- Татлы тилде – сёз ариу, чемер къолда – иш ариу.
- Игиге айтсанг – билир, аманнга айтсанг – кюлюр.
- Ачны эсинде – аш.
- Таукелге нюр джауар.
- Къарыусузгъа кюлме, онгсузгъа тийме.
- Бети – къучакълар, джюреги – бычакълар.
- Иши джокъну, сыйы джокъ.
- Джигер – джаннга къыйынлыкъ.
- Адамны бетине къарама, адетине къара.
- Аман адамны тепсинге олтуртсанг, къызынгы тилер.
- Терек ауса, отунчу – кёб.
- Ана – юйню кюн джарыгъы.
- Билеги кючлю, бирни джыгъар, билими кючлю, мингни джыгъар.
- Керти сёзге тёре джокъ.
- Ауругъаннга – кийик саулукъ, джетген къызгъа – чилле джаулукъ.
- Кёб джат да, бек чаб.
- Ач къалгъандан, кеч къалгъан къолай.
- Къатын къылыкъсыз, эр тынчлыкъсыз.
- Кёзден кетген, кёлден да кетеди.
- Джашлыкъ этмеген, башлыкъ этмез.
- Кеси юйюмде мен да ханма.
- Къоркъакъны кёзю экили кёрюр.
- Къумурсхала джыйылсала, пилни да джыгъадыла.
- Этни да ашады, бетни да ашады.
- Ач да бол, токъ да бол – намысынга бек бол.
- Ким бла джюрюсенг, аны кёзю бла кёрюнюрсе.
- Таукел адам тау тешер.
- Уллу атлама – абынырса, уллу къабма – къарылырса.
- Адам сёзюнден белгили.
- Рысхысына кёре, джаш ёсер, къышлыгъына кёре, мал ёсер.
- Тюзлюк шохлукъну бегитир.
- Накъырданы арты керти болур.
- Джолунга кёре – джюрюшюнг, джагъанга кёре – юлюшюнг.
- Уллу суу бла уллу ауруудан башынгы сакъла.
- Джашда акъыл джокъ, къартда къарыу джокъ.
- Аз сёлешген, къайгъысыз турур.
- Ёлген ийнек сютлю болур.
- Аманны къуугъан, аманлыкъ табар.
- Экеулен сёлеше тура эселе, орталарына барыб кирме.
- Джырчы ёлсе, джыры къалыр.
- Иги болса, тамадама – махтау, аман болса, меннге – айыб.
- Таукел къуру къалмаз.
- Адам боллукъ, атламындан белгили болур.
- Окъ къызбайны джокълайды.
- Эли джокъну – кёлю джокъ.
- Билим ат болуб да чабар, къуш болуб да учар.
- Джеринден айырылгъан – джети джылар, джуртундан айырылгъан – ёлгюнчю джылар.
- Джарлыны эшигин махтагъан джабар.
- Тура эдим джата, къайдан чыкъды хата?
- Булут кёкге джарашыу, уят бетге джарашыу.
СВЕДЕНИЯ О БУДУЩИХ СОБЫТИЯХ (ОКЪУ)
Читают тему (гостей: 1)