- Соргъан айыб тюлдю, билмеген айыбды.
- Хатерли къул болур.
- Акъыллы эркиши атын махтар, акъылсыз эркиши къатынын махтар.
- Тура эдим джата, къайдан чыкъды хата?
- Аманнга алтын чыдамаз.
- Ата Джуртун танымагъан, атасын да танымаз.
- Ауругъанны сау билмез, ач къарынны токъ билмез.
- Ач – эснер, ат – кишнер.
- Магъанасыз сёз – тауушсуз сыбызгъы.
- Кесине гебен этелмеген, биреуге черен эте эди.
- Асхат ашлыкъ сата, юйдегиси ачдан къата.
- Юреннген ауруу къалмаз.
- Татлы сёз – балдан татлы.
- Тойгъан антын унутур.
- Нафысынгы айтханын этме, намысынгы айтханын эт.
- Рысхы – насыбха къор.
- Танг атмайма десе да, кюн къоярыкъ тюйюлдю.
- Эки элинги тыйсанг, джети элде махталырса.
- Чакъырылмагъан къонакъ – орунсуз.
- Тюз сёз баргъан сууну тыяр.
- Мухар, кеси тойса да, кёзю тоймаз.
- Ёнгкюч къууана барыр, джылай келир.
- Иги адам абынса да, джангылмаз.
- Ойнай билмеген, уруб къачар.
- Адамны артындан къара сабан сюрме.
- Джети тилни билген джети кишиди.
- Тилчи бир сагъатха айлыкъ хата этер.
- Ауругъан – джашаудан умутчу.
- Къонакъ кёб келюучю юйню, къазаны отдан тюшмез.
- Къошда джокъгъа – юлюш джокъ.
- Кёрмегеннге кебек – танг, битмегеннге сакъал – танг.
- Юй ишлеген балта эшикде къалыр.
- Сёз сёзню айтдырыр.
- Къартны сыйын кёрмеген, къартлыгъында сыйлы болмаз.
- Сёлеш деб шай берген, тохта деб, сом берген.
- Тилде сюек болмаса да, сюек сындырыр.
- Эли джокъну – кёлю джокъ.
- Билгенни къолу къарны джандырыр.
- Джаш болсун, къыз болсун, акъылы, саны тюз болсун.
- Тойгъанлыкъ къойгъа джарашады.
- Айыбны суу бла джууалмазса.
- Аман къатын сабий табса, бий болур…
- Тёрени джагъы джокъ.
- Биреуню тёрюнден, кесинги эшик артынг игиди.
- Тай асырагъан, атха минер.
- Ёлген эшек бёрюден къоркъмайды.
- Джауумдан сора, кюн кюйдюрюр, ётюрюкден сора, айыб кюйдюрюр.
- Сёз садакъдан кючлюдю.
- Чоюнну башы ачыкъ болса, итге уят керекди.
- Халкъны джырын джырласанг, халкъ санга эжиу этер.
СВЕДЕНИЯ О БУДУЩИХ СОБЫТИЯХ (ОКЪУ)
Читают тему (гостей: 1)