- Тели турса – той бузар.
- Къарт болгъан джерде, берекет болур, сабий болгъан джерде, оюн болур.
- Чакъырылмай келген къонакъ сыйланмай кетер.
- Чёбню кёлтюрсенг, тюбюнден сёз чыгъар.
- Адеби болмагъан къыз – тузсуз хант.
- Ишленмеклик адамлыкъды.
- Ашхы сёз таш тешер.
- Иесиз малны бёрю ашар.
- Ашхы – джыяр, аман – джояр.
- Чомартха Тейри да борчлуду.
- Кесинге джетмегенни, кёб сёлешме.
- Аманны тукъумуна къарама, игини тукъумун сорма.
- Ариу сёз джыланны орнундан чыгъарыр.
- Ёлюк кебинсиз къалмаз.
- Кесинг сынамагъан затны, адамгъа буюрма.
- Ёгюзню мюйюзюнден тутадыла, адамны сёзюнден тутадыла.
- Сабий болмагъан джерде, мёлек болмаз.
- Таула не мийик болсала да, аууш табылыр.
- Эм уллу байлыкъ – джан саулукъ.
- Кеси юйюмде мен да ханма.
- Ётген ёмюр – акъгъан суу.
- Аурууну келиую тынч, кетиую – къыйын.
- Кёзюнде тереги болгъан, чёбю болгъаннга кюле эди.
- Хаухну атма, ёнгкючню сатма.
- Джашны джигитлиги сорулур, къызны джигерлиги сорулур.
- Ата Джуртча джер болмаз, туугъан элча эл болмаз.
- Сютден ауузу кюйген, суугъа юфгюре эди.
- Соргъан айыб тюлдю, билмеген айыбды.
- Чомарт къонакъ юй иесин сыйлар.
- Бетинги сатма, малынгы сат.
- Байлыкъ адамны сокъур этер.
- Керти сёзге тёре джокъ.
- Рысхы – насыбха къор.
- Эки элинги тыйсанг, джети элде махталырса.
- Ачылгъан эт джабылыр, кёрген кёз унутмаз.
- Иги – алгъыш этер, аман – къаргъыш этер.
- Орундукъ тюбюнде атылсам да, орта джиликме, де да айлан.
- Ачны эсинде – аш.
- Сабийликде юретмесенг, уллу болса – тюзелмез.
- Мухарны эси – ашарыкъда.
- Къарт айтханны этмеген, къартаймаз.
- Уллу сёзде уят джокъ.
- Къарнынг бла ёч алма.
- Эркишини аманы тиширыуну джылатыр.
- Тулпарлыкъ, билекден тюл – джюрекден.
- Башынга джетмегенни сорма.
- Душманны тышы – акъ, ичи – къара.
- Адебни адебсизден юрен.
- Кёбден умут этиб, аздан къуру къалма.
- Джаханимни кёрмей, джандетге кёл салмазса.
Форумчане о литературе.
Читают тему (гостей: 1)