- Байлыкъдан саулукъ ашхыды.
- Адамгъа аман кюн соруб келмейди.
- Адеб джокъда, намыс джокъ.
- Ким бла джюрюсенг, аны кёзю бла кёрюнюрсе.
- Кёл – къызбай, къол – батыр.
- Малны кют, джерни тюрт.
- Мухар, кеси тойса да, кёзю тоймаз.
- Тойгъан джерге джети къайт.
- Ата Джуртуму башы болмасам да, босагъасында ташы болайым.
- Чабар ат – джетген къыз.
- Татлы тилде – сёз ариу, чемер къолда – иш ариу.
- Чабакъсыз кёлге къармакъ салгъанлыкъгъа, чабакъ тутмазса.
- Эллинг бла джау болсанг да, юйюнг бла джау болма.
- Къатыны харакетли болса, эри къымсыз болур.
- Ишлерге уял да, ашаргъа табма.
- Къонагъынгы артмагъын алма да, алгъышын ал.
- Тёзгеннге, джабылгъан эшик ачылыр.
- Къарны аманнга къазан такъдырма, къолу аманнга от джакъдырма.
- Чакъырылгъанны аты, чакъырылмагъанны багъасы болур.
- Къолунгдан къуймакъ ашатсанг да, атаны борчундан къутулмазса.
- Эрине къаргъыш этген къатын, эрнин къабар.
- Шекер бла туз – бир болмаз, ушамагъан – юй болмаз.
- Тилчи бир сагъатха айлыкъ хата этер.
- Акъыллы – эл иеси, тели – эл баласы.
- Магъанасыз сёз – тауушсуз сыбызгъы.
- Эркиши – от, тиширыу – суу.
- Адамны бетине къарама, адетине къара.
- Бастасын ашагъан, хантусун да ичер.
- Ариу сёз аурууунгу алыр.
- Бети бедерден, намыс сакълама.
- Танг атмайма десе да, кюн къоярыкъ тюйюлдю.
- Тюзню ётмеги тюзде къалса да, тас болмаз.
- Уллу къашыкъ эрин джыртар.
- Аууз сакълагъан – джан сакълар.
- Сууда джау джокъ, кёб сёзде магъана джокъ.
- Аман адамны тепсинге олтуртсанг, къызынгы тилер.
- Туз, гырджын аша, тюзлюк бла джаша.
- Адамны сабийин сюйген джюреги, бычакъча, джитиди.
- Айран ичген – къутулду, джугъусун джалагъан – тутулду.
- Ёнгкюч къууана барыр, джылай келир.
- Атадан ёксюз – бир ёксюз, анадан ёксюз – эки ёксюз.
- Ана – юйню кюн джарыгъы.
- Иги бла джюрюсенг, джетерсе муратынга, аман бла джюрюсенг, къалырса уятха.
- Аджашхан тёгерек айланыр.
- Арпа, будай – ащды, алтын, кюмюш а – ташды.
- Киштикге къанат битсе, чыпчыкъ къалмаз эди.
- Ана къойну – балагъа джандет.
- Айырылмаз джууугъунга, унутмаз сёзню айтма.
- Айтхан сёзюне табылгъан.
- Джети тилни билген джети кишиди.
Любимые тексты песен.. или тексты любимых песен..
Читают тему (гостей: 2)