Башы джабылгъан челекге, кир тюшмез.
Бал – татлы, балдан да бала – татлы.
Чомарт джарлы болмаз.
Джылар джаш, атасыны сакъалы бла ойнар.
Тёрени джагъы джокъ.
Биреуге аманлыкъны тилеме да, кесинге ашхылыкъны тиле.
Джаш болсун, къыз болсун, акъылы, саны тюз болсун.
Ариу – кёзге, акъыл – джюрекге.
Борчунг бар эсе, хурджунунга ойлаб узал.
Итли къонакъ джарашмаз.
От кюйдюрген, сау болса да, тот кюйдюрген, сау болмаз.
Ариу сёз – джаннга азыкъ, аман сёз – башха къазыкъ.
Кёб джат да, бек чаб.
Миллетни бойну – базыкъ, аны бла кюрешген – джазыкъ.
Сибиртки да сыйлы болду, кюрек да кюнлю болду.
Эл ауузу – элия.
Ашыкъгъанны этеги бутуна чырмалыр.
Ачыу алгъа келсе, акъыл артха къалады.
Сакъалы текени да бар, мыйыгъы киштикни да бар.
Ёлмесенг да, къарт дамы болмазса?
Джеринден айырылгъан – джети джылар, джуртундан айырылгъан – ёлгюнчю джылар.
Гырджын – тепсини тамадасы.
Дуния малгъа сатылма, кесингден телиге къатылма.
Адамны адамлыгъы къыйынлыкъда айгъакъланады.
Эллинг бла джау болсанг да, юйюнг бла джау болма.
Ач да бол, токъ да бол – намысынга бек бол.
Кёбню кёрген – кёб билир.
Акъыллы эркиши атын махтар, акъылсыз эркиши къатынын махтар.
Ётюрюкчюню шагъаты – къатында.
Ата Джуртча джер болмаз, туугъан элча эл болмаз.
Ётюрюкден тюбю джокъ, кёлтюрюрге джиби джокъ.
Гыдай эчки суугъа къараб, мюйюзле кёрмесе, джашма алкъын, дегенди.
Чакъырылгъанны аты, чакъырылмагъанны багъасы болур.
Ач – эснер, ат – кишнер.
Байны оноуу, джарлыгъа джарамаз.
Тёгюлген тюгел джыйылмайды.
Тилчиден кери бол.
Ашыкъгъан cуу, тенгизге джетмез.
Тилчи бир сагъатха айлыкъ хата этер.
Элге къуллукъ этмеген, элге ие болмаз.
Къонакъны къачан кетерин сорма, къачан келлигин сор.
Сёз къанатсыз учар.
Байдан умут эте, джарлыдан ёгюз багъасы къорады.
Ашхы сёз таш тешер.
Окъ къызбайны джокълайды.
Биреуню къыйынлыгъы бла кесинге джол ишлеме.
Къарт болгъан джерде, берекет болур, сабий болгъан джерде, оюн болур.
Джыланны къуйругъундан басарынг келсе, аны башы болгъанын унутма.
Ачылгъан эт джабылыр, кёрген кёз унутмаз.
Ариу сёз джыланны орнундан чыгъарыр.
