- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Кёб джашагъан – кёб билир.
- Эл ауузу – элия.
- Айранны сюйген, ийнек тутар.
- Адеб базарда сатылмаз.
- Намысы джокъну – дуниясы джокъ.
- Aдам боллукъ, сыфатындан белгили.
- Байлыкъ болгъан джерде, тынчлыкъ джокъду.
- Акъыллы башны – тили къысха.
- Тёзген – тёш ашар!
- Къуллукъчума, деб махтанма, къуллукъ – хаух джамчыды!
- Джолда аягъынга сакъ бол, ушакъда тилинге сакъ бол.
- Адамны аманы адамны бети бла ойнар.
- Ойнай билмеген, уруб къачар.
- Мураты болгъанны джюрек тебюую башхады.
- Суугъа – чабакъ, къаягъа – ыргъакъ.
- Тик ёргени, тик энгишгеси да болады.
- Арба аугъандан сора, джол кёргюзтюучю кёб болур.
- Тенги кёбню джау алмаз, акъылы кёбню дау алмаз.
- Аман адам этегингден тутса, кес да къач.
- Къуру гыбыт бек дыгъырдар.
- Ач да бол, токъ да бол – намысынга бек бол.
- Суу кетер, таш къалыр.
- Зарда марда джокъ.
- Ишлерге уял да, ашаргъа табма.
- Тилсиз миллет джокъ болур.
- Къая джолда джортма, ачыкъ сёзден къоркъма.
- Кёб къычыргъандан – къоркъма, тынч олтургъандан – къоркъ.
- Кёкдеги болмаса, джердегин кёрмейди.
- Бети къызарыучу адамны, джюреги харам болмаз.
- Тилде сюек болмаса да, сюек сындырыр.
- Артына баргъанны, къатына барма.
- Аш иеси бла татлыды.
- Джан саулукъ бермей, сан саулукъ бермезсе.
- Джыйырма къойну юч джыйырма эбзе кюте эди.
- Агъач халкъгъа алтынды, иссиликге салкъынды.
- Келинни – келгинчи, бёркню кийгинчи кёр.
- Тиширыусуз юй – отсуз от джагъа.
- Тёрде – темир таякълы, къаяда – чыпчыкъ аякълы.
- Айранын берсенг, челегин да къызгъанма.
- Юй кюйдю да, кюйюз чыкъды, ортасындан тюйюш чыкъды.
- Къонакъны къачан кетерин сорма, къачан келлигин сор.
- Дженгил джетерикме деб, узун джолну къоюб, къысхасын барма.
- Ана кёлю – балада, бала кёлю – талада.
- Джюрекден джюрекге джол барды.
- Ёлюк кебинсиз къалмаз.
- Адамны адамлыгъы къыйынлыкъда айгъакъланады.
- Кесинге джетмегенни, кёб сёлешме.
- Джюрек кёзден алгъа кёрюр.
- Джукъу тёшек сайламайды.
НАРТ-КЪАРАЧАЙЛЫЛАНЫ ДЖЫРЛАРЫ
Читают тему (гостей: 1)