- Босагъа таш юйге кирмей эди, тыбыр таш эшикге чыкъмай эди.
- Ёлюр джаннга, ёкюл джокъ.
- Акъыл бла адеб эгизледиле.
- Тюзлюк тас болмайды.
- Къарны аманнга къазан такъдырма, къолу аманнга от джакъдырма.
- Биреуге кёлтюрген таягъынг, кесинги башынга урур.
- Азыгъы аз, алгъа къабар, аты аман, алгъа чабар.
- Ышармагъан – кюлмез, кюлмеген – къууанчны билмез.
- Къарнынг къанлынга кийирир.
- Аякъларынгы джууургъанынга кёре узат.
- Адамны сабийин сюйген джюреги, бычакъча, джитиди.
- От этилмеген джерден тютюн чыкъмайды.
- Орну джокъну – сыйы джокъ.
- Элни кючю – эмеген.
- Ёксюзню къалачы уллу кёрюнюр.
- Уллу айтханны этмеген – уллаймаз.
- Тойгъа барсанг, тоюб бар, эски тонунгу къоюб бар.
- Аджалсыз ёлюм болмаз.
- Къонакъны къачан кетерин сорма, къачан келлигин сор.
- Таш ата билмеген, башына урур.
- Биреуге аманлыкъны тилеме да, кесинге ашхылыкъны тиле.
- Уллу суу бла уллу ауруудан башынгы сакъла.
- Джырчы джырчыгъа – къарнаш.
- Сыфатында болмагъаны, суратында болмаз.
- Ат да турмайды бир териде.
- Чакъырылмагъан джерге барма, чакъырылгъан джерден къалма.
- Къатын байлыкъны сюер, эр саулукъну сюер.
- Бети бедерден, намыс сакълама.
- Адеб этмеген, адеб кёрмез.
- Ётюрюкчюню шагъаты – къатында.
- Джеринден айырылгъан – джети джылар, джуртундан айырылгъан – ёлгюнчю джылар.
- Суу да къайтады чыкъгъан джерине.
- Джукъу тёшек сайламайды.
- Этни бети бла шорпасы.
- Башы ишлегенни, ауузу да ишлер.
- Таякъ этден ётер, тил сюекден ётер.
- Эркишиге тары кебек танг кёрюнюр.
- Нарт сёз – тилни бети.
- Элге къуллукъ этмеген, элге ие болмаз.
- Къызын тута билмеген, тул этер, джашын тута билмеген, къул этер.
- Къарт айтханны этмеген, къартаймаз.
- Къартха ушагъан джаш – акъыллы, джашха ушагъан къарт – тели.
- Джаш къарыу бла кючлю, къарт акъыл бла кючлю.
- Зар адамны насыбы болмаз.
- Аман адамны тепсинге олтуртсанг, къызынгы тилер.
- Джауумдан сора, кюн кюйдюрюр, ётюрюкден сора, айыб кюйдюрюр.
- Ханы къызы буюгъа-буюгъа киштик болду.
- Суу ичген шауданынга тюкюрме.
- Хар ишни да аллы къыйынды.
- Ата Джуртун танымагъан, атасын да танымаз.
БУДУЩЕЕ ПЛАНЕТЫ ЗА МУСУЛЬМАНАМИ?
Читают тему (гостей: 1)