- Зарда марда джокъ.
- Магъанасыз сёз – тауушсуз сыбызгъы.
- Айырылмаз джууугъунга, унутмаз сёзню айтма.
- Кесине оноу эте билмеген, халкъына да эте билмез.
- Гитче джилтин уллу элни джандырыр.
- Джюрекге ариу – кёзге да ариу.
- Иги бла джюрюсенг, джетерсе муратынга, аман бла джюрюсенг, къалырса уятха.
- Онгсузну – джакъла, тенгликни – сакъла.
- Адам сёзюнден белгили.
- Биреуню эскиси биреуге джангы болмайды.
- Тойгъа барсанг, тоюб бар, эски тонунгу къоюб бар.
- Джылыгъа джылан илешир.
- Минг тенг да азды, бир джау да кёбдю.
- Ишленмеклик адамлыкъды.
- Миллетни бойну – базыкъ, аны бла кюрешген – джазыкъ.
- Ач – эснер, ат – кишнер.
- Кёзю сокъурдан – къоркъма, кёлю сокъурдан – къоркъ.
- Билим ат болуб да чабар, къуш болуб да учар.
- Таукелге нюр джауар.
- Узун джолну барсанг, бюгюн келирсе, къысха джолну барсанг, тамбла келирсе.
- Ариу сёз джыланны орнундан чыгъарыр.
- Бёрю да ач къалмасын, эчки да ашалмасын.
- Татлы тилде – сёз ариу, чемер къолда – иш ариу.
- Халкъгъа джарагъан, джарлы къалмаз.
- Кенгеш болса, уруш болмаз.
- Ашда – бёрю, ишде – ёлю.
- Мураты болгъанны джюрек тебюую башхады.
- Ишлерге уял да, ашаргъа табма.
- Бал ашаргъа сюе эсенг, чибин ургъаннга тёз.
- Къарнынг бла ёч алма.
- Эркишини аманы тиширыуну джылатыр.
- Чабакъсыз кёлге къармакъ салгъанлыкъгъа, чабакъ тутмазса.
- Джуртун къоругъан озар.
- Терек ауса, отунчу – кёб.
- Иги адамны бир сёзю эки болмаз.
- Ышармагъан – кюлмез, кюлмеген – къууанчны билмез.
- Билгенни къолу къарны джандырыр.
- Джырына кёре эжиую.
- Дуния аламаты сен эсенг да, игиме деб айтма.
- Ариу сёз – къылычдан джити.
- Адамны сыфатына къарама, сёзюне къара.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Таукел адам тау тешер.
- Адебни адебсизден юрен.
- Ишге юренсин къоллары, халкъ бла болсун джоллары.
- Биреуге аманлыкъны тилеме да, кесинге ашхылыкъны тиле.
- Этим кетсе да, сюегим къалыр.
- Нарт сёз къарт болмаз.
- Агъач – джерни чырайы, кийим – эрни чырайы.
- Ашхы адам – халкъ байлыгъы, ашхы джер – джашау байлыгъы.
БУДУЩЕЕ ПЛАНЕТЫ ЗА МУСУЛЬМАНАМИ?
Читают тему (гостей: 1)