- Билмезни кёзю кёрмез, этмезни къулагъы эшитмез.
- Тамырсыз терекге таянма – джыгъылырса.
- Чабар ат – джетген къыз.
- Джахил болса анасы, не билликди баласы?
- Аман хансны – урлугъу кёб.
- Кютгени беш эчки, сызгъыргъаны уа, джерни джарады.
- Айтылгъан сёз ызына къайтмаз.
- Ашда – бёрю, ишде – ёлю.
- Нафысынгы айтханын этме, намысынгы айтханын эт.
- Къазанчы аман болса, къазаны къайнамаз.
- Кесинг сынамагъан затны, адамгъа буюрма.
- Ашыкъгъан cуу, тенгизге джетмез.
- Адамны бетине къарама, адетине къара.
- Байлыкъ адамны сокъур этер.
- Байдан умут эте, джарлыдан ёгюз багъасы къорады.
- Сангырау къулакъ эл бузар.
- Аджаллыгъа окъсуз шкок атылыр.
- Байлыкъ болгъан джерде, тынчлыкъ джокъду.
- Байлыкъдан саулукъ ашхыды.
- Джауумдан сора, кюн кюйдюрюр, ётюрюкден сора, айыб кюйдюрюр.
- Намыс сатылыб алынмайды.
- Сёз къанатсыз учар.
- Акъдан къара болмаз.
- Ойнаб айтсанг да, эслеб айт.
- Къар – келтирди, суу – элтди.
- Босагъагъа джууукъ орун болса, ашыгъыб тёрге озма.
- Кирсизни – саны таза, халалны – къаны таза.
- Къонакъ аз олтурур, кёб сынар.
- Биреу къой излей, биреу той излей.
- Иги болса, тамадама – махтау, аман болса, меннге – айыб.
- Тюз сёз баргъан сууну тыяр.
- Адамны адамлыгъы къыйынлыкъда айгъакъланады.
- Ишлегенден, къарагъан уста.
- Артына баргъанны, къатына барма.
- Алим болгъандан эсе, адам болгъан къыйынды.
- Сёлеш деб шай берген, тохта деб, сом берген.
- Ашаса, ашамаса да, бёрюню ауузу – къан.
- Къумурсхала джыйылсала, пилни да джыгъадыла.
- Ач уят къоймаз.
- Баланы адам этген анады.
- Эки къатын алгъанны къулагъы тынгнгаймаз.
- Юйюнгден чыкъдынг – кюнюнгден чыкъдынг.
- Юй ишлеген балта эшикде къалыр.
- Ата – билек, ана – джюрек!
- Шекер бла туз – бир болмаз, ушамагъан – юй болмаз.
- Мадар болса, къадар болур.
- Бети къызарыучу адамны, джюреги харам болмаз.
- Билмейме деген – бир сёз
- Намыс болмагъан джерде, насыб болмаз.
- Тойгъанлыкъ къойгъа джарашады.
БУДУЩЕЕ ПЛАНЕТЫ ЗА МУСУЛЬМАНАМИ?
Читают тему (гостей: 1)