- Уллу суу бла уллу ауруудан башынгы сакъла.
- Ишлегенде эринме, ишде чолакъ кёрюнме.
- Тешик этген тынчды, аны джамагъан къыйынды.
- Мени джылытмагъан кюн, меннге тиймесин!
- Ашыкъгъанны этеги бутуна чырмалыр.
- Телиге акъыл салгъандан эсе, ёлгеннге джан салырса.
- Джолда аягъынга сакъ бол, ушакъда тилинге сакъ бол.
- Чакъырылгъанны аты, чакъырылмагъанны багъасы болур.
- Къонакъны къачан кетерин сорма, къачан келлигин сор.
- Акъыл сабырлыкъ берир.
- Кесине оноу эте билмеген, халкъына да эте билмез.
- Биреуню къыйынлыгъы бла кесинге джол ишлеме.
- Уллу сёлешме да, уллу къаб.
- Аманны тукъумуна къарама, игини тукъумун сорма.
- Кимни – тили, тиши онглу, кимни – къолу, иши онглу.
- Эринчекге кюн узун.
- Ана къолу ачытмаз.
- Джаш болсун, къыз болсун, акъылы, саны тюз болсун.
- Таш ата билмеген, башына урур.
- Къонакъ кёб келюучю юйню, къазаны отдан тюшмез.
- Айраннга суу къош, телиге джол бош.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Эки къатын алгъанны къулагъы тынгнгаймаз.
- Малны кют, джерни тюрт.
- Алма терегинден кери кетмез.
- Бал – татлы, балдан да бала – татлы.
- Адам туугъан джеринде, ит тойгъан джеринде.
- Аман къатын алгъан, арыр, иги къатын алгъан джарыр.
- Ата – баланы уясы.
- Ханнга да келеди хариблик.
- Биреуню эскиси биреуге джангы болмайды.
- Билгенни къолу къарны джандырыр.
- Чёбню кёлтюрсенг, тюбюнден сёз чыгъар.
- Аурууну келиую тынч, кетиую – къыйын.
- Тилчи бир сагъатха айлыкъ хата этер.
- Ата Джуртун танымагъан, атасын да танымаз.
- Джырчы ёлсе, джыры къалыр.
- Халкъны джырын джырласанг, халкъ санга эжиу этер.
- Суу да къайтады чыкъгъан джерине.
- Адебсиз адам – джюгенсиз ат.
- Таула не мийик болсала да, аууш табылыр.
- Чакъырылмагъан къонакъ тёрге атламаз.
- Къар – келтирди, суу – элтди.
- Адеб базарда сатылмаз.
- Мен да «сен», дейме, сен да «кесим», дейсе.
- Игиге айтсанг – билир, аманнга айтсанг – кюлюр.
- Иги бла джюрюсенг, джетерсе муратынга, аман бла джюрюсенг, къалырса уятха.
- Баргъанынга кёре болур келгенинг.
- Адам сёзюнден белгили.
- Тёгюлген тюгел джыйылмайды.
БУДУЩЕЕ ПЛАНЕТЫ ЗА МУСУЛЬМАНАМИ?
Читают тему (гостей: 1)