- Ашха уста, юйюнде болсун
- Элни кючю – эмеген.
- Суу ичген шауданынга тюкюрме.
- Ашаса, ашамаса да, бёрюню ауузу – къан.
- Бек ашыкъгъан меннге джетсин, дегенди аракъы.
- Дуния аламаты сен эсенг да, игиме деб айтма.
- Ишге юренсин къоллары, халкъ бла болсун джоллары.
- Чомарт къолда мал къалмаз.
- Рысхы – сют юсюнде кёмюк кибикди.
- Ёгюзню мюйюзюнден тутадыла, адамны сёзюнден тутадыла.
- Хар зат кесини орнуна иги.
- Къайгъы тюбю – тенгиз.
- Ач къалгъандан, кеч къалгъан къолай.
- Бермеген къол, алмайды.
- Адамгъа аман кюн соруб келмейди.
- Ач къарным, тынч къулагъым.
- Эл ауузу – элия.
- Къарт айтханны этмеген, къартаймаз.
- Керти сёзге тёре джокъ.
- Ата Джуртуму башы болмасам да, босагъасында ташы болайым.
- Ат басханны джер билед.
- Халкъгъа джарагъан, джарлы къалмаз.
- Эки итни арасына сюек атма, эки адамны арасында сёз чыгъарма.
- Булут кёкге джарашыу, уят бетге джарашыу.
- Мухарны эси – ашарыкъда.
- «Ма», - дегенни билмесенг, «бер», - дегенни билмезсе.
- Кийиминг бла танылма, адамлыкъ бла таныл.
- Тюзлюк тас болмайды.
- Эки элинги тыйсанг, джети элде махталырса.
- Накъырданы арты керти болур.
- Билеги кючлю, бирни джыгъар, билими кючлю, мингни джыгъар.
- Бал чибинни ургъаны – ачы, балы – татлы.
- Этни бети бла шорпасы.
- Биреуге аманлыкъны тилеме да, кесинге ашхылыкъны тиле.
- Аякъларынгы джууургъанынга кёре узат.
- Эл элде бирер малынг болгъандан эсе, бирер тенгинг болсун.
- Джаным-тиним – окъуу, билим.
- Билмегенинги, билгеннге сор.
- Ачыкъ джюрекге джол – ачыкъ.
- Ач къарынны, токъ билмез
- Джол бла сёзню къыйыры джокъ.
- Бети – къучакълар, джюреги – бычакълар.
- Уллу сёлешме да, уллу къаб.
- Тил бла келеди джыр да.
- Уруну арты – къуру.
- Тау башында, тау болмаз, джангыз терек, бау болмаз.
- Зар адамны насыбы болмаз.
- Чабакъсыз кёлге къармакъ салгъанлыкъгъа, чабакъ тутмазса.
- Къалгъан ишге къар джауар.
- Сабыр джетер муратха, сабырсыз къалыр уятха.
НАРТ-КЪАРАЧАЙЛЫЛАНЫ ДЖЫРЛАРЫ
Читают тему (гостей: 1)