- Ёпкелегенни ашы татлы болады.
- Ишге юренсин къоллары, халкъ бла болсун джоллары.
- Къозулугъунда тоймагъан, къойлугъунда тоймаз.
- Ойнаб айтсанг да, эслеб айт.
- Акъылсызны джууукъгъа алма, акъыллыны кенгнге салма.
- Сёлеш деб шай берген, тохта деб, сом берген.
- Тёрени джагъы джокъ.
- Ашарыкъда сайлагъаннга – чий гырджын.
- Татлы сёз – балдан татлы.
- Аш берме да, къаш бер.
- Джауумдан сора, кюн кюйдюрюр, ётюрюкден сора, айыб кюйдюрюр.
- Тилде сюек болмаса да, сюек сындырыр.
- Биреуге аманлыкъ этиб, кесинге игилик табмазса.
- Ач, тоймам, дейди, тойгъан, ач болмам, дейди.
- Намысы джокъну – дуниясы джокъ.
- Чоюнну башы ачыкъ болса, итге уят керекди.
- Къумурсхала джыйылсала, пилни да джыгъадыла.
- Эл ауузу – элек, анга ийнаннган – халек.
- Хансыз джомакъ болмаз.
- Биреуге аманлыкъны тилеме да, кесинге ашхылыкъны тиле.
- Байлыкъ тауусулур, билим тауусулмаз.
- Эл бла кёргенинг эрелей.
- Ариу сёзде ауруу джокъ.
- Джыланны къуйругъундан басарынг келсе, аны башы болгъанын унутма.
- Кийиминг бла танылма, адамлыкъ бла таныл.
- Айтханы чапыракъдан ётмеген.
- Уясында не кёрсе, учханында аны этер.
- Ёксюзню къалачы уллу кёрюнюр.
- Аман къатын сабий табса, бий болур…
- Экеу тутушса, биреу джыгъылыр.
- Кюл тюбюндеги от кёрюнмейди.
- Бермеген къол, алмайды.
- Эки ойлашыб, бир сёлешген.
- Аджалсыз ёлюм болмаз.
- Кенгеш болса, уруш болмаз.
- Биреуню эскиси биреуге джангы болмайды.
- Байлыкъ болгъан джерде, тынчлыкъ джокъду.
- Сёз сёзню айтдырыр.
- Ётюрюкню къуйругъу – бир тутум.
- Халкъгъа джарагъан, джарлы къалмаз.
- Онгсузну – джакъла, тенгликни – сакъла.
- Ашда – бёрю, ишде – ёлю.
- Атадан ёксюз – бир ёксюз, анадан ёксюз – эки ёксюз.
- Тыш элде солтан болгъандан эсе, кесинги элде олтан болгъан игиди!
- Ашын ашагъанынгы, башын да сыйла.
- Ач къарным, тынч къулагъым.
- Минг тенг да азды, бир джау да кёбдю.
- Тюзню ётмеги тюзде къалса да, тас болмаз.
- Адам сёзге тынгыла, акъыл сёзню ангыла.
- Мал кёб болса, джууукъ кёб болур.
Русско-карачаево-балкарско-англо-латинский медицинский сл-рь
25.11.2005 23:43:39
НА этот словарь есть ссылка
|
|
|
|
26.11.2005 00:30:31
На
|
|
|
|
Читают тему (гостей: 1)