- Джарлыны эшигин махтагъан джабар.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Адеб базарда сатылмаз.
- Къайгъы тюбю – тенгиз.
- Билеги кючлю, бирни джыгъар, билими кючлю, мингни джыгъар.
- Болджал ишни бёрю ашар.
- Къайтырыкъ эшигинги, къаты уруб чыкъма.
- Эки элинги тыйсанг, джети элде махталырса.
- Дуния аламаты сен эсенг да, игиме деб айтма.
- Ашын ашагъанынгы, башын да сыйла.
- Келинни – келгинчи, бёркню кийгинчи кёр.
- Тёрдеги кюлсе, эшикдеги ышарыр.
- Эли джокъну – кёлю джокъ.
- Къонакъ кёб келюучю юйню, къазаны отдан тюшмез.
- Дуния мал дунияда къалады.
- Олтуруб кёрюнмей эди да, ёрге туруб кёрюне эди.
- Минг тенг да азды, бир джау да кёбдю.
- Тешигини къатында, чычхан да батыр болур.
- Айтханы чапыракъдан ётмеген.
- Джиби бир къат джетмей эди да, эки къат тарта эди.
- Халкъны джырын джырласанг, халкъ санга эжиу этер.
- Ауругъаннга – кийик саулукъ, джетген къызгъа – чилле джаулукъ.
- Баргъанынга кёре болур келгенинг.
- Абынмазлыкъ аякъ джокъ, джангылмазлыкъ джаякъ джокъ.
- Тойгъан антын унутур.
- Аджашханны ызындагъы кёреди, джангылгъанны джанындагъы биледи.
- Хантына кёре тузу, юйюне кёре къызы.
- Биреуге кёлтюрген таягъынг, кесинги башынга урур.
- Чакъырылмагъан джерге барма, чакъырылгъан джерден къалма.
- Гитче джилтин уллу элни джандырыр.
- Чомарт джарлы болмаз.
- Ачлыкъда тары гырджын халыуадан татлы.
- Экеу тутушса, биреу джыгъылыр.
- Сютден ауузу кюйген, суугъа юфгюре эди.
- Башы джабылгъан челекге, кир тюшмез.
- Тамырсыз терекге таянма – джыгъылырса.
- Тойчу джашха къарама, къойчу джашха къара.
- Къуру гыбыт бек дыгъырдар.
- Бал чибинни ургъаны – ачы, балы – татлы.
- Келинин тута билмеген, къул этер, къызын тута билмеген, тул этер.
- Билими азны – ауузунда кирит.
- Эшекге миннген – биринчи айыб, андан джыгъылгъан – экинчи айыб.
- Нёгер болсанг, тенг бол, тенг болмасанг, кенг бол.
- Къарыусузгъа кюлме, онгсузгъа тийме.
- Чабакъгъа акъыл, табагъа тюшсе келеди.
- Кёбге таш атма.
- Чомартны къолун джокълукъ байлар.
- Харам къарнашдан, халал тенг ашхы.
- Кесинге джетмегенни, кёб сёлешме.
- Аманнга да, игиге да оноусуз къатышма.
Лингвистический подфорум
|
Ну... для начала возьми в руки "Историко-этимологический словарь рус. яз." П.Я.Черных. Хороший 2-томник, думаю, отчасти удовлетворит "тюркское" тщеславие
 )) |
|
|
|
|
Читают тему (гостей: 1)