- Аурууну келиую тынч, кетиую – къыйын.
- Джюз элде джюз ёгюзюм болгъандан эсе, джюз джууугъум болсун.
- Тынгылагъан тынгы бузар.
- Ёксюзню къалачы уллу кёрюнюр.
- Кесинг сынамагъан затны, адамгъа буюрма.
- Къобан да къуру да къобханлай турмайды, адам да къуру да патчахлай турмайды.
- Тойгъанлыкъ къойгъа джарашады.
- Игиге айтсанг – билир, аманнга айтсанг – кюлюр.
- Сабыр джетер муратха, сабырсыз къалыр уятха.
- Булут кёкге джарашыу, уят бетге джарашыу.
- Чабакъ башындан чирийди.
- Эл ауузу – элек, анга ийнаннган – халек.
- Aдам боллукъ, сыфатындан белгили.
- Къонакъ болсанг, ийнакъ бол.
- Агъач – джерни чырайы, кийим – эрни чырайы.
- Ётген ёмюр – акъгъан суу.
- Билим къая тешер.
- Аякъларынгы джууургъанынга кёре узат.
- Башда акъыл болмаса, эки аякъгъа кюч джетер.
- Онгсузну – джакъла, тенгликни – сакъла.
- Къумурсхала джыйылсала, пилни да джыгъадыла.
- Танг атмайма десе да, кюн къоярыкъ тюйюлдю.
- Къайгъыны сюйген, къайгъы табар.
- Нафысынгы айтханын этме, намысынгы айтханын эт.
- Чомартны къолу берекет.
- Тилчи тилден къаныкъмаз.
- Аман эсирсе, юйюн ояр.
- Накъырда – кертини келечиси.
- Адамны артындан къара сабан сюрме.
- Ана къолу ачытмаз.
- Эринчекге кюн узун.
- Тик ёргени, тик энгишгеси да болады.
- Кёл ашады да, кеси ашады.
- Юре билмеген ит, къонакъ келтирир.
- Ата джурт – алтын бешик.
- Ишни ахырын ойламай, аллын башлама.
- Байлыкъ тауусулур, билим тауусулмаз.
- Рысхы джалгъанды: келген да этер, кетген да этер.
- Игини сыйлагъан адетди.
- Эшекге миннген – биринчи айыб, андан джыгъылгъан – экинчи айыб.
- Хоншуну тауугъу къаз кёрюнюр, келини къыз кёрюнюр.
- Эри аманны, къатыны – аман.
- Туз, гырджын аша, тюзлюк бла джаша.
- Аш берме да, къаш бер.
- Джыланны къуйругъундан басарынг келсе, аны башы болгъанын унутма.
- Бал – татлы, балдан да бала – татлы.
- Ашыкъгъанны этеги бутуна чырмалыр.
- Чомарт бергенин айтмаз.
- Ариу джол аджал келтирмез.
- Юйлю уругъа ит чабмаз.
БУДУЩЕЕ ПЛАНЕТЫ ЗА МУСУЛЬМАНАМИ?
Читают тему (гостей: 1)