- Баланы адам этген анады.
- Ана къолу ачытмаз.
- Эл элде бирер малынг болгъандан эсе, бирер тенгинг болсун.
- Джаралыны джастыгъында сау ёлюр.
- Къатыны харакетли болса, эри къымсыз болур.
- Бет бетге къараса, бет да джерге къарар.
- Джырына кёре эжиую.
- Уллу сёзде уят джокъ.
- Ашхы атаны – джашы ашхы, ашхы ананы – къызы ашхы.
- Этни бети бла шорпасы.
- Ач къарынны, токъ билмез
- Ач къалгъандан, кеч къалгъан къолай.
- Ёксюзню тилеги къабыл болур.
- «Ёгюз, джаргъа джууукъ барма, меннге джюк боллукъса», - дегенди эшек.
- Ата – билек, ана – джюрек!
- Ишге юренсин къоллары, халкъ бла болсун джоллары.
- Кийимни бир кюнню аясанг, минг кюннге джарар.
- Сакъалы текени да бар, мыйыгъы киштикни да бар.
- Азыгъы аз, алгъа къабар, аты аман, алгъа чабар.
- Бойнуму джети джерден кессенг да, мен ол ишни этеллик тюлме.
- Ёлюр джаннга, ёкюл джокъ.
- Чоюнну башы ачыкъ болса, итге уят керекди.
- Тили узунну, намысы – къысха.
- Кёзюнде тереги болгъан, чёбю болгъаннга кюле эди.
- Джюрек кёзден алгъа кёрюр.
- Байдан умут эте, джарлыдан ёгюз багъасы къорады.
- Уруну арты – къуру.
- Кёлю джокъну – джолу джокъ.
- Кесине оноу эте билмеген, халкъына да эте билмез.
- Билмезни кёзю кёрмез, этмезни къулагъы эшитмез.
- Ургъан суудан башынгы сакъла.
- Иесиз малны бёрю ашар.
- Таукел къуру къалмаз.
- Ишлерге уял да, ашаргъа табма.
- Билимден уллу байлыкъ джокъду.
- Иги – алгъыш этер, аман – къаргъыш этер.
- Агъач – джерни чырайы, кийим – эрни чырайы.
- Аууздан келген, къолдан келсе, ким да патчах болур эди.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Мухарны эси – ашарыкъда.
- Урунуу – насыбны анасы.
- Кенгеш болса, уруш болмаз.
- Ёлюк кебинсиз къалмаз.
- Ач уят къоймаз.
- Нёгерсизни джолу узун.
- Джуртун къоругъан озар.
- Мухар, кеси тойса да, кёзю тоймаз.
- Бозаны арты дауур болур.
- Джарлы эскисин джамаса, къууаныр.
- Тилчиден кери бол.
НАРТ-КЪАРАЧАЙЛЫЛАНЫ ДЖЫРЛАРЫ
Читают тему (гостей: 1)