- Джолда аягъынга сакъ бол, ушакъда тилинге сакъ бол.
- Халкъны джырын джырласанг, халкъ санга эжиу этер.
- Ойнаб айтсанг да, эслеб айт.
- Аманны къуугъан, аманлыкъ табар.
- Эркиши – от, тиширыу – суу.
- Бети бедерден, намыс сакълама.
- Ата Джуртуму башы болмасам да, босагъасында ташы болайым.
- Ашлыкъны арба юйге келтирир, чана базаргъа элтир.
- Ишге юренсин къоллары, халкъ бла болсун джоллары.
- Ач – эснер, ат – кишнер.
- Минг тенг да азды, бир джау да кёбдю.
- Тойгъа алгъа да барма, тойда артха да къалма.
- Ариу сёзде ауруу джокъ.
- Атлыны ашхысы, ат тизгининден билинир
- Бет бетге къараса, бет да джерге къарар.
- Къалгъан ишге къар джауар.
- Чабакъсыз кёлге къармакъ салгъанлыкъгъа, чабакъ тутмазса.
- Чыбыкълыкъда бюгюлмеген, къазыкълыкъда бюгюлмей эди.
- Аз сёлеш, кёб ишле.
- Адам сёзге тынгыла, акъыл сёзню ангыла.
- Айтылгъан сёз ызына къайтмаз.
- Зар адамны насыбы болмаз.
- Тюзню ётмеги тюзде къалса да, тас болмаз.
- Къызын тута билмеген, тул этер, джашын тута билмеген, къул этер.
- Тамбла алтындан бюгюн багъыр ашхы.
- Суу кетер, таш къалыр.
- Къая джолда джортма, ачыкъ сёзден къоркъма.
- Ашарыкъда сайлагъаннга – чий гырджын.
- Юйюнгден чыкъдынг – кюнюнгден чыкъдынг.
- Нёгерсизни джолу узун.
- Баланы адам этген анады.
- Накъырда – кертини келечиси.
- Кёзню ачылгъаны – иги, ауузну джабылгъаны – иги.
- Акъдан къара болмаз.
- Суугъа – чабакъ, къаягъа – ыргъакъ.
- Къарнынг къанлынга кийирир.
- Келлик заман – къартлыкъ келтирир, кетген заман – джашлыкъ ёлтюрюр.
- Сибиртки да сыйлы болду, кюрек да кюнлю болду.
- Хар ишни да аллы къыйынды.
- Алгъанда – джууукъ, бергенде – джау.
- Гугук кесини атын айтыб къычыргъанча, мен, мен деб нек тураса?
- «Ёгюз, джаргъа джууукъ барма, меннге джюк боллукъса», - дегенди эшек.
- Джашда акъыл джокъ, къартда къарыу джокъ.
- Аджалсыз ёлюм болмаз.
- Джыгъылгъанны сырты джерден тоймаз.
- Къонакъ кёб келюучю юйню, къазаны отдан тюшмез.
- Тели турса – той бузар.
- Намыс сатылыб алынмайды.
- Ёлюк кебинсиз къалмаз.
- Алтыннга тот къонмаз.
Любимые тексты песен.. или тексты любимых песен..
Читают тему (гостей: 1)