- Сёз сёзню айтдырыр.
- Адеби болмагъан къыз – тузсуз хант.
- Эркиши – от, тиширыу – суу.
- Тойгъан джерге джети къайт.
- Джылкъыдан – ат чыгъар, тукъумдан – джаш чыгъар.
- Аман адам элни бир-бирине джау этер.
- Биреуге аманлыкъ этиб, кесинге игилик табмазса.
- Аман къатын сабий табса, бий болур…
- Къайгъы тюбю – тенгиз.
- Ёмюрлюк шохлукъну джел элтмез.
- Ауругъан – джашаудан умутчу.
- Ишлерге уял да, ашаргъа табма.
- Нафысынгы айтханын этме, намысынгы айтханын эт.
- Асхат ашлыкъ сата, юйдегиси ачдан къата.
- Джети тилни билген джети кишиди.
- Душманны тышы – акъ, ичи – къара.
- Иесиз малны бёрю ашар.
- Айныгъанлы алты кюн, тогъайгъанлы тогъуз кюн.
- Адамны сыфатына къарама, сёзюне къара.
- Борчунг бар эсе, хурджунунга ойлаб узал.
- Ёзденликни кёбю ётюрюк.
- Мураты болгъанны джюрек тебюую башхады.
- Чомартха Тейри да борчлуду.
- Кечеси – аяз, кюню – къыш, джарлы къаргъагъа бир аш тюш!
- Уллу къазанда бишген эт, чий къалмаз.
- Ариу – кёзге, акъыл – джюрекге.
- Зар адам ашынгы ашар, кесинги сатар.
- Ишлемеген – тишлемез.
- Джангызны оту джарыкъ джанмаз!
- Ач къарынны, токъ билмез
- Сабийликде юретмесенг, уллу болса – тюзелмез.
- Аш хазыр болса, иш харам болур.
- Аманны эки битли тону болур, бирин сеннге кийдирир, бирин кеси киер.
- Кёл – къызбай, къол – батыр.
- Суу да къайтады чыкъгъан джерине.
- Ётген ёмюр – акъгъан суу.
- Къумурсхала джыйылсала, пилни да джыгъадыла.
- Абынмазлыкъ аякъ джокъ, джангылмазлыкъ джаякъ джокъ.
- Таш бла ургъанны, аш бла ур.
- Чабакъгъа акъыл, табагъа тюшсе келеди.
- Ата джурт – алтын бешик.
- Къан бла кирген, джан бла чыгъар.
- Ариу сёз – джаннга азыкъ, аман сёз – башха къазыкъ.
- Дуния малгъа сатылма, кесингден телиге къатылма.
- Билими азны – ауузунда кирит.
- Окъугъан озар, окъумагъан тозар.
- Кёл ашады да, кеси ашады.
- Зар адамны насыбы болмаз.
- Къатын байлыкъны сюер, эр саулукъну сюер.
- Орундукъ тюбюнде атылсам да, орта джиликме, де да айлан.
Форумчане о литературе.
Читают тему (гостей: 1)