- Байлыкъдан саулукъ ашхыды.
- Юй кюйдю да, кюйюз чыкъды, ортасындан тюйюш чыкъды.
- Къозулугъунда тоймагъан, къойлугъунда тоймаз.
- Аллахдан тилесенг, кёб тиле.
- Ашаса, ашамаса да, бёрюню ауузу – къан.
- Атадан ёксюз – бир ёксюз, анадан ёксюз – эки ёксюз.
- Аман адам элни бир-бирине джау этер.
- Харам къарнашдан, халал тенг ашхы.
- Эр абынмай, эл танымаз.
- Тил бла келеди джыр да.
- Къан бла кирген, джан бла чыгъар.
- Иги сёз – джаннга азыкъ, аман сёз башха – къазыкъ.
- Айран ичген – къутулду, джугъусун джалагъан – тутулду.
- Уллу атлама – абынырса, уллу къабма – къарылырса.
- Аманны къуугъан, аманлыкъ табар.
- Аш берме да, къаш бер.
- Накъырда – кертини келечиси.
- Къонакъ аз олтурур, кёб сынар.
- Булут кёкге джарашыу, уят бетге джарашыу.
- Иесиз малны бёрю ашар.
- Билмейме деген – бир сёз
- Къонагъы джокъну – шоху джокъ.
- Аман хансны – урлугъу кёб.
- Телини эшигин, махтау джабар.
- Ёзденликни кёбю ётюрюк.
- Чакъырылгъанны аты, чакъырылмагъанны багъасы болур.
- Эр сокъур болсун, къатын тилсиз болсун.
- Терек ауса, отунчу – кёб.
- Къайгъы тюбю – тенгиз.
- Кёлю джокъну – джолу джокъ.
- Орундукъ тюбюнде атылсам да, орта джиликме, де да айлан.
- Билмегенинги, билгеннге сор.
- Окъдан джара эртде-кеч болса да бителир, сёз джара, ёмюрге къалыр.
- Ата – баланы уясы.
- Ким бла джюрюсенг, аны кёзю бла кёрюнюрсе.
- Ашхы атаны – джашы ашхы, ашхы ананы – къызы ашхы.
- Биреуге кёлтюрген таягъынг, кесинги башынга урур.
- Чабакъгъа акъыл, табагъа тюшсе келеди.
- Ышармагъан – кюлмез, кюлмеген – къууанчны билмез.
- Ачыу алгъа келсе, акъыл артха къалады.
- Сёз сёзню айтдырыр.
- Къартха ушагъан джаш – акъыллы, джашха ушагъан къарт – тели.
- Джан саулукъ бермей, сан саулукъ бермезсе.
- От кюйдюрген, сау болса да, тот кюйдюрген, сау болмаз.
- Иги бла джюрюсенг, джетерсе муратынга, аман бла джюрюсенг, къалырса уятха.
- Адам къаллай бир ишленмесе, аллай бир кесин уллу кёреди.
- Башсыз урчукъ тюзюне айланмаз.
- Кимни – тили, тиши онглу, кимни – къолу, иши онглу.
- Чыбыкълыкъда бюгюлмеген, къазыкълыкъда бюгюлмей эди.
- Бал – татлы, балдан да бала – татлы.
Русско-карачаево-балкарско-англо-латинский медицинский сл-рь
|
На имеется указатель карачаево-балкарских медицинских терминов
|
|
|
|
|
Читают тему (гостей: 1)