- Билим – акъылны чырагъы.
- Ёксюзню тилеги къабыл болур.
- Уллу суу бла уллу ауруудан башынгы сакъла.
- Айтылгъан буйрукъ, сёгюлмез
- От этилмеген джерден тютюн чыкъмайды.
- Аджал соруб келмез, келсе, къайтыб кетмез.
- Кёзню ачылгъаны – иги, ауузну джабылгъаны – иги.
- Байлыкъ болгъан джерде, тынчлыкъ джокъду.
- Алгъанда – джууукъ, бергенде – джау.
- Айраннга суу къош, телиге джол бош.
- Джашда акъыл джокъ, къартда къарыу джокъ.
- Юре билмеген ит, къонакъ келтирир.
- Билмегенинги, билгеннге сор.
- Телини эшигин, махтау джабар.
- Билимсиз иш бармаз.
- Сыфатында болмагъаны, суратында болмаз.
- Этим кетсе да, сюегим къалыр.
- Иги сёз – джаннга азыкъ, аман сёз башха – къазыкъ.
- Нарт сёз – тилни бети.
- Байлыкъ адамны сокъур этер.
- Билмезни кёзю кёрмез, этмезни къулагъы эшитмез.
- Адамгъа аман кюн соруб келмейди.
- Айран тёгюлсе, джугъусу къалыр.
- Уллу атлама – абынырса, уллу къабма – къарылырса.
- Чомартны къолу берекет.
- Эм ашхы къайын ана мамукъ бла башынгы тешер.
- Ургъан суудан башынгы сакъла.
- Адеб базарда сатылмаз.
- Битмегеннге сакъал – танг.
- Айран ичген – къутулду, джугъусун джалагъан – тутулду.
- Тил – миллетни джаны.
- Джаз бир кюнню джатсанг, къыш талай кюнню абынырса.
- Аууз сакълагъан – джан сакълар.
- Эки итни арасына сюек атма, эки адамны арасында сёз чыгъарма.
- Къолунгдан къуймакъ ашатсанг да, атаны борчундан къутулмазса.
- Эм уллу байлыкъ – джан саулукъ.
- Кёб къычыргъандан – къоркъма, тынч олтургъандан – къоркъ.
- Акъыллы – эл иеси, тели – эл баласы.
- Къатын къылыкъсыз, эр тынчлыкъсыз.
- Хунаны тюбюн къазсанг, юсюнге ауар.
- Азыгъы аз, алгъа къабар, аты аман, алгъа чабар.
- Суу кетер, таш къалыр.
- Мухардан ач ычхынмаз.
- Дуния малгъа сатылма, кесингден телиге къатылма.
- Термилгенинги табмазса, кюлгенинге тюберсе.
- Ёзденликни кёбю ётюрюк.
- Таугъа чыгъаллыкъ эсенг, тюзде къалма.
- Бал – татлы, балдан да бала – татлы.
- Джолунга кёре – джюрюшюнг, джагъанга кёре – юлюшюнг.
- Сёз къанатсыз учар.
Из опыта Отечественной войны в борьбе за Кавказ.( Из Интернета)
Читают тему (гостей: 1)