- Алтыда кюлмеген, алтмышда кюлмез.
- Халкъгъа джарагъан, джарлы къалмаз.
- Эки элинги тыйсанг, джети элде махталырса.
- Билимли ёлмез, билимсиз кёрмез.
- От кюйдюрген, сау болса да, тот кюйдюрген, сау болмаз.
- Къартны бурнун сюрт да, оноугъа тут.
- Джумушакъ терекни къурт ашар.
- Окъугъанны бети джарыкъ.
- Ётген ёмюр – акъгъан суу.
- Къууут – джелге, берне – бошха.
- Тилчиден кери бол.
- Иги болса, тамадама – махтау, аман болса, меннге – айыб.
- Илму – джашауну джолу.
- Нарт сёз – тилни бети.
- Чалманны аллы къалай башланса, арты да алай барады.
- Бетинги сатма, малынгы сат.
- Адамны сабийин сюйген джюреги, бычакъча, джитиди.
- Келлик заман – къартлыкъ келтирир, кетген заман – джашлыкъ ёлтюрюр.
- Этек чакъмакълары баш джаргъан, сёлешген сёзлери таш джаргъан.
- Кёлсюзден сёзсюз тууар.
- Магъанасыз сёз – тауушсуз сыбызгъы.
- Къонакъ кёб келюучю юйню, къазаны отдан тюшмез.
- Накъырданы арты керти болур.
- Байны оноуу, джарлыгъа джарамаз.
- Кёбню кёрген – кёб билир.
- Иги сеники эсе да, сюйген кесимикин этеме.
- Келинни – келгинчи, бёркню кийгинчи кёр.
- Джолда аягъынга сакъ бол, ушакъда тилинге сакъ бол.
- Кечеси – аяз, кюню – къыш, джарлы къаргъагъа бир аш тюш!
- Болджал ишни бёрю ашар.
- Джаралыны джастыгъында сау ёлюр.
- Сабийни джумушха джибер да, ызындан бар.
- Билмейме деген – бир сёз
- Чёбню кёлтюрсенг, тюбюнден сёз чыгъар.
- Кюн кёрмеген, кюн кёрсе, кюндюз чыракъ джандырыр.
- Ашхы тенг джолгъа салыр, аман тенг джолдан тайдырыр.
- Рысхы джалгъанды: келген да этер, кетген да этер.
- Эки ойлашыб, бир сёлешген.
- Тыш элде солтан болгъандан эсе, кесинги элде олтан болгъан игиди!
- Душманны тышы – акъ, ичи – къара.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Сагъыш – къартлыкъгъа сюйюмчю.
- Джуртун къоругъан озар.
- Сыфатында болмагъаны, суратында болмаз.
- Кёлю джокъну – джолу джокъ.
- Айраннга суу къош, телиге джол бош.
- Эр сокъур болсун, къатын тилсиз болсун.
- Аманнга алтын чыдамаз.
- Уллу суу бла уллу ауруудан башынгы сакъла.
- Иги бла джюрюсенг, джетерсе муратынга, аман бла джюрюсенг, къалырса уятха.
Форумчане о литературе.
Читают тему (гостей: 1)