- Тилсиз миллет джокъ болур.
- Ишленмеген джаш – джюгенсиз ат, ишленмеген къыз – тузсуз хант.
- Къарт болгъан джерде, берекет болур, сабий болгъан джерде, оюн болур.
- Харам къарнашдан, халал тенг ашхы.
- Аманны эки битли тону болур, бирин сеннге кийдирир, бирин кеси киер.
- Къаллай салам берсенг, аллай джууаб алырса.
- Айранын берсенг, челегин да къызгъанма.
- Къонагъынгы артмагъын алма да, алгъышын ал.
- Арбаз къынгырды да, ийнек сауалмайма.
- Мал кёб болса, джууукъ кёб болур.
- Халкъгъа джарагъан, джарлы къалмаз.
- Ариуну – ауруу кёб.
- Къыз чыгъаргъан – къызыл къымжа.
- Ашлыкъны арба юйге келтирир, чана базаргъа элтир.
- Билим насыб берир, билим джолну керир.
- Этни бети бла шорпасы.
- Ёлюк кебинсиз къалмаз.
- Чомартха Тейри да борчлуду.
- Терслик кетер, тюзлюк джетер.
- Ашаса, ашамаса да, бёрюню ауузу – къан.
- Рысхысына кёре, джаш ёсер, къышлыгъына кёре, мал ёсер.
- Таула не мийик болсала да, аууш табылыр.
- Ушамагъан – джукъмаз.
- Дуния аламаты сен эсенг да, игиме деб айтма.
- Накъырда – кертини келечиси.
- Хоншуну тауугъу къаз кёрюнюр, келини къыз кёрюнюр.
- Сакъалы текени да бар, мыйыгъы киштикни да бар.
- Кесинг сынамагъан затны, адамгъа буюрма.
- Джарлы джети элни сёзюн этер.
- Ашхы атаны – джашы ашхы, ашхы ананы – къызы ашхы.
- Уллу къашыкъ эрин джыртар.
- Хар сёзню орну барды.
- Джахил болса анасы, не билликди баласы?
- Иги бла джюрюсенг, джетерсе муратынга, аман бла джюрюсенг, къалырса уятха.
- Къралынгы – душмандан, башынгы от бла суудан сакъла.
- Алгъанда – джууукъ, бергенде – джау.
- Чомартны къолун джокълукъ байлар.
- Байма, деб да, къууанма, джарлыма, деб да, джылама.
- Окъуу – билимни ачхычы, окъуу – дунияны бачхычы.
- Тёрдеги кюлсе, эшикдеги ышарыр.
- Сёз садакъдан кючлюдю.
- Эринчекни эр алмаз, эр алса да, кёл салмаз, кёл салса да, кёб бармаз!
- «Ма», - дегенни билмесенг, «бер», - дегенни билмезсе.
- Тойчу джашха къарама, къойчу джашха къара.
- Келинин тута билмеген, къул этер, къызын тута билмеген, тул этер.
- Адам къаллай бир ишленмесе, аллай бир кесин уллу кёреди.
- Эрни эр этерик да, къара джер этерик да, тиширыуду.
- Бал – татлы, балдан да бала – татлы.
- Орундукъ тюбюнде атылсам да, орта джиликме, де да айлан.
- Акъыллы айтыр эди, акъылсыз къоймайды.
Любимые тексты песен.. или тексты любимых песен..
Читают тему (гостей: 1)