- Къонакъ аман болса, къонакъбай джунчур
- Джигер – джаннга къыйынлыкъ.
- Джарлы эскисин джамаса, къууаныр.
- Суугъа – чабакъ, къаягъа – ыргъакъ.
- Орну джокъну – сыйы джокъ.
- Уллу къазанда бишген эт, чий къалмаз.
- Джауумдан сора, кюн кюйдюрюр, ётюрюкден сора, айыб кюйдюрюр.
- Узун джолну барсанг, бюгюн келирсе, къысха джолну барсанг, тамбла келирсе.
- Хар ишни да аллы къыйынды.
- Къонакъ кёб келюучю юйню, къазаны отдан тюшмез.
- Огъурлуну сёзю – суу, огъурсузну сёзю – уу.
- Къарт айтханны этмеген, къартаймаз.
- Айтханы чапыракъдан ётмеген.
- Ариуну – ауруу кёб.
- Ана къолу ачытмаз.
- Аууздан келген, къолдан келсе, ким да патчах болур эди.
- Чабакъ башындан чирийди.
- Къазанда болса, чолпугъа чыгъар.
- Джашлыкъ этмеген, башлыкъ этмез.
- Джолда аягъынга сакъ бол, ушакъда тилинге сакъ бол.
- Ач бёрюге мекям джокъ.
- Тамчы таш тешер.
- Терслик кетер, тюзлюк джетер.
- Ашаса, ашамаса да, бёрюню ауузу – къан.
- Сёз сёзню айтдырыр.
- Сормай – алма, чакъырылмай – барма.
- Айран тёгюлсе, джугъусу къалыр.
- Акъыл аздырмаз, билим тоздурмаз.
- Къаллай салам берсенг, аллай джууаб алырса.
- Джогъун бар этген, барын бал этген.
- Ойнаб айтсанг да, эслеб айт.
- Къонагъы джокъну – шоху джокъ.
- Зарда марда джокъ.
- Тёрдеги кюлсе, эшикдеги ышарыр.
- Байны къызы баймакъ болса да, юйде къалмаз!
- Байма, деб да, къууанма, джарлыма, деб да, джылама.
- Ат да турмайды бир териде.
- Баланы адам этген анады.
- Билгенни къолу къарны джандырыр.
- Къонакъ аз олтурур, кёб сынар.
- Тюз сёз баргъан сууну тыяр.
- Джангыз торгъай джырламаз.
- Эл элде бирер малынг болгъандан эсе, бирер тенгинг болсун.
- Къыйынлы джети элни къайгъысын этер.
- Эринчекни эр алмаз, эр алса да, кёл салмаз, кёл салса да, кёб бармаз!
- Ариу сёзде ауруу джокъ.
- Эртде тургъан бла эртде юйленнген сокъуранмаз.
- Байлыкъдан саулукъ ашхыды.
- Нарт сёз къарт болмаз.
- Къарны аманнга къазан такъдырма, къолу аманнга от джакъдырма.
БУДУЩЕЕ ПЛАНЕТЫ ЗА МУСУЛЬМАНАМИ?
Читают тему (гостей: 1)