- Сууда джау джокъ, кёб сёзде магъана джокъ.
- Аманны эки битли тону болур, бирин сеннге кийдирир, бирин кеси киер.
- Адам боллукъ, атламындан белгили болур.
- Джюз элде джюз ёгюзюм болгъандан эсе, джюз джууугъум болсун.
- Мухардан ач ычхынмаз.
- Эл бла кёргенинг эрелей.
- Алтыда кюлмеген, алтмышда кюлмез.
- Билмейме деген – бир сёз
- Аджал соруб келмез, келсе, къайтыб кетмез.
- Бичгенде ашыкъма, тикгенде ашыкъ.
- Аманнга алтын чыдамаз.
- Эшекге миннген – биринчи айыб, андан джыгъылгъан – экинчи айыб.
- Джюрекден джюрекге джол барды.
- Джукъу тёшек сайламайды.
- Джан саулукъ бермей, сан саулукъ бермезсе.
- Насыблы элин сюер, насыбсыз кесин сюер.
- Кёл ашады да, кеси ашады.
- Джетген къыз джерли эшекни танымаз.
- Суугъа – чабакъ, къаягъа – ыргъакъ.
- Тил – кесген бычакъ, сёз – атылгъан окъ.
- Ачылгъан эт джабылыр, кёрген кёз унутмаз.
- Джангыз торгъай джырламаз.
- Биреуге аманлыкъ этиб, кесинге игилик табмазса.
- Акъыллы эркиши атын махтар, акъылсыз эркиши къатынын махтар.
- Биреу ашаб къутулур, биреу джалаб тутулур.
- Тойгъан джерден туугъан джер игиди.
- Кёрмегеннге кебек – танг, битмегеннге сакъал – танг.
- Насыб бютеу халкъны юлюшюдю.
- Билими азны – ауузунда кирит.
- Чёбню кёлтюрсенг, тюбюнден сёз чыгъар.
- Келинни – келгинчи, бёркню кийгинчи кёр.
- Хар сёзню орну барды.
- Мал ёлсе, сюек къалыр, адам ёлсе, иши къалыр.
- Болджал ишни бёрю ашар.
- Асхат ашлыкъ сата, юйдегиси ачдан къата.
- Ётюрюкню башын керти кесер.
- Джол бла сёзню къыйыры джокъ.
- Айныгъанлы алты кюн, тогъайгъанлы тогъуз кюн.
- Бир абыннган – минг сюрюнюр.
- Намысы джокъну – дуниясы джокъ.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Аууз сакълагъан – джан сакълар.
- Ишге юренсин къоллары, халкъ бла болсун джоллары.
- Чабакъ башындан чирийди.
- Булут кёкге джарашыу, уят бетге джарашыу.
- Танг атмайма десе да, кюн къоярыкъ тюйюлдю.
- Акъыллы башны – тили къысха.
- Уллу сёзде уят джокъ.
- Аман адамны тепсинге олтуртсанг, къызынгы тилер.
- Ауругъаннга – кийик саулукъ, джетген къызгъа – чилле джаулукъ.
СВЕДЕНИЯ О БУДУЩИХ СОБЫТИЯХ (ОКЪУ)
Читают тему (гостей: 1)