- Биреуге аманлыкъ этиб, кесинге игилик табмазса.
- Тыш элде солтан болгъандан эсе, кесинги элде олтан болгъан игиди!
- Халкъны джырын джырласанг, халкъ санга эжиу этер.
- Ашын ашагъанынгы, башын да сыйла.
- Ашатыргъа иш – ашхы, ишлетирге аш – ашхы.
- Бетинги сатма, малынгы сат.
- Окъугъанны бети джарыкъ.
- Юй кюйдю да, кюйюз чыкъды, ортасындан тюйюш чыкъды.
- Намыс сатылыб алынмайды.
- Битмегеннге сакъал – танг.
- Эринчекни эр алмаз, эр алса да, кёл салмаз, кёл салса да, кёб бармаз!
- Акъыл сабырлыкъ берир.
- Сакъалы текени да бар, мыйыгъы киштикни да бар.
- Ойнай билмеген, оюн бузар.
- Эр сокъур болсун, къатын тилсиз болсун.
- Къартны сыйын кёрмеген, къартлыгъында сыйлы болмаз.
- Аллахха ийнаннган кишини, Аллах онгдурур ишин.
- Тешик этген тынчды, аны джамагъан къыйынды.
- Къулакъдан эсе, кёзге ышан.
- Джаш къарыу бла кючлю, къарт акъыл бла кючлю.
- Хазыр ашха – терен къашыкъ.
- Джашда акъыл джокъ, къартда къарыу джокъ.
- Аз айтсам, кёб ангылагъыз.
- Къарны аманнга къазан такъдырма, къолу аманнга от джакъдырма.
- Келинин тута билмеген, къул этер, къызын тута билмеген, тул этер.
- Чомарт къонакъ юй иесин сыйлар.
- Къуру гыбыт бек дыгъырдар.
- Башы ишлегенни, ауузу да ишлер.
- Ариу джол аджал келтирмез.
- Аджал соруб келмез, келсе, къайтыб кетмез.
- Адамны сабийин сюйген джюреги, бычакъча, джитиди.
- Адам къаллай бир ишленмесе, аллай бир кесин уллу кёреди.
- Тюкюрюк баш джармаз, налат кёз чыгъармаз!
- Магъанасыз сёз – тауушсуз сыбызгъы.
- Къонакъ аз олтурур, кёб сынар.
- Эски джаугъа ышанма.
- Адамны адамлыгъы къыйынлыкъда айгъакъланады.
- Бир абыннган – минг сюрюнюр.
- Абынмазлыкъ аякъ джокъ, джангылмазлыкъ джаякъ джокъ.
- Джарлы тюеге минсе да, ит къабар.
- Окъдан джара эртде-кеч болса да бителир, сёз джара, ёмюрге къалыр.
- Эринчекге кюн узун.
- Юй ишлеген балта эшикде къалыр.
- Ойнаб айтсанг да, эслеб айт.
- Кёкдеги болмаса, джердегин кёрмейди.
- Алтыда кюлмеген, алтмышда кюлмез.
- Накъырданы арты керти болур.
- Артына баргъанны, къатына барма.
- Джашлыкъ этмеген, башлыкъ этмез.
- Эртде тургъан бла эртде юйленнген сокъуранмаз.
Карачаевки-фронтовички
Читают тему (гостей: 1)