдю – башдады.
- Билим – акъылны чырагъы.
- Адебни адебсизден юрен.
- Дууулдаса – бал чибин, къонса – къара чибин.
- Аманны къуугъан, аманлыкъ табар.
- Зар адамны насыбы болмаз.
- Аджал соруб келмез, келсе, къайтыб кетмез.
Фото нескольких военнопленных, призванных военкоматами бывшей Черкесской области.
Читают тему (гостей: 1)