- Таш бла ургъанны, аш бла ур.
- Аджалсыз ёлюм болмаз.
- Къралынгы – душмандан, башынгы от бла суудан сакъла.
- Къарнынг тойгъунчу аша да, белинг талгъынчы ишле.
- Урама да – ёледи, сатама да – келеди.
- Адамгъа аман кюн соруб келмейди.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Аман адам элни бир-бирине джау этер.
- Эркиши – от, тиширыу – суу.
- Бозаны арты дауур болур.
- Къонакъ болсанг, ийнакъ бол.
- Халкъны юйю – туугъан джери.
- Алгъанда – джууукъ, бергенде – джау.
- Тас болгъан бычакъны сабы – алтын.
- Ач отунчуну ачыуу – бурнунда.
- Адамны сыфатына къарама, сёзюне къара.
- Тил – миллетни джаны.
- Ана кёлю – балада, бала кёлю – талада.
- Ана къойну – балагъа джандет.
- Ауругъан – джашаудан умутчу.
- Адамны аты башхача, акъылы да башхады.
- Эрни эр этерик да, къара джер этерик да, тиширыуду.
- Алтыннга тот къонмаз.
- Къошда джокъгъа – юлюш джокъ.
- Айранны сюйген, ийнек тутар.
- Ёгюзню мюйюзюнден тутадыла, адамны сёзюнден тутадыла.
- Джеринден айырылгъан – джети джылар, джуртундан айырылгъан – ёлгюнчю джылар.
- Юйлю уругъа ит чабмаз.
- Акъыллы эркиши атын махтар, акъылсыз эркиши къатынын махтар.
- Ашхы тенг джолгъа салыр, аман тенг джолдан тайдырыр.
- Къызбайны юйюне дери сюрсенг, батыр болур.
- Эки итни арасына сюек атма, эки адамны арасында сёз чыгъарма.
- Гырджын – тепсини тамадасы.
- Джюрекден джюрекге джол барды.
- Адам къыйынлыгъын кёлтюрюр, зауукълугъун кёлтюрмез.
- Арпа, будай – ащды, алтын, кюмюш а – ташды.
- Джаш болсун, къыз болсун, акъылы, саны тюз болсун.
- Ашыкъгъанны этеги бутуна чырмалыр.
- Джашны джигитлиги сорулур, къызны джигерлиги сорулур.
- Эшекни не къадар тюйсенг да, ат болмаз.
- Ойнай-ойнай кёз чыгъар.
- Намысы джокъну – дуниясы джокъ.
- Къазанда болса, чолпугъа чыгъар.
- Джетген къыз джерли эшекни танымаз.
- Ана къолу ачытмаз.
- Ата Джуртуму башы болмасам да, босагъасында ташы болайым.
- Джумушакъ терекни къурт ашар.
- Бет бетге къараса, бет да джерге къарар.
- Окъугъан – асыу, окъумагъан – джарсыу.
- Сютден ауузу кюйген, суугъа юфгюре эди.
Форумчане о литературе.
Читают тему (гостей: 1)