- Адеб этмеген, адеб кёрмез.
- Татлы тилде – сёз ариу, чемер къолда – иш ариу.
- Къошда джокъгъа – юлюш джокъ.
- Тилде сюек болмаса да, сюек сындырыр.
- Бал ашаргъа сюе эсенг, чибин ургъаннга тёз.
- Ёзденликни джайгъан – джокълукъ.
- Мухар, кеси тойса да, кёзю тоймаз.
- Ишни ахырын ойламай, аллын башлама.
- Къонакъ аман болса, къонакъбай джунчур
- Кёл ашады да, кеси ашады.
- Гырджын – тепсини тамадасы.
- Хазыр ашха – терен къашыкъ.
- Тулпарлыкъ, билекден тюл – джюрекден.
- Къобан да къуру да къобханлай турмайды, адам да къуру да патчахлай турмайды.
- Джол бла сёзню къыйыры джокъ.
- «Ёгюз, джаргъа джууукъ барма, меннге джюк боллукъса», - дегенди эшек.
- Эри аманны, къатыны – аман.
- Къозулугъунда тоймагъан, къойлугъунда тоймаз.
- Ашхы тенг джолгъа салыр, аман тенг джолдан тайдырыр.
- Къыз тиширыу кеси юйюнде да къонакъды.
- Асхат ашлыкъ сата, юйдегиси ачдан къата.
- Урама да – ёледи, сатама да – келеди.
- Нарт сёз къарт болмаз.
- Аманны тукъумуна къарама, игини тукъумун сорма.
- Ариу сёз – къылычдан джити.
- Сабыр джетер муратха, сабырсыз къалыр уятха.
- Чакъырылмагъан къонакъ къачан кетерин сормаз.
- Мен да «сен», дейме, сен да «кесим», дейсе.
- Къонагъынгы артмагъын алма да, алгъышын ал.
- Тойгъан джерден туугъан джер игиди.
- Ата – баланы уясы.
- Итли къонакъ джарашмаз.
- Кийимни бир кюнню аясанг, минг кюннге джарар.
- Бетинги сатма, малынгы сат.
- Алтыннга тот къонмаз.
- Къайтырыкъ эшигинги, къаты уруб чыкъма.
- Эрине къаргъыш этген къатын, эрнин къабар.
- Тойгъанлыкъ къойгъа джарашады.
- Билген билмегенни юретген адетди.
- Чоюнну башы ачыкъ болса, итге уят керекди.
- Зар адамны насыбы болмаз.
- Аман эсирсе, юйюн ояр.
- Ач къарынны, токъ билмез
- Гитче джилтин уллу элни джандырыр.
- Сормай – алма, чакъырылмай – барма.
- Окъугъан – асыу, окъумагъан – джарсыу.
- Къартны бурнун сюрт да, оноугъа тут.
- Экиндини кеч къылсанг, чабыб джетер ашхам.
- Кенгеш болса, уруш болмаз.
- Джаш къарыу бла кючлю, къарт акъыл бла кючлю.
НАРТ-КЪАРАЧАЙЛЫЛАНЫ ДЖЫРЛАРЫ
Читают тему (гостей: 1)