- Элде адам къалмаса, ит тахтагъа минер.
- Тюкюрюк баш джармаз, налат кёз чыгъармаз!
- Сормай – алма, чакъырылмай – барма.
- Ашхы адам – халкъ байлыгъы, ашхы джер – джашау байлыгъы.
- Эшекни не къадар тюйсенг да, ат болмаз.
- Ёпкелегенни ашы татлы болады.
- Ач къарным, тынч къулагъым.
- Къарт болгъан джерде, берекет болур, сабий болгъан джерде, оюн болур.
- Ата джурт – алтын бешик.
- Джылыгъа джылан илешир.
- Адеб джокъда, намыс джокъ.
- Эллинг бла джау болсанг да, юйюнг бла джау болма.
- Керек ташны ауурлугъу джокъ.
- Ариуну – ауруу кёб.
- Аманны эки битли тону болур, бирин сеннге кийдирир, бирин кеси киер.
- Сютден ауузу кюйген, суугъа юфгюре эди.
- Ана – юйню кюн джарыгъы.
- Кенгеш болса, уруш болмаз.
- Къарын къуру болса, джюрек уру болур.
- Эринчекни эр алмаз, эр алса да, кёл салмаз, кёл салса да, кёб бармаз!
- Адамны аманы адамны бети бла ойнар.
- Кийимни бичсенг, кенг бич, тар этген къыйын тюлдю.
- Биреу ашаб къутулур, биреу джалаб тутулур.
- Джарлы тюеге минсе да, ит къабар.
- Къызын тута билмеген, тул этер, джашын тута билмеген, къул этер.
- Мен да «сен», дейме, сен да «кесим», дейсе.
- Тойгъан антын унутур.
- Душманны тышы – акъ, ичи – къара.
- Эр абынмай, эл танымаз.
- Чёбню кёлтюрсенг, тюбюнден сёз чыгъар.
- Тик ёргени, тик энгишгеси да болады.
- Къуллукъчума, деб махтанма, къуллукъ – хаух джамчыды!
- Ана кёлю – балада, бала кёлю – талада.
- Къанны къан бла джуума, аманны аман бла къуума.
- Тилчи бир сагъатха айлыкъ хата этер.
- Байма, деб да, къууанма, джарлыма, деб да, джылама.
- Ойнаб айтсанг да, эслеб айт.
- Рысхысына кёре, джаш ёсер, къышлыгъына кёре, мал ёсер.
- От этилмеген джерден тютюн чыкъмайды.
- Къар – келтирди, суу – элтди.
- Къатыны харакетли болса, эри къымсыз болур.
- Къолунгдан къуймакъ ашатсанг да, атаны борчундан къутулмазса.
- Таукел адам тау тешер.
- Сёз садакъдан кючлюдю.
- Эм уллу байлыкъ – джан саулукъ.
- Аллахха ийнаннган кишини, Аллах онгдурур ишин.
- Иги джашны ышаны – аз сёлешиб, кёб тынгылар.
- Этек чакъмакълары баш джаргъан, сёлешген сёзлери таш джаргъан.
- Арба аугъандан сора, джол кёргюзтюучю кёб болур.
- Алтыннга тот къонмаз.
СВЕДЕНИЯ О БУДУЩИХ СОБЫТИЯХ (ОКЪУ)
Читают тему (гостей: 1)