- Билимли ёлмез, билимсиз кёрмез.
- Бет бетге къараса, бет да джерге къарар.
- Дууулдаса – бал чибин, къонса – къара чибин.
- Ётген ёмюр – акъгъан суу.
- Кёзю сокъурдан – къоркъма, кёлю сокъурдан – къоркъ.
- Таугъа чыгъаллыкъ эсенг, тюзде къалма.
- Суугъа – таянма, джаугъа – ийнанма.
- Айтханы чапыракъдан ётмеген.
- Керилген да, ургъан кибикди.
- Башланнган иш битер, къымылдагъан тиш тюшер.
- Чабакъсыз кёлге къармакъ салгъанлыкъгъа, чабакъ тутмазса.
- Итли къонакъ джарашмаз.
- Джашынгы кесинг юретмесенг, джашау юретир.
- Ётюрюкчюню шагъаты – къатында.
- Адеб базарда сатылмаз.
- Бозаны арты дауур болур.
- Бойнуму джети джерден кессенг да, мен ол ишни этеллик тюлме.
- Сабийликде юретмесенг, уллу болса – тюзелмез.
- Эл элде бирер малынг болгъандан эсе, бирер тенгинг болсун.
- Тюз сёз баргъан сууну тыяр.
- Байлыкъ адамны сокъур этер.
- Кёбге таш атма.
- Ачны эсинде – аш.
- Этни да ашады, бетни да ашады.
- Огъурлуну сёзю – суу, огъурсузну сёзю – уу.
- Атынг аманнга чыкъгъандан эсе, джанынг тамагъынгдан чыкъсын.
- Къонагъынгы артмагъын алма да, алгъышын ал.
- Сёз къанатсыз учар.
- Олтуруб кёрюнмей эди да, ёрге туруб кёрюне эди.
- Татлы сёз – балдан татлы.
- Илму – джашауну джолу.
- Тил джюрекге джол ишлейди.
- Болджал ишни бёрю ашар.
- Окъугъан озар, окъумагъан тозар.
- Ачлыкъ отха секиртир.
- Аууздан келген, къолдан келсе, ким да патчах болур эди.
- Тёзген – тёш ашар!
- Тик ёргени, тик энгишгеси да болады.
- Агъач – джерни чырайы, кийим – эрни чырайы.
- Тюзню ётмеги тюзде къалса да, тас болмаз.
- Аман адам этегингден тутса, кес да къач.
- Алим болгъандан эсе, адам болгъан къыйынды.
- Ашда уялгъан – мухар, ишде уялгъан – хомух.
- Таш ата билмеген, башына урур.
- Кюл тюбюндеги от кёрюнмейди.
- Ачыу алгъа келсе, акъыл артха къалады.
- Адебни адебсизден юрен.
- Онгсузну – джакъла, тенгликни – сакъла.
- Таукел адам тау тешер.
- Аман хансны – урлугъу кёб.
Любимые тексты песен.. или тексты любимых песен..
Читают тему (гостей: 1)