Эльбрусоид :: Форум :: НАРТ-КЪАРАЧАЙЛЫЛАНЫ ДЖЫРЛАРЫ

Бозанг болмагъан джерге, къалагъынгы сукъма.
Иги – алгъыш этер, аман – къаргъыш этер.
Игини сыйлагъан адетди.
Акъыл бла адеб эгизледиле.
Aдам боллукъ, сыфатындан белгили.
Алтыннга тот къонмаз.
Къалгъан ишге къар джауар.
Къан бла кирген, джан бла чыгъар.
Джыгъылгъанны сырты джерден тоймаз.
Къонагъы джокъну – шоху джокъ.
Кютгени беш эчки, сызгъыргъаны уа, джерни джарады.
Ариу сёз джыланны орнундан чыгъарыр.
Къошда джокъгъа – юлюш джокъ.
Къызгъанчдан ычхыныр, мухардан ычхынмаз.
Элде адам къалмаса, ит тахтагъа минер.
Ёлмесенг да, къарт дамы болмазса?
Къонакъ хазыр болгъанлыкъгъа, къонакъбай хазыр тюлдю.
Башланнган иш битер, къымылдагъан тиш тюшер.
Башы джабылгъан челекге, кир тюшмез.
Ариу сёз – джаннга азыкъ, аман сёз – башха къазыкъ.
Кийимни бир кюнню аясанг, минг кюннге джарар.
Абынмазлыкъ аякъ джокъ, джангылмазлыкъ джаякъ джокъ.
Аманнга алтын чыдамаз.
Кечеси – аяз, кюню – къыш, джарлы къаргъагъа бир аш тюш!
Сёз сёзню айтдырыр.
Джыланны къуйругъундан басарынг келсе, аны башы болгъанын унутма.
Къарт айтханны этмеген, къартаймаз.
Кёпюр салгъан кеси ётер, уру къазгъан кеси кетер.
Билмезни кёзю кёрмез, этмезни къулагъы эшитмез.
Олтуруб кёрюнмей эди да, ёрге туруб кёрюне эди.
Окъдан джара эртде-кеч болса да бителир, сёз джара, ёмюрге къалыр.
Насыблы элин сюер, насыбсыз кесин сюер.
Джашда акъыл джокъ, къартда къарыу джокъ.
Ауузу аманнга «иги», деме.
Ашхы болсанг, атынг чыгъар, аман болсанг, джанынг чыгъар.
Битмегеннге сакъал – танг.
Бал ашаргъа сюе эсенг, чибин ургъаннга тёз.
Ишлегенде эринме, ишде чолакъ кёрюнме.
Кёб ант этген, кёб ётюрюк айтыр.
Бёрю да ач къалмасын, эчки да ашалмасын.
Джарлыны тону джаз битер.
Акъыл сабырлыкъ берир.
Ана кёлю – балада, бала кёлю – талада.
Чакъырылмагъан къонакъ тёрге атламаз.
Душманны тышы – акъ, ичи – къара.
Кёрмегеннге кебек – танг, битмегеннге сакъал – танг.
Ургъан суудан башынгы сакъла.
Эски джаугъа ышанма.
Ач къалгъандан, кеч къалгъан къолай.
Юй ишлеген балта эшикде къалыр.

RSS

НАРТ-КЪАРАЧАЙЛЫЛАНЫ ДЖЫРЛАРЫ

fay

Гость

Джаратама0

30.03.2009 16:28:07

Песни и стихи SOFİ TRAM-SEMEN. Сборник МОЗДОКСКИЙ ДНЕВНИК" **************************** КЪАРАЧАЙЫМ. 1.Мийик тау башлада Терен ауушлада, Минги таугъа джырын багъышлай, Ариу, кызыл къанлы, Отгюр, тюзлюк джанлы, Джашайды халкъ, джарыкъ Къарачай. 2.Орайда-джырынгды, Адамлыкъ сырынгды, Адебинг тауунга тенг болуб, ОЛй ким насыб табар, Тансыкълыгъын атар, Сени ёзенингден кенг болуб?! 3.Санга джыр айтама, Узакъдан къайтама, Тауунг, суунг келден кетмейин, Келюм джарымайды, Хатхум ачылмайды, Сени нюр хауанга джетмейин. 4.Мийикде джашайса, Мийикге къарайса, Умутларынг кекге джанаша, Халал келлю халкъым, Джаша кеб джылланы, Асыллыгъынг Джерге джараша! *** ШАМ-КЪАРАЧАЙ 1.Къарлы тауланы емюрден келген иеси, Ата джуртума махдау салайыкъ, Джарыкълыкъны, чомартлыкъны тёреси Аталадан юлгю алайыкъ. КЪАЙТАРЫУУ: Къарачай! Ёхдем Нарт-Хунланы анасы, Джигитлени, отгюрлени къаласы, Шам-Къарачай, Нарт-Къарачай, Ой! 2.Кёб ёмюрлени зорлукъну уун сынадынг, Алай тюрленмед таза джюрегинг, Адамлыкъны, бузмай, алай сакъладынг Ёхдемленирча бюгюн миллетинг. 3.Да, дуниялада джандет деген бар эсе, Ол-ата джуртум, Къарачайымды, ой!.. Орайда-эжиу, алгъыш-тёреле, джыр эте Бюгюн этейик тауларыбызда той. *** АБЕЗЕК 1.Той барады Къарачай элимде, Ой, джохар джуртуму кенгинде, Къобуз согъулады, чайкъала, Бизни абезекге чакъыра. КЪАЙТАРЫУУ: Ой, ой, ой орайда! Согъулады абезек, Сюйгенлени тюбешдирген, Джазыуланы бирлешдирген, Ой,ой, джазыу абезек. 2.Улла келедиле къуйулуб, Къызла турадыла буйугъуб, Къол узатадыла, назлана, Тизгин-тизгин келген джашлагъа. 3.Къартла келгендиле кёрюге, Джаш тёлюге багъа берирге, Аякъ алышларын сынаргъа, Киеулюк, келинлик сайларгъа. 4.Той барады Къарачай элимде, Ой, Минги Таууму тюбюнде, Къобуз согъулады, чайкъала, Бизни абезекге чакъыра. ***[b:193946e4f6][/b:193946e4f6][b:193946e4f6][size=18:193946e4f6][/size:193946e4f6][/b:193946e4f6]

fay

Гость

Джаратама0

30.03.2009 17:02:42

Песни и стихи SOFİ TRAM-SEMEN. Сборник МОЗДОКСКИЙ ДНЕВНИК" ********************************************************* СЕМЕНЛАНЫ ДЖЫРЧЫ СЫМАЙЫЛГЪА КЮУ Уллу алам чархын бурад, сормайын, Адам улу бойсунады, бурмайын, Ёлюм ачыу тюшюреди шартына, Да алгъанын къайтармайын артына. Ол ачыуну мен да билдим, сынадым, Шан-атамы ёлгенине чыдадым, Тар къабырда джатханына юрендим, Ачы кюуню сёзлерине тиллендим. Ата юйюм, худжу къалыб, атылды, Къуанч халым мыдахлыкъгъа батылды, Джакъсыз къалыб, джангызлыкъда арыдым, Ёксюзлюкню не болгъанын таныдым. Туз джыламукъ кёз джинкими джабханлай, Джаным ауруй хар бир тангым атханлай, Ургъан джелде, къачхы талча, бюгюлдюм, Насыб кюнню къайтырындан тюнгюлдюм. Атам десем ачы джарам ашлана, Атам-десем, джюрек ауруу башлана, Ёхдем башым, онгусузлай ийиле, Мыдах ангым сагъышлагъа кёмюле. "Эл Иеси" дейченелле атынга, Багъа бере унутулмаз хатынга, Джыр джырласанг-алтын сынджыр тизгенлей, Зикир айтсанг-джюреклени эзгенлей. Ёлгенинге джеталмадым, кенг къалыб, Ахыр сёзню эшталмадым, кёл алыб, Разылынгъынг башхаладан айтылды, Кёзлериме морсул чизиу тартылды. Ёлюм ачыу джюрегими джигинде, Ёлюм джорукъ джашаууму ичинде!.. Манга къадар залимлигин этгенди- Сюйген атам джер теренге кетгенди!.. Джылау этсем, джылау сени къайтармаз, Бу ауруум энди кёлден таркъаймаз, Ёлюм ачыу хар кимге да джетерик, Джер джюзюнден барыбыз да кетерик... Энди барды мыдахлыкъдан хапарым, Джангыз тюшдед, джан-атамы табарым, Джангыз кёлдед энди аны джашары, Джан садакъа, джан садакъа, ашары... Ёлюм-залим, джыламукъну кёрмезди, Къадар-залим артыкъ ёмюр бермезди!.. Ачы джорукъ джазылыбды аламгъа... Анга тёзюу, аны чегиу, адамда...

fay

Гость

Джаратама0

30.03.2009 17:21:10

Песни и стихи SOFİ TRAM-SEMEN. Сборник МОЗДОКСКИЙ ДНЕВНИК" ********************************************************* ДЖАШЛЫГЪЫМ 1.Заманны эскере, Бу айлы кечеде, Мыдах макъам келди кёлюме, Джылларым уллая, Такъырлыкъ сагъая, Мен тилейме сенден, Кетме, дейме, менден, Ой, джаным, джашлыгъым,джашлыгъым,ой! 2.Анамы къарамы, Атамы саламы, Танг джулдузлай джанган заманым, Кетдиле узакъгъа, Салдыла тузакъгъа, Чакъырама сени, Атма, дейме, мени Ой, джаным, джашлыгъым, джашлыгъым, ой! 3. Кюнлерим тубанлы, Джолларым боранлы, Джашауум тенгизни джыргъанлай, Умутла азая, Къуанчла таркъая, Мен тилейме сенден, Кетме, дейме, менден, Ой, джаным, джашлыгъым, джашлыгъым, ой! 4. Къоймазлыкъ джылларым, Къайтмазлыкъ джолларым, Энди джокъламаз муратым, Онгуму алдыла, Джарсыугъа салдыла... Чакъырама сени, Атма, дейме, мени Ой, джаным, джашлыгъым, джашлыгъым, ой! *** ДУНИЯ ХАУХДУ Уллу кёллю, сени кёлюнг тауду, Бараса сен онгсузланы эскермей, Бу дуния барыбызгъа хаухду, Бир джан къалмаз Кёк-Ёлюмге тюбемей. Хырслыса сен, баргъан джолунг кенгди, Тик тургъанса джети кёкге джетерик... Алай джерде барыбыз да тенгбиз- Кёкбет Ёлюм саныбызгъа тиерик... Бир ёхдемсе, ёмюрлюк болгъанча, Эслемейин джыгъылгъанны, тюшгенни, Къадар санга мухурун салгъанча, Кёрмез кибик кёксюл бетли Ёлюмню... Уллу кёллю, эки кёзюнг ауду, Джашайса сен ахыр кюнню эскермей!.. Бу дуния барыбызгъа хаухду Бир джан къалмаз, Кёк-Ёлюмге тюбемей...

fay

Гость

Джаратама0

30.03.2009 17:45:19

Песни и стихи SOFİ TRAM-SEMEN. Сборник МОЗДОКСКИЙ ДНЕВНИК" ********************************************************* КЕЧ КЕЛГЕН СЮЙМЕКЛИК 1.Ой, кеч келеген сюймеклик, Нек алдадынг джанымы, Джанган отха кийириб, Сууй баргъан санымы, Бош муратха талпыта, Армау эте ангымы, Къач кюнюме къайтара Озгъан, джазгъы тангымы? Къайтарыуу: Неден кёз джашлылла кёзлерим, Чыкъмайдыла сёзлерим, Джарымайды джюрегим, неден?.. Сенден! Кёз джашлылла кёзлерим, Чыкъмайдыла сёзлерим, Джарымайды джюрегим, Сенден! 2. Ариу булбул, не кёрдюнг Кюрен тартхан кёзюмде, Акъылынгы нек бёлдюнг Мени мыдах сёзюме, Къанатынгы нек ийдинг Ышыгъына чакъыра, Буз джюрекге нек тийдинг, Джараларын ачдыра? 3.Къырау ургъан саныма, Къатылалла джылларым, Тартадыла аллына Къышха элтир джолларым, Ой, кеч келген сюймеклик, Джокъду санга мадарым!.. Бу ёртенде кюймеклик Болур эди къадарым! *** КЪАРЫЛГЪАЧ 1. Джаз келечиси, ариу къарылгъач, Джанымдан юлюш этейим, Кёкюрегими джол этиб санга Дунияны джырыб ётейим, Не бла джетейим сени кёлюнге, Не зат этейим сый бере, Унутуб къоймай, джангыз кюнюмде Келгенинг ючюн, джыр эте?! 2. Алгъышлай келдинг терек бачхама, Таулагъа чуакъ танг ата, Къуат келтирдинг къуу арбазыма Умутлу сакълау сыната. Насыб унутхан мутхуз кёлюмю Джангы джарыкъ бла джарытдынг, Ачыудан кюйген мыдах кёлюме Джангы насыбны танытдынг. 3. Сюймеклик хауа келтирдинг манга Буз санларымы эрите, Сабыр уятдынг, бу сары тангда Джарыкъ джырынг бла терилте. Ариу къарылгъач, кел тар юйюме, Ёт тёрге, къанат джел эте, Унутуб къоймай, джангыз кюнюмде, Бош келмегенсе, джыр эте!.. ***

fay

Гость

Джаратама0

30.03.2009 18:00:54

Песни и стихи SOFİ TRAM-SEMEN. Сборник МОЗДОКСКИЙ ДНЕВНИК" ********************************************************* КАРАЧАЕВСКИЙ ИСТЕМЕЙ 1. Живет на свете гордый мой, Кавказ, О нем, повсюду, ходит славный сказ, Живут там братья, горцы их зовут И гордецами их зовут. Их песни звонки, словно эхо гор, В их речи есть и пафос, и задор, Гостю почтенье воздают, Любовь и честь не предают, А танцы их в полет зовут. Припев: Хунн-Карачай, Чечен, Ингуш, Кабарда, Адыгей, Выйди, брат, на танец гор Играет истемей! Черкес, Ахыска, Абаза, Балкарец, Лак, Кумык, хей!.. Выйди, брат, на танец гор Играет истемей! Даргин, Осет, Авар, Ногай, Казак, Абхаз, Гюрджю, хей!.. Выйди, брат, на танец гор Играет истемей! Армян, Еврей, Менгрел и Рус, Азери, Грек, Туркмен, хей! Выйди, брат, на танец гор, Играет истемей! 2.Там текут потоки бурных вод И красотой пленяет горный свод, Эльбрус стоит, с двойною головой, Как вечный страж, земной. Там родники, нарзанные журчат, В лесах чинары, вечные, шумят, Там птицы райские поют, Душе величье придают И в край орлиный всех зовут. 3.Эльбрусский край высотной-высоты, А братья, горцы-гордой красоты!.. Там человечность, честь и добрый слог, Превыше всех земных щедрот. Там старикам почет, во все века, И помощь слабым - горская черта, Друзей там примут, всех, любя, С врагом сразятся, не щадя... Такой, вот, нрав, в краю огня! *** sofi tram-semen/sоfya semenova. ЭЛБРУССКИЙ ВАЛЬС (Для отдыхающих санатория МВД в КБР Написано по просьбе руководства, для исполнителя Евгения Попцова.2002г.). 1.Пробил час расставания Даль позвала меня. Кабардино-Балкария Не забуду тебя, Здесь я встретил желанную Что, как ты, хороша И горскою страстью Взбурлила душа. Припев: Я уезжаю надолго, Но не пройдет никогда, По Эльбрусу седому, В сердце тоска. 2.Глаза милой заплаканы И каштаны шумят, Рядом горы кавказские В снежных бурках стоят. Благодарен твоей земле, Не найду нужных слов... За то, что дала мне Такую любовь. Припев: 3.Околдован тобою я, Очарован, влюблен, Неприступно-могучею Красотой ослеплен. Кабардино-Балкария- Край мечты и любви!.. И снова к вершинам Ты нас позови! Припев: 4.Не прощаюсь с тобою я, Не расстанемся мы, С небесами орлиными Край любви и мечты! Кабардино-Балкария, Не забудь этих дней, И вечно зови нас К вершине своей. Припев: *** sofi tram-semen/sоfya semenova.

fay

Гость

Джаратама0

30.03.2009 18:49:25

Песни и стихи SOFİ TRAM-SEMEN. Сборник МОЗДОКСКИЙ ДНЕВНИК" ********************************************************** СЮЙГЕНЛЕНИ КЪАУГЪАСЫ (чам джыр) ТИШИРЫУ: Алан, мен санга айтама, сен эштемисе?.. Аллынгда тургъанымы кёремисе?.. Бу телевизор, худжуну, бир чачмасам, Бу юйден башымы алыб бир къачмасам, Тели болуб, эл къозурукъ боллукъма, Тийре, элге сёзлюк болуб къаллыкъма! ЭРКИШИ: Тебрегенсе, биягъы сен, кемириб, Бу юйде бир солур онг джокъду, керилиб!.. Юйден чыкъсам, "айландынг" деб чабаса, Юйде турсам "солудунг" деб къабаса, Айт, не этейим, сен айтханны этейим, Кет дей эсенг, ма бусагъатлай кетейим! ТИШИРЫУ: Алай келиб сойланаса орунга, Бу худжуну джандыраса аллынгда, Ашыкъ-бушукъ ашарыкъны джутаса, Бурнунга да ол газетни тутаса, Мен джарлы уа, урчукъ кибик бурулуб, Кюн узуну юй джумушха сугъулуб!.. ЭРКИШИ: Юй джумушу - тиширыугъа адетди, Аны сюйюб тындырыргъа керекди, Быллай бир нек ынгычхайса, билмейме, Бир тиширыу былай этиб кёрмейме!.. Аллах сизге буюргъанны этесе, Аны ючюн не бюсюреу излейсе?! ТИШИРЫУ: Санга келмей, Келеметге барсам эд, Ох деб мийик юйлеринде турсам эд, Ол мепни инджитмез эди сенича, Муш-муш эте сойланмазед, телича, Бал бла джаугъа батыб алай турурем, Къундуз кибик, сыйдам къатын болурем!.. ЭРКИШИ: Къайдам, Тейри, мен таныгъан Келемет Сени алай къызылуурт этермед!.. Хурджунундан сом чыгъарыб кёрмейме... Быллай бир нек тараласа, билмейме!.. Сюе эсенг-хатеринги этейим, Къолум бла Келеметге элтейим! ТИШИРЫУ: Сау он джылны дыгалас бла джашадым, Тёрт санымы саулугъундан бошадым, Санларымда къаргъа къабар этим джокъ, Былай чыкъсам, адам къарар, бетим джокъ!.. Сени манга табхан Хауа, джер къабсын, Аны къызы да менича кюн табсын!.. ЭРКИШИ: Этни юсюнден айтмасанг да боллугъед, Мен кёргенли санларынгда эт джогъед, Бет хапар да алай къолай тюл эди, Мен алданган ол ингичке бел эди, Хауа джазыкъ, санга аман этмегенд, Менича джаш тыйыншлыгъа джетмегенд! ТИШИРЫУ: Ах, мен джарлы, сен уяллыкъ не барды? Мен эштмеген бу дунияда не къалды? Мени алдаб алгъанынгча, алыннгын!.. Мени къаргъыш тузагъыма салынгын!.. Тохда сени мен къабынга джыяйым, Болумунгу дунигъа джаяйым! ЭРКИШИ: Тохда, бийче, тели болма, бери къайт! Асланынгы нек сояса, шо бир айт! Ол ыйыкъда пухну тараб бердим да!.. Джаулугъунгу кергич бла кердим да!.. Былтыр джазда ийнек саууб тургъанем!.. Бурунгу джыл бауну тюбюн къыргъанем!.. ТИШИРЫУ: Эртден сайын ийнек саугъан, Аны машинагъа къуйгъан, Сют къайнатхан, бышлакъ сыкъгъан, Арбаз джыйгъан, кийиз къакъгъан, Эски джуугъан, суу ташыгъан, Сен къутсузну ишге ашыргъан, Орун джыгъан, юй сибирген, Сабийлени дерсге ийген... Къыйынлыгъым тау кибик, Эркишим а джау кибик! ЭРКИШИ: Былтыр халы чырмаучу да этдим да? Мындан алгъа базаргъа да элтдим да? Сабийлеге китабланы ким алды? Аш юйчюкге джангы эшик ким салды?.. Игиликни чырт билмеген бийчесе, Къанымы да тюз сууу кибик ичесе! ТИШИРЫУ: Менден кёрюб аллахдан а табхаенг! Менден кёрюб, джанган кёсёу къабхаенг! ЭРКИШИ: Болдунг, инджим, къыздынг, къуйдунг болгъанны... ТИШИРЫУ: Джылан урсун сени манга табханны! ЭРКИШИ: Келеметни сынар ючюн айтханем... ТИШИРЫУ: Ах, кетгенимде ызыма нек къайтханем!.. ЭРКИШИ: Субай бийчем, инджи кёзлюм, кеч мени! ТИШИРЫУ: Къарнынг буруб чыкъгъын сен сау кечени! ЭРКИШИ: Хайда, чакъыр аслангынгы къатынга... ТИШИРЫУ: Чачыраукъ чыкъсын сени бутунга!.. ЭРКИШИ: Инджи кёзлюм, субай бийчем, кеч мени! ТИШИРЫУ: Ургъуй урсун, ургъуй урсун, ма сени! ***

fay Гость	#7 Джаратама0 05.04.2009 19:05:03 Песни и стихи SOFİ TRAM-SEMEN. Сборник МОЗДОКСКИЙ ДНЕВНИК" ******************************************************* КЪАРАЧАЙГЪА ИНГИРГИ ДЖЫР 1. Салкъын ингир келгенди, Ай джарыкъгъа белене, Рахат солуу бергенди, Мени туугъан джериме. КЪАЙТАРЫУУ(эжиую): Джукъла, джаным, Къарачай, Ай чыкъгъанды джылтырай, Тауларынгы ийнакълай, Джашауунгу алгъышлай. 2.Келинлеча къубула, Джашил, нызы терекле, Дарийлеча къуюла Булбул джырлы чегетле. 3.Джулдузлу кек нюр джана, Салкъын джерге къарайды, Къобан суунг, чайкъала, Бешик джырла джырлайды. 4.Джуаш аяз сагъая, Къаяланы сылайды, Акъ булутха таяна Минги тауунг джукълайды. * КЮЕУ ТОЙ Къуанч барады Уллу-Къарачай элимде, Миллет басына, тепси джасала, ой, Къартла туралла къуанчлы юйню тёрюнде, Джашла этелле эркин арбазда той. КЪАЙТАРЫУ-ЭЖИУЮ: Харс, джашла! Кюеу келгенди къайын юйюне, ой! Къарачай элде къуанч барады, ой-орайда, Кюеу чакъыргъан, кюеу чакъыргъан той! 2.Нюрлю нарт къызла, гюлле кибик чакъгъанлай, Тойну башында джасамадыла, ой, Джигит уланла, илачин къанат къакъгъанлай, От-истемейде учуб баралла, ой. 3.Тукъум тамада алгъыш этеди арада, Амин-дейдиле уллу, гитче да, ой, Алгъыш аякъны аны къолундан алыргъа Кюеу чыгъады, кюеу чыгъады, ой! 4.Тукъум келинле кюеуден беркню алалла, Миллет харх бола, кюеу тартынад, ой, Кюеу негер да, базарлыкъ эте, ала бла, Кесини беркюн кюеуге беред, ой 5.Джыйылгъан миллет кюеуден къарам алмайын, Хар атламына багъа береди, ой, Нартны адети-терес бары, бузмайын Бу чакъырыуда сууча тегилед, ой. 6.Алгъыш аякъдан миллет ичеди, алгъышлай, Татлы чачылад сабий-сюбюйге, ой, Кек чартлагъанлай, тери даурбаз къакъгъанлай Джангыдан джанад кюеу чакъыргъан той. * ГУРБЕТ ДЖЫРЫ Тансыкълыкъ ауруу джанымы эзе, Къадарым манга къайырылгъанды... Дуньяда саудан елю бар эсе, Ол-джуртундан айырылгъанды. КЪАЙТАРЫУ-ЭЖИУЮ: Салам санга джуртум, Салдам санга халкъым, Джокъламаз болдунг, ызымдан, Салам санга джуртум, Салам санга халкъым, Джек-джерде къалгъан къызынгдан! 2.Джур-тур джашагъан, эски къаяла, Къаргъа беленген тик тау башлары, Минги таумда емюр гыйыла, Чегетлерими чынар чачлары... 3.Бу халкъ да манга къарнашлыкъ этди, Къолумдан келед, болумум барды, Алай келюмден бир джылыу кетди, Кюнлерим-мыдах, солуум-тарды. 4.Тансыкълыкъ ауруу тийгенди манга, Тюшмейди атынг мыдах джырымдан... Къурман-садагъа, джан салам санга, Джек-джерде къалгъан ёксюз къызынгдан. * МАЛКЪАРЫМ 1.Минги тауну этеклеринде, Джандет кибик ариу джерледе, Кюрен тарта къарлы тауларынг, Джашайсе сен, шамлы Малкъарым. КЪАЙТАРЫУ-ЭЖИУЮ: Орайда-райда, орайда-райда,о! Джашайса сен шамлы Малкъарым! 2.Сенден кенгде джюрек термилед, Санга тюбегенлей керилед, Солуу табад сенде санларым, Сюйген джуртум, къарнаш Малкъарым! 3.Кязим айтхан акъыл сезлеринг, Къайсын джайгъан илму къудретинг, Омар айтхан сейир джырларынг, Сукъландыралла, шамлы Малкъарым! 4.Къарачайда алгъыш айтылад, Къарнаш Малкъарыма аталад, Эки джуртну эрке уланы Асыл халлы, шамлы Малкъарым! Мийик тауларынга къараша, Хар миллетге бойунг джараша, Кенге бара махдау хапарынг, Ёмюрлеге джаша, сюйген Малкъарым! ***

Читают тему (гостей: 1)

Логин:
Пароль:
	Запомнить меня на этом компьютере

Забыли свой пароль?
Регистрация