- Ашда уялгъан – мухар, ишде уялгъан – хомух.
- Алим болгъандан эсе, адам болгъан къыйынды.
- Къартны сыйын кёрмеген, къартлыгъында сыйлы болмаз.
- Кюн кёрмеген, кюн кёрсе, кюндюз чыракъ джандырыр.
- Хар сёзню орну барды.
- Мен да «сен», дейме, сен да «кесим», дейсе.
- Окъ къызбайны джокълайды.
- Ач – эснер, ат – кишнер.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Суу кетер, таш къалыр.
- Байны оноуу, джарлыгъа джарамаз.
- Онгсузну – джакъла, тенгликни – сакъла.
- Къазанчы аман болса, къазаны къайнамаз.
- Эрни эр этерик да, къара джер этерик да, тиширыуду.
- Къарнынг бла ёч алма.
- Бир абыннган – минг сюрюнюр.
- Эки ойлашыб, бир сёлешген.
- Къонакъ кёб келюучю юйню, къазаны отдан тюшмез.
- Къонагъынгы артмагъын алма да, алгъышын ал.
- Джылкъыдан – ат чыгъар, тукъумдан – джаш чыгъар.
- Халкъгъа джарагъан, джарлы къалмаз.
- Сагъышы джокъ – джукъучу, акъылы джокъ – къаугъачы.
- Джылар джаш, атасыны сакъалы бла ойнар.
- Тик ёргени, тик энгишгеси да болады.
- Оюмсуз атлагъан, аджалсыз ёлюр.
- Ишни ахырын ойламай, аллын башлама.
- Керилген да, ургъан кибикди.
- Къая джолда джортма, ачыкъ сёзден къоркъма.
- Джетген къыз джерли эшекни танымаз.
- Акъыл къартда, джашда тюйюлдю – башдады.
- Ата Джуртча джер болмаз, туугъан элча эл болмаз.
- Джылыгъа джылан илешир.
- Чалманны аллы къалай башланса, арты да алай барады.
- Тешигини къатында, чычхан да батыр болур.
- Къозулугъунда тоймагъан, къойлугъунда тоймаз.
- Иги адамны бир сёзю эки болмаз.
- Ётюрюкден тюбю джокъ, кёлтюрюрге джиби джокъ.
- Сормай – алма, чакъырылмай – барма.
- Рысхысына кёре, джаш ёсер, къышлыгъына кёре, мал ёсер.
- Элде адам къалмаса, ит тахтагъа минер.
- Азыгъы аз, алгъа къабар, аты аман, алгъа чабар.
- Айыбны суу бла джууалмазса.
- Кёл ашады да, кеси ашады.
- Тынгылагъан тынгы бузар.
- Билим ат болуб да чабар, къуш болуб да учар.
- Аш берме да, къаш бер.
- Ауругъан – джашаудан умутчу.
- Атынг аманнга чыкъгъандан эсе, джанынг тамагъынгдан чыкъсын.
- Ёзденликни кёбю ётюрюк.
- Чомарт къонакъ юй иесин сыйлар.
Лингвистический подфорум
|
Ну... для начала возьми в руки "Историко-этимологический словарь рус. яз." П.Я.Черных. Хороший 2-томник, думаю, отчасти удовлетворит "тюркское" тщеславие
 )) |
|
|
|
|
Читают тему (гостей: 1)